يالهاجري جينا على حسب الوعد.

وشلون ناثق فيك وانته لاصلاه ولا صيام
...........................تضحك مع الاصحاب لكنك سبب نكباتها

اللي تحط له الرسن واللي تقوده بالخطام
...........................ابلشتنا بالحجه اللي ما لقيت اثباتها

عليك تنفيذ الاوامر يوم انا راعى النظام

....................هادى وليّ القاصرين وحافظٍ تركاتها

يا هملالى تطلب الحجة بعد تسعين عام

..................... قد ثبـتوها لى مـقاديم العرب وثـقاتــها

لم الهواجر كلهم واللي مع الله مايضام
......................واصبر ترى بقعا براسك ماقضت صكاتها

ياهملالي والله لتبطي ماحققت المرام
....................احذر تغرك روس قوم طولت بسكاتها

ياهملالي

انا خذيتك من ضحى وانتة مع الربع النيام

......................... ارتاح واهل الضلع ما تقدر تسوى اسواتها

شدوا مناعير الرجال اللى يفـكون الجهـام

........................واللى بقالـك من عصى شجرتك بس الــحاتهـا

اما هداك الله ياهادي ضاع صيدك فى العسام
............................خطتك كلن عارف يالهاجري غاياتها

ياهادي ابن سعيد شخصيتك صايبها انفصام
.............................مير العرب ماعندها الا الكي فى عياداتها

انا ما احب اللفلفة مير استلم حمض العلام

........................ الشاة سكيني با ابن صالح على مذكاتها

نارك طفت يا اللي تدور للكوايا من شمام

........................ وام الكباير حطتك من عام في مخباتهــا

الاخ العزيز مطر الروقي

لاهنت يابو صالح

وتشرفت باللعب مع شاعرٍ مثلك

واشكر الاخوان على المتابعه والله لا يهين الجميع

تحياتي وتقديري للجميع0000000

شاة تذكيها بليا تسميه تصبح حرام
........................وتجيب واحد للعرب مايعرف لعاداتها

جرب وتلقا اللي يجيلك دون ماتحسب كعام
.......................لو تختفي عقارب الارض طلعت حياتها

وانا كذلك اخوي العزيز/ هادي........ولاهنت فى كل الاحوال

وتقبل الاحترام والتقدير....وللجميع الشكر على المتابعه.

الشاعران الرائعان: مطر الروقي و هادي الهاجري ,


صحت ألسنتكم ..... محاوره رائعه من روعة شعراءها وللأسف لم ألحق عليها في وقتها ولكن إنشاء الله تعوضونا في المقبلات...........



لاهنتوا يا شعار

الشاعران مطر الروقي وهادي الهاجري

بيض الله وجيهكم على هذا الطاروق المعتبر والمحسوب



شعار جزلين جزلين 0



تقبلوا تقديري

اخوكم / موسى بن ماطر الغنامي

لاهنتوا لاهنتوا وبيض الله وجيهك ويعطيكم العافيه

على هالطاروق اللي امتعتونا به

عمالقة فن القلطه

مطر الروقي = = هادي سعيد الهاجري

سوف تسجل هذه المحاوره في سجل المحاورات المتميزة

شاكرا لكم امتاعنا ولا عدمناكم ..

اخوي عبدالله الشهراني

شكر خاص لك على تنسيق المحاورة وعلى اثراء المنتدى .. سد الله خطاك

تحياتي للجميع

اخوكم

حمد السحيمي

مطر الروقي وهادي سعيد الهاجري بيض الله وجيهكم ماقصرتوا ابدعتوا وتعلمنا منكم