الله لايهينك يالدعوجي

ودي العب معك طال عمرك





يالدعوجــي سـلام الله على كـل حـال ***** المعـــــاني نبـــاك الليـــلــه تـســوقــهــا
يوم شفت اسمك الموجود يابن الحلال ***** كـني اللي يـشـوف الشمـس وشـــروقهــا

لا هنت ياسعد شامان

وانا لي الشرف

ياسعد مرحبا بك ياكـــــريم السبال 00000 والمعاني جواهر جوف صندوقها

وانت مثل القمر باول طلوعه هلال 00000 كل عين(ن) تشاهد نوره يروقها

تحياتي

الله لايهينك يالغالي


واستلم


اعرفك من زمـان وخـابرٍ لك خصـال ****** والعـرب مـا تـــدانـي لـزمــة حـلـوقــهــا
في رصيـدك بوسط البنك عشره ريال ****** تحـسـبـني لــيـا مــريـــت بــ ابــوقــهـــا

اسمع

الله اعلم بما تخــــــــــفيه سـود الليال 00000 والعرب ماتخلي باقي حقــــــــوقها

وانت مافي رصيدك شي مثل الرجال 0000عايشٍ تحت الارض وصاحبك فوقها

اتسلم

كل شي مصيــره فـوق الارض الزوال ****** ياوجـــودك على (الجيـــزه)يـا فـاروقـهــا

تسقي النخل .. وماحصلت كود الظـلال ****** جـاك عـمـك واخـــذ نـخــلتـك بعــذوقــهــا

السمع


مايشيل الحمول الا ضهور الجمال 00000 والهنوف الاصيله دونها شوقها

اصبر شوي وتعود يمينك شمال 00000 وان بلتك المشاكل حوقها حوقها

سمعنا وسلمنا



استلم


الجمـــل باركٍ بالحـمــــل وام العيـــال ***** مـن زعـلـهـا كـفـت فـ الارض مرقوقــهـــا
يالدعـوجي مـدام الـدم فـ الارض ســال ***** (قلـتـك) لا تحـــــاول تخــــفــي فــلـوقــهــا

السمع

ياهبوب السعد اللي تسوق الخيال 0000 سوقي المزنه اللي لاحت بروقها

لجل يروى سعد من كل عدٍ زلال 0000 والبدو من ظماها ترتوي نوقها

استلم



يبــرق البـرق مـا يـمـلا مـطـــره الـدلال ****** عـلـــــم الــلي يسـيــــل الـرب بشـــدوقــهــا
فيــه بــنـدق وفيــه محـــــاولـه اغتيـــال ****** وش شـعـــور الارانـب لا ارتفــع ســوقـهــا؟

السمع

اخذ شوري وجنب قبل مس الحبال 0000 واعرف الهرجه اللي بان منطوقها

ياغشــــــيمٍ يبا ينطح طوال الجبال 0000جاك علـــقه والاخرى بكره تذوقها

من يسوي لماجد بس حفل اعتزال ***** الجمـاهيــر مــا ســوت لمـعشـــوقـهــا
مـن لـبس كنـدره ولا لبـس له نعـال ***** ما اشتكى لا مشى رمضاه وحروقهــا

الاخو ه الكرام / الدعوجي وبن شامان
صح الله السنتكم
متابعينكم لاهنتو




ياهبوب السعد اللي تسوق الخيال 0000 سوقي المزنه اللي لاحت بروقها

السمع

يابن شامان مالك بالعلوم الطوال 00000 العرب بين سارقها ومــسروقها

صرّت السانيه بالحبل فوق المحال00000 واقشر الناس بين الناس مطفوقها

المشرف القدير 00 مجعد بن متعب

شكرا للمتابعه والاهتمام

تحياتي

الشاعر مجعد بن متعب


لاهنت يالغالي


صح بدنك