عيدكم مبارك .. بعد الزحمه

عاد عيد المعزّب .. والضيوف الحشام === ياهل الساحة الذربه..وراعينها
كان موسى لقى هارون زان الكلام === وأسلمت معهم أهل السحر .. من حينها

جعل عيدك سعيد ودايم ل الأمام000دلتك في منارتها مراكينها

ابشر ان الشداد مفصل السنام000مايروس العبادالاسلاطينها

(مشهور)

منت هارون..لكن تستحق الوسام === الرسايل تبيّن من عناوينها
لاتعلم ..ترى حمض الرجال العلام === خلها عند أهلها إللي مسوينها

يوم سلمت ردينا 00عليك السلام000والوليمه مقسمة0000 مواعينها

لاتوصي وانا بيدي مسكت الخطام000قبل من ظهرها ترثع بي ايدينهه


(مشهور)

والله إني ما ألومك يارفيع المقام === أنت من عالم ديني على دينها
بس أنا كنت أبيها شرق..ماهوب شام === والدروب..الدليله خابر وينها

انت من عالم تعرف 00حلال وحرام000والله انا0على00جرتك00 حادينها

عد غرة محرم يبتدي00000كل عام000ما مظا من سنتك الا طرف عينها

شاش راسي وابدخل وابتدي بالسلام....والسوالف معاكم يالربع زينها

لاجتمعناعلىدله وبرادوعقبه سنام....مـعـرفتكم ترا والله شارينـهــا


والمعذره على المداخله لاكن ودي اتعلم منكم ولقيتها فرصه ولاودي
افوتها واسمحولي اخيكم الصغير

ولكم مني كل تحيه وتقدير/حكيم الجامعه

بعض الأعوام تقفي مثل طيف الحلام === ماترى في الثرى ماطى كراعينها
إن بغيت البدايه..وإن بغيت الختام === أنت أبوها .. وأنا ما أخلف قوانينها

اسرج الخيل ياخيــال واكرب حزام000دوب غنت لك الورقا لواحينها

ناقة البدو ماغير الوبر والعظام000عــــاقلين مقادمها وثانينها

(مشهور)

أحسن الله جزاك ..و وفّقك يا الإمام === أمّنا في الصلاة اللي مصلينها
أسهر الليل كله .. وإنتبه لاتنام === ركعة الليل راجحتن موازينها

الولد شرهته تلحق خوال وعمام000لاتنفض يديك اللي محنينها

قلت هاك النعام وظاع منك النعام000حجة الناس بينتن براهينها

(مشهور)

أدري إنك ماتحتاج شهادتي ..
لكن أشهد لله إنك ماقصرت ..وإنك فنان يافنان
ومشكور على هالمحاوره

لاتنسى تمر على بريدك .. الله لايهينك

اخوي (حمر عين)00000

ماعليك زود والعين ما تعلا على الحاجب0 حنا بس ودنا نجاريك طال عمرك, والا حنا في اول السلم0

(حكيم الجامعه) شكرا000شكرا 000شكرا000شكرا0

انا ماارتاح الا لاشفت اخواني الشعراء يتفاعلون معنا0وبيوتك واضحه انك وافي0 والعذر السمين مني لك لأنك تعرف المحاوره درجت بيني وبين (حمر عين)

(مشهور)

يامرحبا والله ياحكيم الجامعه ومسهلا ..
سبقني مشهور في الترحيب بك وأنا راد قبله .. بس والله فاتت علي (تراني كنت بلشان بعمري) ..
تقبل إعتذاري ومرحبا بك مرة ثانيه