هذا مادار في حفل الرقيطاء

ايها الاخوة كما وعدتكم بتغطيه لحفل الرقيطاء الذي حضره نخبه من الشعراء وجمهور غفير ..اقدم لكم اليوم بعض مادار في الحفل في نقاط

.بدا الحفل في تمام الساعة الثامنه والربع تقريبا بامسيه شعريه لكل من الشعراء
فيصل الرياحي
ملفي المورقي
سعد بن جدلان
طامي البقمي
عبيد الشبيلي
محمد بن عباد السلولي
سيف بن محماس السبيعي
عايض المروجم

وقد قدم الجميع اجزل مالديهم حتى وصلوا بترمومتر الجزاله ولابداع الى القمه..واستغرقت الامسية ما يقارب الساعه ونصف الساعه بعدها بدأت المحاورة ..وكانت كالتالي :
فيصل الرياحي سعد بن جدلان
ملفي المورقي حمود بن زامل السبيعي
ملفي المورقي سعد بن جدلان
فيصل الرياحي حمود بن زامل
ملفي المورقي فيصل الرياحي

وساقدم لكم بعض مقتطفات من بعض المحاورات التي دارت بين الشعراء
[poet font="Simplified Arabic,14,black,normal,normal" bkcolor="" bkimage="" border="none,2,gray" type=3 line=200% align=center use=sp char="" num="0,black"]


المورقي
انا اشوف ابن جدلان بين الجماهير=سواة الوزير اللي يسحّب عباته
اكيد ان عنده علم يالله عسى خير=ولكن ياراعي العلم عجل وهاته
بن جدلان
ليا شفت ابن جدلان ويش التفاكير=ومن صاح من صكات الايام جاته
لاعينت للحمله جماميل وبعير=طريق الجمل سمحان درب امهاته
المورقي
لوانك توعد وش يبا يكون ويصير=اعرف الحديث الزين واعرف رواته
حليل الجمل مير الجمل طاح في بير=على الجمه الزرقا تدلا لهاته
بن جدلان
لو المورقي لاحق على سالم الزير=خذا السيف والبرده وسوا سواته
مقادير ياقلب المعنا مقادير=يوصيك من حبك وتنسا وصاته
المورقي
ترى الذيب يوم ايروح فزاع ومغير=يدور مع البدوان بلعوم شاته
ترى واحد تكثر وراه المداوير=عليه السلام ورحمته وابركاته
بن جدلان
ترى من توطته السنين المدابير=تعمر قصر فقره وتهدم غناته
تقضون راس الضلع يااهل البواكير=ولاطاح منكم واحده من حصاته
المورقي
لوانك تعذر ماتفيد المعاذير=ترى مايفيد المسلم الا صلاته
وحنا ليا قمنا نهد الطوابير=وياجعل فقر الذيب والا غناته
بن جدلان
محمل عليك من الدراهم قناطير=لكن طيع شوري ود حملك وهاته
انا خابر ان صورتك تحتاج تكبير=لكن الجهاز ايعجل امكبراته
المورقي
والا ياسعد ندهن لك السير ويسير=وجنب صحيبك لاتنكد حياته
هدمنا جبل شمرخ وباقي شمنصير=عسى الدش باكر يطلعه في قناته
بن جدلان
ليت المورقي باقي من الكشب للنير=بعيره وماه وقربته واشوهاته
صحيب يدور صاحبه بالتنانير=لكنه هقا في الوقت والوقت فاته


وهذا الطاروق بين =الرياحي وبن جدلان
الرياحي
سلام الله على بيشه وابن شكبان والرمثين=وشهران اجمعين ومن حضر مليون تسليمه
علومك ياسعد مثل البروق اتهيض المسنين=وهذي ليلة فيها ذهب صافي وتعليمه
بن جدلان
هلا يامرحبا بك بالنيابه في المقام الزين=عن ابن حزام ونيابه عن اهل الجاه والقيمه
علومي يالرياحي ميمنيه والطريق ايمين=مغاتير الكلام مقلطات عن مجاهيمه
الرياحي
ياليت الامر بيديني واحطك ريس البحرين=وتبلش بال***** والشعر تترك مناضيمه
مجاهيم القوافي ماجلبناها على الغالين=جلبنا كلمة العقل وبياض الوجه والشيمه
بن جدلان
تحدث يالرياحي بالصراحه لاحيا في الدين=عصاتي في يميني والمسامه في ظهر ريمه
لوانك في الجبيل وفي الحسا سموك ابو عينين=وعين تسبر البارق وعين تسبر الديمه
الرياحي
ترى ريمه سريعه ماتجامل مع حسن وحسين=ليا قالوا ياابن جدلان قالت وش مراسيمه
عساك الفارس اللي ما يفلي مع رعاة الضين=وعندك شور ينجح عند تاخيره وتقديمه
ابن جدلان
تعدوا للديار ام الفواكه والعنب والتين= ياابن منصور يوم العيد يعرف من تقاديمه
لو انك تعرف اعبيد العلي والا الشريف حسين=خذيت بنجد تعتيمه وفي جيزان تعتيمه
الرياحي
بساتين الفواكه دونها الرشاش والسيفين=دخلناها نهار الله عطانا من مقاسيمه
بلشت براس واحد كيف لو انك معك راسين=على مركاك ياوافي ولالك هم من شيمه
بن جدلان
مادام الرايه الخضرا ترفرف في عمود الدين=عسى ربي يزيد الخير وايهنيكم انعيمه
ترهم في السنه عشرين عيد وعيدها عيدين=وحنا ياعيال كليب مانرضى بترهيمه
الرياحي
يقولون الفصيده ماتزين الا على حرفين=لكن احجارة المبدا ماهيب ستارة الخيمه
اصدق من يجيب العلم لو شارون ابو وجهين=واكذب من ينجم لو يصدق بعض تنجيمه
بن جدلان
انا بيني وبينك يالرياحي بتخرب ذاللحين=تبي تقشع جبال عندنا رساي ومقـيمه
لاجينا السوق غالي نجلب الغالي على الغالين=ولايخلف موازين الكلام الا مفاهيمه

وهذا الطاروق بين الرياحي =والمورقي...حذفنا منه الموال
الرياحي
ابتدا الليل وارض الله تخيل سماه=خيلي يامخايل وامطري وامطري
ملفي المورقي مايومي الا عصاه=مير انا جبت سيف مضربه مابري
المورقي
طرف الليل والغربي يذعذع هواه=فرصتك فرصتك يالبايع المشتري
من يقدم كراب الكف يعطى ملاه=عان هرجتك يافيصل على خاطري
الرياحي
يكفي القوم من يمناك حذفة حصاة= تذكر الله وتحذفها وتجري جري
يالعتيبي ليا منك دخلت القناه=صور الجدي والمريخ والمشتري
المورقي
لاتحسب انها راحه وصوم وصلاه=مقبل لك ليالي سود ماتنسري
العتيبي عرفك دعوى هذاك وهذاه=مير بالله علم واحد مادري
الرياحي
من ترجى عدوه يقطع الله رجاه=والله انا عرفنا المتهم والبري
كان غيرت دينك وش تبا بالحياه=اندفن في دماث الارض وش تحتري
المورقي
من عمل له عمل لابد يلقى جزاه=سج رجلك ياابن منصور واعبر ثري
ديننا ديننا ماحد يدنس حماه=دونه الموت يافيصل لذيذ وطري



[/poet]
ايها الاخوه عسى ان اكون وفقت في ارضاؤكم


شكرا

لا هنت وبيض الله وجهك يابن هادي ياراعي العلوم الغانمه

كفيت ووفيت يالوافي .. جعل من جابك في الجنه .. قل آمين


أخوك / عبدالرحمن

ابوهاادي


لاهنت على هالنقل الممتع

واللي يدل على ذائقه شعريه رائعه


لاهنت ياعبدالله ولاهان غاليك

تحياتي لك

ووجهك يابوداحم والله لايهينك


.

عكاشه

شكر اعلى الردود

وعقبال ماتشاركنا في الحفلات القادمه باذن الله انت وبقية النداويه






.

يالربع

تروا سبب نجاح الحفل حسن التنظيم والتنسيق

وابو هادي كان شعلة الحفلة ومنظمها ومنسق التنظيم

وهو الذي قام بتقديم الشعراء..

لاهنت يابو هادي

لاهنت....

وتراك قطعوع ياخوى....


الشريفي

لا هنت لا هنت يا عبدالله

والله انك طيبت خواطرنا بهالمحاورات الرائعه من شعار رائعين


تسلم يالذيب

الشريفي ارحب






شكرا على التعليق وتراك فضحتنا ياخوي







والقصور منا والعذر منك






شكرا



.

ابراهيم



هلا وغلا وخدمتكم راحه وابشر بسعدك.





.

علمك غانم ياعبد الله..........
لاهنت ..
وبيض الله وجهك....