وين شالح

ياسلام اللة عليكم وين شالح وينة -------- ودى اسولف معة وارجح الميزانى

يوم اشوف اسمك يذكرنى علوم زينة ------- اللة انة يرحمك يالشيخ ابن هدلانى



[تم تعديل الموضوع من قبل العيافي بتاريخ 01-10-2001 الساعة 11:47 ]

اسمع يالقرناس

مرحبا ياالشاعر اللي يعرفون الناس دينه0000 والعرب يدرون وين الجدي وسهيل اليماني

الحرم بام القرى والقبر في وسط المدينه000هز راسك ثم اسولف لك بليا ترجماني

[تم تعديل الموضوع من قبل شالح بتاريخ 01-10-2001 الساعة 09:30 ]

اسمع يا شالح ( عز اللة انك اخترت اسم )

الكلام اللى تقولة زين واحنا عارفينة
..........شاعر تفتل وتنقض مير اظنك قلبانى

ما يهز الراس كود اللى خبرت وخابرينة
...........السوالف خلها ياصاحبى باعلى مكانى

اسمع يالقرناس

ياعميل الخير مايزهى الثمين الا الثمينه000اصبرشويه تجيك الورد وتدور السواني

قبل ندعس ريس وش سبب حنينك يالمكينه000والله ان الشك مايقرب يدي والا لساني

يا شالح

كان فعلك مثل قولك بارسلك فى حرب سينة
..........وان لقيتك فى ذراها قلت ياللة المستعانى
وان دعست الريس لاتصدم عمود فى جهينة
..........ثم يزعل منك ابو مشعاب ويضيق السنانى

تراها لقااااااااااااااااااااااافه
خابر
بس .. مشّوها


والله إني خابرإن الرجل يحفظ دينه === مايغيّر دينه إلا ناقص الإيماني
رجّع الضايع عن الضاعه .. وراك تعينه === كيف ترضى بالخطا..بسم الله الرحماني

ياسلام الله على فعلي وفعلي من ضمينه0000غير يمناي الكريمه يوم ربي قد عطاني

لا لقيت الرجل صامل لاتبيح في كنينه0000يمكن تروح النوايا البيض ويدور الزماني


شالح

مرحبا ياحمر عين واسمع يا شالح

بيض اللة وجة شالح طول اللة فى سنينة
..........يمسك الخط الطويل ولا يجيب الا السمانى

يالنداوى عان شالح جاب لة من دق عينة
..........العضو جاب المراقب والا انا ثابت مكانى

قرنس القرناس واختلفت يساره من يمينه0000لو نقول انه يجيب العشر يعسر بالثماني


كان شفت الذيب يقنب طامع راس السمينه0000لاتغارب جيت سباع الخلا قاصي وداني


شالح

( روعه .. روعـــــــــــــ رــــــــــ وــــــــــــعـ ــــــــه ـــــــــــــــه

ر
و
ع
ه
شعار ما فيه كلام

يعطيكم العافيه

,,,,,,,,,,,,,,

اسمع ياشالح والعذر على التاخير لانى كنت فى البر

قرنس القرناس ياشالح وباسة فى يدينة
..........يطرح الصيدة ولوكانت ورى الحد العمانى

واللة انى يوم اناظر ردك اللى كاتبينة
..........ينجلى همى ويسمع ضحكتى رابع خوانى

الكلام الصدق ياقرناس وش بينك وبينه0000والله انه ماحكم دولة قطر غير ابن ثاني

يرحم الله عودك الشايب ويرحم والدينه0000تشرب السم الذحيح وتزعم انك معشراني

شالح

شالح

بيض اللة وجهك يا شالح ووجة النداوى اللى عطانى فرصة اتعرف عليكم من خلال ذى المحاورات وبيض اللة وجية جميع الاخوان الموجودين فى هذة الساحة .
اخ شالح هاذى ماهى يالاخيرة وانشاء اللةالمرة الثانية نباها من عندك.

القرناس..........