الموال ..يا هاوي الموال

الليله العاشق المحــروم && عنده خبر يالربع واعلوم
من سمعها طار عنه النوم && واللي جمعنا يفرقنــــا

ياناس انا حصّلت رجّالٍ ذبـح ناسٍ كثير
........................يذبح بدون سلاح ولاحدٍ ياجماعه يمنعه
اللي توفى راح واللي باقيٍ وضعه خطير
........................يالله تمنعنا من المــاخوذ والا تقطـعه

الليلة العلم مايحتاج === جابه من الصين ..للأفلاج
سوّاق طيّارة الميراج === واللي جمعنا يفرقنا

عطنا علومك .. وأذكر أولها ولا تنسى الأخير === واللي سمعته وين؟.. في الأفلاج .. وإلا المجمعه
هذا خبر يالعاشق المحروم..حساس و مثير === مايحتمل تأخير .. وأنا .. وأنت .. وإثنين .. أربعه




[تم تعديل الموضوع من قبل حمرعين بتاريخ 01-28-2001 الساعة 10:28 PM]

اسمع ياحمرعين

العلم واضح وتسمعنا && ياصاح لاتخلف المعــنا
كل النشاما تطالعنا && واللي جمعنا يفرقنا

كمٍ شجاعٍ من فعوله طايحٍ يبكي حسير
...........................ينخا ويستفزع وقلبه غاديٍ له قربعه
ولولا الظلوع الحدب من دونه ترى يمكن يطير
...........................بسباب ذاك اللي ليامن بان يحدث زوبعه

[الكويتيه العنيده]

سورري لكن للضروره احكام

اخى العزيز /العاشق المحروم


راجع ايميلك على وجهه السرعه ... وايضا راجع الشعبي اخر موضوع لك هناك
http://www.alnadawi.net/vb/showthrea...?threadid=1611
تحياتى
واسفه مره ثانيه

[تم تعديل الموضوع من قبل الكويتيه العنيده بتاريخ 01-29-2001 الساعة 04:09 PM]

الدمع من ينثره ماجور === يالله عسى ماعلاه قصور
وإلا الشجاعه لها دستور === واللي جمعنا يفرّقنا

كانه شجاع وقلبه الساطي يخاف من الصفير === الله يجازي من يدفه بالغلط في المعمعه
المعمعه للي يباها ..نصف شر و نصف خير === مير الشجاع إليا دخلها مايقرّط في إصبعه

الأخت الكويتيه :
والله إني أنقد على إللي يقطع الرديه في قصر الأفراح علشان يقول "ياراع الددسن الألفين" ...
ترى فيه طرق أخرى لتحقيق نفس الغرض ..

[الكويتيه العنيده]

هاهاهاها

الاخ الغالي / حمر عين

اسسسسسسسسسسسسسسسسسسفه والله قطعت المحاوره ...
لكن اسئل العاشق المحروم وهو يعلمك اشكثر تعبت ادوره ولا لقيت له ماطيء رجل شفته هنيه قلت احذف الددسون واللى يصير يصر

لكن ولا زعلت يا ولد الاجواد ....

واللى تامر فيه حاضره .


فمان الكريم

اسمع اسمع

ياصاحبي يااحمر العينين && ضيّعتها وانت رجل اذهين
شاعر وتلعب على الحبلين && واللي جمعنا يفرقنا

ياحيلتي يافكرتي طاير ولايقدر يطير
............................واظن راعي الطير يالاجواد جوّد برقعه
لو تنطح الرجّال يارجال بالسيف الشطير
...........................ترجع وسيفك في جفيره حالفٍ ماترفعه

سوق المعاني دخيلك سوق === سقها وأنا معك في الطاروق
دنياك مطرودها ملحوق === واللي جمعنا يفرّقنا

الله علاّم القلوب .. ومايخفيّه الضمير === وإلا فحنا مالنا إلا المنطق اللي نسمعه
لاقام من دون الإماره ..عقب ضيّعها الأمير === مالي وماله .. لانطيحن له ..لكن ماني معه

طيب اسمع..

السالفه كلها شايب && شايب عن انظارنا غايب
كم قلب من سبته ذايب && واللي جمعنا يفرقنا

شايب يذل الرجل لو الرجل رجّالٍ بصير
...............................وعقب المعزّه والوفا يطيح بين المسبعه
يشهد عليه اللي من اسبابه غدا مثل الغرير
...............................مثل الغرير وغاديٍ قلبه سوات المزرعه

قدحت بالنار من زندي === وأجهدت باللي طلع عندي
وليا حصل نقص يا أفندي === "اللي جمعنا يفرّقنا"

سيّرت معك .. وكنت أحسب إنك على البيدا تسير === وإثرك تعاين في السما .. وتحاول إنك تطلعه
لابد ما حر الهجير .. يجيه برد الزمهرير === دنيا تقلّب .. مرة مرّه .. ومره ممتعه

قدحت بالنار ماقصّرت && ياللي بموضوعنا فكرت
ياللي لكيف العرب بهرت && واللي جمعنا يفرقنا

خل الجنايز بالقبر والسر خله جوف بير
................................والضيق والله مايجي ياصاحبي مثل السعه
احدٍ ينام الليل واحدٍ من عنا وقته سهير
...............................وقال المثل كلٍ على جسمه ثويبه يصنعه