شاعر واحد 0000بس يكون؟؟؟؟؟؟؟

بسم الله الرحمن مبداهاوحظي لا يطيح000عليك يارب الخلايق دقها وجلالها

مديت يمناي الكريمه وين ابو قلب نصيح000اللي يعلق حاجتي في لحيته وسبالها

مشهور

اسمع يا مشهور..

بسم الله الرحمن مبداها وقلبي مستريح
........................... واطرب على نقض المعاني لين شفت جزالها
ومديت يمنايه لأبن خيّال ابو لسانٍ فصيح
............................ وندمح له اللي قد مضى حيثه حساب رجالها

مرحبا واللة مرحبا

اثنين ونشاط ....بالتوفيق يا شعار " حبيت احمسكم شوى "

جعلك تجيب المدح ونشببك يالوجه المديح000العيس عندك بركوها من ثقال احمالها

يالعاشق المحروم والله ما يصح الا الصحيح000مالك وراي اصغر من الذره ولا مثقالها

مشهور

ابشر بكل اللي يسر البال ويداوي الجريح
.............................والعيص عندي ياولد لثقالها تشتالها
وشرهاتنا تقصر على الانذال والوجه القبيح
.............................والا انت يا مشهور تعرف صيبها وعيالها

البارحه قدر البدومن نارنا جاله نضيح000كبرت ودق الحيد حيدوحلها حلالها

عظم كلاه السوس يضرب له على عظم صحيح000لين اصدرت شيب الغوارب تدحم بلحالها

مشهور

[تم تعديل الموضوع من قبل مشهور الخيّال بتاريخ 01-20-2001 الساعة 08:39 AM]

البارحه داب الخلا ياصحابنا جاله فحيح
.............................شفنا العجايب والعجب قد قالها من قالها
لابد ما تلقى بروض العشب من ربله وشيح
.............................والخيل يا مشهور ما تصلح بلا خيّالها

ابشرك ياصاحبي ما للجبل نــــد ونطيح000سلم على الجما وعز تيوسها وصخالها

ماني ونا مشهور عباد اليهودي والمسيح000اما قطعت حبالها ولا وصلت حبالها


مشهور

لوكان له ندٍ ترى نجعله في بطن الظريح
.............................حتى يعاف الكيف والدله معافنجالها
لله درك ياعميلٍ جاك بالعلم الصريح
............................ينقى معانيها الجديده مايحب سمالها

الخايف اللي لو بغى الصمله ندح قلبه نديح000رعديد لا شاف الوجيه الصامله صلى لها

ربعي محازم, سدها وقت اللوازم ما يبيــــح000مطحون من جا بين مبرام الرحى وثفالها

مشهور

انته تقوله جد يا مشهور والا بالمزيح
............................. ترى الرجال اهل الصمايل ماختلف منزالها
لكن بعض الناس من صفق الهوى يجمح جميح
............................واعرف ترى ربعي نهار الهوش مثل جبالها

ضاقت عليك الأرض يالمحروم والمخرم فسيح000خل المسيله تنتحي بالسيل وامسك جالها

انا ماذم اصحابنا قوم يفكون السريح000لكن من يعرف يمين القافله وشمالها

مشهور

الارض ضاقت بالردي واللاش والوجه الكليح
..............................والارض بي رحبه واخيل بروقها بخيالها
والقافله من فعلها كمٍ يهوديٍ يصيح
...........................تمشي على وضح النفى والعز اهو يبرى لها

اللي شرب صدر وخلا مايـــح الجمه يميح000واقفوا مسايير المناره والضما بدلالها

العام وجهك ياقمر في دارنا نوره مليح000والليله تشوف النجوم البيض ما تبرالها



مشهور

لابد يرجع وارد الجمه ولو كفه شحيــــح
........................... من ذاق ماها ما نساها لو تطول اليالها
هبت من الغربي على مشهور ابن خيّال ريح
..............................صلفٍ هواها والجنايز عقبها من شالها