سلامٍ ينقل الدبسى مع المشعاب...!!!!!!

سلام الله سلامٍ ينقل الدبسى مع المشعاب
....................................ولين اقبل ( وحيد ) يحط بين اذنيه مشعابه
تحيزم واعرف ان الناب يضرس فوق راس الناب
...................................والا ياسرع ماينـقـلك ذيب الظلع في نابه

الا يامرحبا بك من بعد ماشالو الالقاب
.......................هلا ترحيبة تنقل لها مدفع ودبابة
توقع لاتجي درب الذيابة والدروب صعاب
....................... ترى ذيب الخلا من قبل يهجم باتغدى به

اسمع يا وحيد..

يقولون العرب ما تحصل الدعوى بدون اسباب
..........................واضنك عارفٍ العلم شمام وتعرف اسبابه
اباحدك واباردك قبل ما تفتل الاشــــــاب
..........................وحيد اليوم ياربعي نوينا نـنتف اشنــابه

يقولون العرب ياصاحبي من يلحق المشهاب
....................تبلاه الهموم ونصف عمره ماتهنا به
ترانا قد غزينا مع مهنامن زمان جراب
...................... وكم قبلك شجاع قد نزل من راس مرقابه

زمان جراب يارجال وانته قافلٍ الباب
..........................تدله بالقراقع كنك العصفور في الغابه

ترى بعض السوالف يا عميلي مثل سم الداب
.......................وترى قبلك( صريع) امسى بقبره فوقه
ترابه

تقولة وانت تعرف ملة القاري مع الكتاب

........................و تعرف الكيف من سواه فالدلة ومن جابه
توقع لاتجى كلك على الفاضي بدون حساب
........................ترى التاجر سواتك لازم انه يحسب حسابه

ترى لولا العلوم الخافيه ماجيتكم طلاب
........................ولاقد ضاع حقٍ ياولد وراه طلابه
وكل القصد والمقصد ومقصودي نظيف ثياب
........................نبي نعرف وش اللي فوق خشم طويق وهضابه

الا يالعاشق المحروم تعب القاف والا شاب..ترى المعني وصل والرجل يعرف غاية اصحابه
يبين طويق يارجال اللي يشرف المرقاب..ولا يظهر لشخص واقف في ظل زعابه

اشوف القاف قد راحت طراته عقب طول غياب
.............................لاكن النار يوضي نورها لألحقت مشهابه
اشوف اخيال قبل ايام فوقك يا عسى ماصاب
............................عسى ماصاب بشرنا ترى الافكار مرتابه