للشعار فقط!!!!!!!!!!!!!

[ابو رعد]

سلام الله سلام يشمل الحضار والقراي
#################سلامٍ فيه لفه ياجماعه وفيه تدويره
بديناها بدينهامن البايع من الشراي
################نبى اللي عارفين الدار واللي هم هل الديره


ولكم تحيات اخوكم /ابو رعـــــد

هلا يامرحبابك يالمسلم يا حسين الراي
.............................تهرج هات علمك ياعسى في علمكم خيره
نبي نسري معك والا تخاويني معا مسراي
.............................ودربٍ نسلكه لا بد ما نبعد مشاويره

[ابو رعد]

توكلنا على الله وحذر الغدرى عقب قمراي
##################وترى دربي طويل وفيه جرف وفيه دحديره
ظرينا بالمساري في يدي تمره ويد عجراي
##################نعشي من ذبحه الجوع ونقمع شاعب بعيره

نبا نسري وخلك ياوسيع المعرفه تبراي
..............................وترى ماهمنا دربٍ تقوله فيه تدويره
على كتفي زهابي واليمين مجوّده مبراي
..............................وننبه قاطع الساقه لاما انه ينطفي كيره

[ابو رعد]

تقوله وانت ياعاشق غدت سمراك مع حمراي
#################ولا ادري ويش مقصودك ولا ادري ويش تبريره
اشوف الجمس غادي والدريول يتعب الزراي
###################توقع ياعميل الخير هجمه ثم تمريره

انا من فضل ربي مااختلف مشيي ولا مجراي
.............................يوم ان غليص كبرت لقمته غرقت محاجيره
وانا يابورعد حطيت غليوني تحت جمراي
.............................واعرف اهل النفوس اللي تبا دله وتعميره

خلووووها .... جيتنا


اخي ابو رعد .... اخي العاشق المحروم


سلام الله عليكم جيتنا توي على ممشاي
..................... عرفت القصد من هرج وأنا بخشى محاذيره
تحية وان رفضتوها ترى بسري على مسراي
.....................وابي توضيح ما يحصل لجلما تصيبني حيرة





*********
فتى الأفلاج
*********************************
توي جديد وهقوتي تعذروني ..... لاني خبير ولا بعد صرت راوي
*****************************************************

[ابو رعد]

مشكور اخوي العاشق المحروم ولنا لقاء ان شاء الله وشكرا اخوي فتى الافلاج