العاشق المحروم

يا جماعه ودّنا بالعاشق المحروم وينه * ودّنا ناخذ معه طاروق في كلمه ومعنى

وان لفا للصوت قلنا يا عسا تسلم يمينه * وياعسا يسلم عريب الساس يوم انّه جمعنا


........................
من حب فعل المطلق اللي يسليك * سميت انا نفسي خوي المطاليق

ياهلا يامرحبا واقلط على سمن وسمينه
.............................من ينادينانجي له وان بغا الفزعه فزعنا
كان ودك للعسير نسير والا للمدينه
.............................حدد المظراب وابشر واحنا للعلم احتزمنا

البقا بك يالمرحب لكن اخلفت السفينه * دامنا قلنا على ذا النهج تابعنا وطعنا

يوم شفتك تطلب الربّان في علم الدفينه * ويش رايك في جوابه يوم قلتو واستمعنا؟




.................
احذر تزل المعرفه لا تحاكيت * اقنص لزينات المعاني وصدها
ولا تقول علوم ماقد تحرّيت * عنها ترا يلزم بها من سردها

العوض بالقادمه والسابقه راحت رهينه
..............................واعرف انّافي محل عكاض قد خذنا وبعنا
ضيّع الربان ذيك السالفه واخطت يدينه
..............................بس حنا ندمح الزله لرجّالٍ تبعنا

هو تبعكم يوم كنتو في مجاله تابعينه * والتناقض في تراتيب الخبر ماهو سنعنا

والجزا مثل الجزا في السوق وانشد حاكمينه * والدليل انا دمحنا لك رهينه ما رجعنا



................
وشجاك ياوقت العنا يوم شنّيت
حربٍ ضورس ونادر اللي صمدها


حرب الجهاله طايشه لو تتقيت
لازم تنوشك بالمقادير يدها

طرش اسمان المعاني واترك اللي خابرينه
..............................والمجال اللي تقوله سايدٍ في مجتمعنا
وهات علمٍ محتسينه من وراى ذيك الخزينه
...............................واعرف ان مالك ورانا حاجةٍ يوم ابتدعنا

ابتدينا وانتهينا وانقضا للراس دينه * يكفي انّا في مجالسكم من المعنى قدعنا

لو نعيد العلم الاول بعضنا راحت سنينه * يشرح الموضوع للي ضاع في المعنى وضعنا



................................

هواجيسي نخل مدّت من ابيات الخيال عذوق
اخصص بيت للشعار والباقي اعممها

لا هنت ..........

يعطيك العافيه اخوي خوي المطاليق
وماقصّرت ولنا لقا انشاء الله.......
وتقبل صادق الود