سلام رديتن مني لكم ياهل النداوي سلام

[محتار]

سلام رديتن مني لكم ياهـل النداوي سـلام
_________________ تحيتن من ديار العرض أقدمها وأغنيبها

قالو ترى النت يامحتار فيه الشعر شد الحزام
_________________ واللي كتب له قصيدة باليمن داورد تدريبها


تقبلوا تحياتي أخوكم الجديد... محتار...

حياك الله ........................

يامرحبا ياالمسّلم عد من صلى لربه وصام
.............................باللي لفا من ديارٍ ما تراخى في مواجيبها
احزم حزامك وعينك ياعميلي خلها للامام
............................ترى الذيابها تجاوب ذيبها لامن عوى ذيبها

[محتار]

دام البقى يا عميلي والوفاء والطيب والأحترام
___________________ جينا لكم بالنداوي يوم كلن صار يحكيبها


والذيب يا صاحبي قد قيل عين الذيب لا ماتنام
_________________ الذيب له عين يمنا لا غفت يسراه يسريبها

قود المعاني مثل قود الجمل ياصاحبي بالخطام
...................................وطرش سمان الهروج وخل عنك العوج مالي بها
واعرف ترا فيه شايع واحمر العينين ضد الحرام
...................................وكل الجماعة تريد الجزل والجزلات تحري بها

[محتار]

أستلم يالعاشق المحروم



قيل المعاني كما مهره صغيرة ماتعرف اللّجام
________________ ما طاوعة غير فارس عارفٍ وشلون يمشيبها


والعسكري ما يخالف من مشى بالسير بالأنتظام
________________ واللي قطع له اشارة لازمن يلقى مشاعيبها

قيل المعاني مثل ظلعٍ طويلٍ نايفٍ بالعدام
................................وبعض المعاني كما نجم الجدي وسهيل نسري بها
يامقّرب الرين من بتران يامحتار يابن الكرام
................................حل القضيه وخلك عارفٍ الام من صيبها

[محتار]

لاحت بروق السحايب وأستهلت مزنةٍ من غمام
_________________ سيل بها واديٍ وسط القويع وسيل شعيبها



واللي بذر بذرته يجني ثماره في نهار الصرام
________________ والمحكمة صدرت للحكم والقاضي يماريبها

اسمع يامحتار..

ان كانها وردت القلته فحذرا لا تعوّد حيام
.................................وياطيب بعض السوالف من وسيع العرف ياطيبها
مدرانت حليت غرب البرج والا شرق والا انت شام
.................................والا جنوب الرقيبه من عوال الشايب اللي بها

[محتار]

الله الله .... أسمع


يحي لعب القوافي لجرى بالعلب رمي السهام
_________________ مع شاعرٍ يطرح النيشان بالقيفان ويصيبها



ياطيب هاك النخيل اللي جنوب البرج تحته شمام
________________ ربعي ترى ياسمون الباب والعربان توحي بها

اسمع اسمع...

يا نعم يا واسمين الباب يااللي كل ابوكم حشام
...................................قومٍ نهار اللقا والهوش تفتل روس اشانيبها
لاعاد تحتار يامحتار وادحم لا تهاب الزحام
...................................اظرب بزندك وكلٍ عزوته دايم يماري بها

[محتار]

ما عليك زود يالعاشق

والنعم باللي على درب الكرم والجود خذله وسام
___________________ قومٍ كما العود الأزرق والعرب دايم تهلي بها



يالعاشق اليوم أنا بجيك وأخذ من كبار العمام
__________________ ونروح يم الهنوف اللي خذت قلبك وناتي بها

الله الله......... كفو والله

راحو وهفّّو ورى عرق النفود يشيدون الخيام
.................................نسيو ليالي الفرح والنفس شامت ويش اسوي بها
لاعاد لي بالهوى والعشق يامحتار شف ومرام
.................................من عقب مالله حرمني من هنوفٍ كنت اهذري بها

[محتار]

قالو ترى العشق كاسٍ من شرب كاسه يصيبه هيام
___________________ مسكين راعي الهوى صابه هيام وذاق تعذيبها


وبالطيب والمسك والعنبر نقول اليوم مسك الختام
__________________ الله يعز النداوي يوم سجلنا مع ويبها


الله يبيض وجهك بالعاشق المحروم على هذة المحاورة والله يبيض وجة النداوي اللي عرفنا على الرجال الطيبين


تحياتي للجميع