هبّة هبوب المرجله واسر ياساري؟؟؟

السلام عليكم ورحمة الله وبركاته ..
اعتقد ان هذي اول مشاركه لي في منتدى المحاوره ...
وارجو قبولي بينكم

ارجوا قبولي بينكم ياهل الميدان*في منتدى المعنى والاوزان والقيفان*كل العرب تبدي له اعجاب واستحسان*(هبّة هبوب المرجله واسر ياساري)

سلام ردّية وفا تنصى جميع الحاضرين*من هجس ابو افراس ابن همّام الفرزدق بن تميم

قالوا لي الشعار حول اربع ميه واقول وييين؟؟*شيٍ عجيب!!اعوذ بالله الكريم من الرجيم

يامرحبا بك يالفرزدق .. وياهلا === أنته زميل .. ولافي ربع وزملا
يباشرون الضيف بالحب والغلا === هبّت هبوب المرجله واسر ياساري

يامرحبا ترحيبة أهل الطيب ..عند الطيبين === اللي يحبون الجديد .. ولايخلون القديم
لاتطلب الأربعميه .. والسالفه تبغى ثنين === مايعطي إلا الله .. لكن قول يالله ياكريم

دام البقابك .. ياحمر عين يمراقب * من هاجس افكاره تجدّد وتتعاقب * رحبْت بي يومن بزغ نجمي الثاقب * (هبّة هبوب المرجله واسر ياساري )

دام البقا .. وحان اللقا .. والله يعين الصابرين * وان كنْت عالم ياحمر من فوق ذي علمن عليم

سحابة الصيف اللعينه ماتغش العارفين * فكّر .. وخذ راي النداوي ، والعيافي , والسديم

الله يحيي نجمنا الثاقب البعيد === اليوم هذا يوم شفناه يوم عيد
كلن يريد ويفعل الله مايريد === هبت هبوب المرجله وإسر ياساري

ياطيب عرف العارفين .. ولمحة القلب الذهين === اللي يمشّي صاحبه فوق السراط المستقيم
الرأي رأيك .. وإدحم الشعّار بالجنب المتين === النجم ثاقب .. والرجال شهود .. والله العظيم

ياصاحبي ماعاد فاللعب حب خشوم * انطر شويّ تجيك غير العلوم علوم * اصبر على مرّ الزمن وارض بالمقسوم * هبّة هبوب المرجله واسر ياساري

لي هيبه ، وسطْوه ، وفكْر ، وحنكه ، وعقلن فطين * وحرْفي كما شلفا ذياب .. اليا انكتب جا فالصميم

وان كان شبّت نارها.. باذن الله القاسي يلين * مير الشواعير احرجوك .. وقالوا انفخ ياشريــــم

هذي خطوره منك يالشاعر الخطير === خطورتن ماهيب تصرى من التكسير
أنت الفرزدق ..بس مانيب أنا جرير === هبت هبوب المرجله وإسر ياساري

رديتن قامت على معنى "يروع الغافلين" === (أنا الخطير أنا الفهيم..أنا الخطير أنا الفهيم)
واللي خلق جسمك ..وسوى لك فم وخشم ويدين === إني شفوق أنفخ .. لكن مابه شراره في الهشيم

ماني باعدّك شيّ .. عن درب ابوافراس اقْص * لو يفزع اللي شايعن بالغنا والرقْص * القرم يبقى قرم .. والنقص يبقى نقص * (شدّوا ويمتهم جنوبن عن الديره )

الاوله فوق الحسن .. والثانيه فوق الحسين * والرب واحد .. يااحمر العينين .. والمنهج سليم

يبقى الامر والمنتهى لله رب العالمين * اللي خلق .. واللى فرق بين السنافي .. والبهـيـم

خلك لحالك والقوافي لحالها === كسرت مبناها .. وشيّنت فالها
والبدو لومرّتك مالك .. ومالها === هبت هبوب الملعبه .. وإسر ياساري

الأوله طارت سما..والثانية طشّت يمين === والثالثه مهيب لك .. للي هنا..غرب القصيم
أخذت لك هرجة عرب غيرك .. وكثّرت الرطين === وأنا لك الله عارفن هرج المواطن والمقيم

امن البدايه .. وانته اتكسّر الموّال * ولابغيت احرجْك يااحمر وصبري طال * وقلت: الله ايبدلْك من حالن اليا حال * لكنّ مابه فايده يااحمر العينين

اقولها .. واعيدها .. في كلّ وقت .. وكلّ حين * مابين .. غين ، وبين شين ، وبين ياء ، وبين ميييم

وين العقول العادله؟ .. وين الرجال المنصفين؟ * الفاهمين ، العاقلين ، اللّي لهم راين حكيم

ياراعي الغلبا .. ماتحتاج فلفسه === شغلك شغل فنان مافيه دعفسه
المنصف اللي لا إهدي الحق..يرفسه === هذا الصحيح .. وقولوا اللي تقولونه

أخذت لك هرجة بدو غيرك .. وكثّرت الحنين === تقولها وتعيدها .. ياطول صبرك يانديم
لن طعتني خليتها .. وإلا إدع وأنا أقول "امين" === وأذكر تصلي قبل تدعي .. بين زمزم والحطيم