شاعر واحد 0000بس يكون؟؟؟؟؟؟؟

يالعاشق المحروم زبدك من براده مايسيح000يازين زولك مير مالت غترتك وعقالها

مشهور بن خيال في دربه ثلاثمية طريح000كبد تذوق المر والأخرى بها سلالها

مشهور

يا صاحبي عان الجنايز من فعل كفي سديح
..............................ويازين هرج الجد ياالخيّال من عقّالها
واللي يعادينا ترى نسقيه من سمٍ ذحيح
.............................واللي يصافينا ترى يبشر بطيبة فالها

تبنا وحطينا صرار الديد في ديد المنيح000ياربحها مشكور لو تطلع بروس اموالها

الهجن راحت بالحمول الغاليه تطفح طفيح000ياشرهة تلحق علىعم الفتاه وخالها

مشهور

[تم تعديل الموضوع من قبل مشهور الخيّال بتاريخ 01-23-2001 الساعة 01:47 PM]

مهيب عوايدك يابن خيّال ...افطن للقافيه ..........(الها) مهيب (النا)

لكن اسمع/
عقب الدعاوي كلها جاله من الموقف ظبيح
.............................وضيّعة ظبط القافيه وش جابكم لهزالها
وعليك مردود البراء ان كان لك صدرٍ فسيح
.............................وقال المثل كثر المشي يثر على جمّالها

انا مانيب اضبح ولا انبح لاتوحيت النبيح000الأرض من كلمتك قام يهزها زلزالها

الله ولارفقتك يالمحروم والمفلح فليح000رجلي على فرقاك خلت فالمكان نعالها

مشهور

عقب الهدير اشعيل يرغي يالربع يرمح رميح
............................وهرجي ترى دايم يهز اجبالها وسهالها
والذيب لاجر العواء من عويته كمٍ نزيح
............................احدٍ شردواحد فرك واحذاه في معزالها

يبشر بميعاد الفلس من قابل الوجه الشفيح000قال المثل في الأخره والناس حسب اعمالها

العام ميزانك وفا وان وازنوا قسمك رجيح000والصبح لاتقبل على السلعه ولا دلالها


مشهور

ان كان قلبك قام يرزح من عنى وقتك رزيح
............................ريّح وخلك في ذرى الطلحه وتحت ظلالها
بابور في وسط البحر يضحك على جمس الجميح
............................وقال المثل ماللحمول الا سمان جمالها