ياعكاشه ماحصلي سبيل00000

الشاعر القدير
عكاشه كل يوم اقول
لازم يحصلي الشرف واللعب مع هذا الانسان
ولكن ماكتبه الله في ما مضى من الوقت
والان شاء الله بفضله ان نطلبك في هالمحراف
فااستلم لا هنت

ياعكاشه تفضل يوم زان المجال
-------- كم تمنيت اشوفك بس مالي سبيل

انت شاعر ومجلاسك بروس الطوال
---------- شاعر ٍ بالملاعب صار مالك مثيل

الاخ
السيف
تقبل الله طاعتك
نعم البدايه والاختيار
الظاهر نويت تشغلنا
ابو عبيد من الناس الذين اذا كتب
تسمرت على الشاشه
الوعد بعد الفرض

دمتوا مبدعين

اررررحب يالسيف 00 وهلابك وكل عام وانت بخير 00

والله يرفع قدرك عند مولاك 00 انت الاستاذ وانا والله تلميذ وفرصه للاستفاده ما راح اضيعها

واستلم لاعدمتك

[poet font="Simplified Arabic,14,darkblue,normal,normal" bkcolor="" bkimage="" border="none,2,gray" type=2 line=200% align=center use=ex char="" num="0,black"]
ماتضيق المسالك في عيون الرجال=قبل تمشي على الجره نحسّبك دليل
سيف واحد وله عمين واربع خوال=وانت وشلون عزمك فالمسير الطويل


[/poet]


هلا يابراك00

والله انها تسعدناا وتشرفنا متابعتك يابو محمد

وهذا من ذوقك لاهنت

ياسلام ياسلام


على القوه ....


وتروني متابع بقوه


تحياتي للسيف وسيف

الله اكبــــــــــــــــر
بارك الله فيك يابو عبيد وهذا من تواضعك
استلم
ياقوي المعرفه ياجميل الخصال
------------ لن بغيت الحقيقه مانبي لك بديل

مع طريق المشقّه مع طريق العدال
------------ صاحبك صاحبك مايعرف المستحيل

الشعراء الاعزاء
براك رفاعي
وناصر الاحمري
متابعتكم شرف
اسعدنا حضوركم
والله يوفقنا مع ابو عبيد دعواتكم

هلابك واستلم

[poet font="Simplified Arabic,14,darkblue,normal,normal" bkcolor="" bkimage="" border="none,2,gray" type=2 line=200% align=center use=ex char="" num="0,black"]
جيت مره حرام وجيت مره حلال=والله الله بحملك ياجمل لايميل
وين ربي حذف بك ياكريم السبال=جيت في وقتٍ امحق مايدخل دخيل
[/poet]


ارررحب ياناااصر

متابعتك تسرنا لاعدمناك

ناااصر ماعليكم من السيف ادعوا لي انا 00 هذا مثل النوم يسرقك مادريت

تحياتي

الله الله

فضل ربي وسيع وجيت باحسن حوال
--------- لاتهدد عميلك وانت نعم العميل

استمع فالفتاوى شيخـــــــها ويش قال
--------- ماتجيب المراجل كف رجل ٍ بخيل

ارحب واستلم[poet font="Simplified Arabic,14,darkblue,normal,normal" bkcolor="" bkimage="" border="none,2,gray" type=2 line=200% align=center use=ex char="" num="0,black"]
هرجتك فالسعه ماشفت فيها اختلال=تتّهم الناس وانت امنول اطيب خليل
عارف انك على الشده قليل احتمال=واحتمالك لصلفات الليالي قليل
[/poet]

ياسلالالام
انت بالارض ماتقدر تنوش الهلال
-------- مير جنب لهبها عن خشوم الفتيل

ليه تظلم خويك والظليمه ضـــــلال
--------- وانت تعرف خويك بالمواقف ثقيل

اسلم اسلم

[poet font="Simplified Arabic,14,darkblue,normal,normal" bkcolor="" bkimage="" border="none,2,gray" type=2 line=200% align=center use=ex char="" num="0,black"]
غلطة العمد ما اتركها تقفّي غفال=لازم آسم وابيّنها وتصبح دليل
ربنا الله وحده له صفات الكمال=رد فعلي عنيف ولكن اني ما اعيل
[/poet]

الله الله
خلوهااااااااااااا

انت غالي وقدرك عندنا مايزال
------------ فالعلا لي ولكن فيك قلب ٍ هبيل

مشكلتك الوحيد ه ماتكب الجدال
------------ تترك الهيل وتقند على الزنجبيل

هلا يالسيف ومساك ورد واستلم لاعدمتك

[poet font="Simplified Arabic,14,darkblue,normal,normal" bkcolor="" bkimage="" border="none,2,gray" type=2 line=200% align=center use=ex char="" num="0,black"]
شاعرٍ قال لو جاء القرم بعض الهبال= خير من واحدٍ يبرك ويزري يشيل
في حياتي ترى ماقد غدالي ريال=ليش اخايل بروقٍ زل فيها المخيل؟
[/poet]

الله يمسيك بالنور والسرور
هلا والله وغلا يالدكتور
خلوووووها
انت ترمي جنوب وراح رميك شمال
-------- يالله اني دخيلك وش بقى من حصيل

صدّق انه جمل يغلب جميع الجمال
-------- مادرى انه جمل من كل صوت ٍ جفيل

هلابك والله يغليك عند مولاك واستلم يا عم

[poet font="Simplified Arabic,14,darkblue,normal,normal" bkcolor="" bkimage="" border="none,2,gray" type=2 line=200% align=center use=ex char="" num="0,black"]
ادري انه صفق راسك ثلاثين جال=واختلف يحسب انه صار خصم وقبيل
يوم نشّتك براس الخلب جاك اعتلال=فيك بلّشت عتيبه مالقوا لك نقيل
[/poet]