من يعرف الصح مايمشي طريق العوج

السلام عليكم ورحمة الله وبركاته
المجال مفتوح يالشعار

من يعرف الصح مايمشي طريق العوج

-------------اقولها وابتدي0 منهو0 رفيق المسير

ودي بشاعر يعرف 0ومنهجه 0لانهج

---------يعجب هل العرف في صرف المعاني خبير

الاخ / مرزوق العطاوي


استلم لاهنت


مايتعب من الطريق الا العمى والعرج

..............................والعارفه له بدرب اهل المعاني مصير


يبا يجيك انفراجه يامدوٌر فرج

............................مالك ومال التعسر وانقباض الضمير




ولاهنت ياالعطاوي

مرحبا ياصالح

حييت حييت ياصالح والابه حرج

-------القصد مزح وتسلي جعل فى الامر خير

نبا نقص الاثر ونشوف نور السرج

------اما طـلع 0زيد قايد صح 0والاخفير

لاهنت يامرزوق


استلم




اعرف صحيبي اليا منه بعلـمه هرج

.............................. واميٌــز الصوت لو حوله كلامٍ كثير


الحظ ماينصفط والموت ما ينسرج

............................. يااللي تحسب التمني مثل ضهر البعير

[poet font="Simplified Arabic,14,deeppink,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
مساء الخير ياصالح0

تعرف ومن لاعرف في مدخله ماخرج"="والسوق مايد خله يارجل رجل فقير

الدرب قدام عانه والرحى تدرج"="والحب تحت الرحى صلبه يعود ذرير
[/poet]

صباح الخار يامرزوق



اعطيك علم الحقيقه وانت لا تنحرج


.............................رجلٍ مضرا على الدنيا وقلبك كبير



لو كل هاجوس في جوفك قعد يمترج

............................نعـطيك في كل حبــه بـــر كالـه شعير

الله يصبح ويمسيك بالخير


علم الحقيقه منول يوم ضرب الزرج

------------احدٍ بفعله كبر واحدٍ بفعله صغير

وهذيل اهل طيب لكن مارقو بالبرج

-----------بسفوح ذيك الجبال اورودها والصدير

هههههههههههه


الله الله ..................ياخيٌ



خلوووووووووووووووووووووووووووووووووووووها



متى تنفسٌت قلي ياالبعير الحرج

........................ضاري بدفع الجزاوي للعرب من عصير


تبا ضمن قايمة روس العرب تندرج

....................... هذا لو ان انت دوبك واحدٍ من مطير

صالح مسالخيرهههههههههههههههه




الله يقود الرجا ابك وانتبه لاترج
---------ومن رج ياصاحبي صالح علاجه عسير

فوق الزوامل ياصالح تشحنون الخرج
----------------وتبيعون الصلائب لوثمنها يسير

اعقص يا هوه


خلوووووووووووووها


ياحييه


حنا هذيل الحرار وعارفين الدرج

...........................يومن كل اعشره من ربعكم في زبير


دربك ورى الجلـٌـه القشرا ترى منعرج

........................وبيع السلب والمصابا يا عتابه خطير


.


...........................

[poet font="Simplified Arabic,14,deeppink,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
شاعر هذيل0
صباح الخير0
ودوك هههههههههههه

ياهذيل ياطيبكم لكن مابه حجج"="اتثبت اللي فعلتو0 طال والا قصير

دربي يشرف وعلمي ساعة المعتلج"="يعرف ولاتقدره بعض العرب ياجرير
[/poet]

ياخــيٌ انت جيت والله اني احسبنك معاد تجي


هههههههههههههه



شاعر عتابه ............ انت علامك غيرت القاف .......تدري لاكلف الله نفسا الاوسعها


استلم طال عمرك ...


انتم خلقتوا مع النيدو ووارد فرج

............................وحنا من الجاهليه للقبايل سعير


حنا نعرف الحقايق كبك عنك المرج


...........................لا تـلـبد الناس باالكذبه لبدك الحضير




ابن روق حسبي الله علاك حسبن يكفي حديتنا لعلوم مانبغاها

وذلحين زعلت على الروقه من اول يبا يزوجوني وها الحين يمديهم هـوٌنـو


تراها مزوح ماتعدت الضلاع القصيٌر

صويلح مساء الخير

اما القاف ماني مطيعك فيه ولاتغير والاهوب شرط احتفض ( ر )

ما الروقه كانك تستاهل يبايزوجونك00 مير الله واعلم ههههههههههههههههههه

وستلم يابعدي



انتم ليا لجت الرباحن جاكم لجج

------------اعوير فلى الجاهليه جاء حفيده صوير

وينك وين الحقيقه والدجى مانبلج

------------لا تدبل اكبودنا بالهـــــون يبو كبير

مريزيق


انت تدري عاد ............تراك عتيق لوجه الله



وبعدين تعال .......... الظاهر انك مصدق اني ابا اخذ من الروقه


اخوي دوب اليا ماتوا هذيل وقريش وسليم ومطير يمكن......ندور من الروقه



وشكراً لك على هذا المحاوره الممتعه...................وفمان الله