محاورة شقر..محاولة

اسمع ياسهم

ياسلام اللة سلام والعلوم الها توالى
...............قالها القرناس يوم انة ذكر سهم المنايا

ياوسيع المعرفة سوق المعانى وانت والى
...............ودى اسولف مع شرواك هذا اكبر منايا

ياشين اللقافه .. بغيت أرد .. تصدق
وينك ياسهم المنايا..ترانا نحتريك


[تم تعديل الموضوع من قبل حمرعين بتاريخ 01-13-2001 الساعة 11:06 PM]

عن اذنك يالقرناس انوب عن سهم المنايا

مرحبا في مرحبا وقراك من غالي حلالى000مايغيب الا ردي الجد لاجات الوصايا

اعرف القرناس واعرف وش حرامه والحلالي000عسكري واجب وملبوسه شماغ احمر وصايا


مشهور

مرحبا يا مشهور

واللة انكم عندى عزيزين مقام وغالين النداوى ومشهور وسهم المنايا والحقيقة انى كنت مجهز رد لحمر عين لكن فك اللة فية وفينى جزاة اللة خير " وعسى ما جا منى خطا ياحمر العين. ...

واسمع يا مشهور

البقا واللى تغيب عندنا معذور غالى
==========والنعم وان كان ذا الخيال بيقود السرايا

واللة انة زاد همى ياعميلى وانش غالى
==========يوم شفت الربع راحت والا انا ماسك سرايا


وسلمولى على شالح بعد واللة انة عندى غالى وهو يعرف لية..


[تم تعديل الموضوع من قبل القرناس بتاريخ 01-14-2001 الساعة 12:55 PM]

البس الثوب الجديد ولا تلبس ثوب بالي000ما يفك الناشب الا الرمح وكبار الهوايا

ما نشدتك ويش شفك مير انا اعرف شف بالي000قالها عبد الحليم المطرب(الهوى هوايا)


مشهور

وين الجمهور ويتن النقاد يا مشهور الظاهر ماغير انا وياك ,, تدرى اسمع

ما مشينا با لهدوم البالية والراس عالى
وان تعشى الذيب الاحلس عميت عيون الرعايا

و اللة ان حظك تردى يوم حظى قد سعالى
لا تحسب ان البشر يا صاحبى عندك راعايا

يالله انك تستر احوال اهل مسقط واهل مالي000اثر بعض الناس لو تلبس ملابسها عرايا

انت لوتطلع من السنه تضيع راس مالي000الرجل مثلك ليا غر الطريق السنع رايا




انا00000000000000000000000000000000مشهور

اسمع اسمع ياصاحبى

كل لابة يا وسيع المعرفة فيها رجالى
واحمد اللة يوم تشرب من حليب ام العطايا

اطلب اللة فى الرجالك واطلب اللة فالرجالى
ما مشينا الدرب الاسود ما مشينا بالعطايا

انت وش قومك ضربت الدلو من جال بجالي000لاتشق الثوب يالقرناس تبلشك الرفايا

لو نشدت الناس قالوا راح راعي الذنب جالي000من يعيد الروح غير الله من عظام الرفايا

مشهور

روعة

سوف تكون محاورة قمه والسبب وجود الشقر محك الشعراء

تفضل

ياعربين الجدود وياعربين الخوالى
----------اذكر القرناس فى وقت الصباح وفالعشايا
اثر فى العالم بشر صاحين وعقول خوالى
----------مير واللة ماتهنا يا عميلى فى عشايا

لاتواعدني وعد مشبوه ثم تنام سالي000مابعد علم النذير الا تدراق الحجايا

المخيله خيلت والسيل يالقرناس سالي000والله اني خايف تصبح لنسل آدم حجايا


مشهور

وش الحال يا الخيال

ان وعدنا ماخلفنا وان حضرنا مانبالى
-----------ويش علمك ياعميل الخير زودت الخطايا

غط راسك فالذرى حذرى يروح من نبالى
----------لاتماشى جرة الشيطان يوردك الخطايا

ليلة البارح سمعنا علم من شكله خيالي000يالله انك تستر المسلم من عيال الدنايا

ارعدت ثم ابرقت والعج من تحت الخيالي000والمطر ما ذكر مع الأقصين والربع الدنايا

مشهور

اسمع يا مشهور

كثر اللة خيرك وجمل اللة حاللك والحقيقة انك ابدعت وانشاء اللة تستمر هذة العلاقة والى اللقاء مع محاوارات جديدة ولكن المرة الثانية نباها تبدا من عند مشهور.

القرناس