علام الناس يا مشهور الخيّال,,,,,,؟؟

سلام من الله عليكم وكل عام وانتم بخير ….
عوده معكم لمنتدى المحاوره .. واستمتعو معنا اذا كان مشهور الخيّال موجود ,,,

سلام الله سلامٍ يلزم الشعّار لزم حلوق ** على وضح النقى واللى يدّورها يلاقيها

اشوف الناس ذا طيّب وذا عاقل وذا مطفوق ** علام الناس يا مشهور كاثرتٍ بلاويها

اسمع ياعم غالي والطلب رخيص00-

الا يامرحبا لكن من اللاحق من الملحوق 000 الا ياكاتب ارزاق الخلايق لاتخليها

ياكثر اللي تشوف العين لامني دخلت السوق 000 فلاكن ذيك بايعها وذي بفلوس نشريها

(مشهور)

يدوم الك البقى يالصاحب اللي يحسن المنطوق ** وسّر الليل والدعوى نبي نبعد مراميها
احد حاش المراجل حوش باليمنى وحسن الذوق ** واحد مسكين عزي له يخمخمها ويخطيها

مع الأسف امس انقطع الأشتراك ولم اتمكن من متابعت الرد

على كل اسمع000

الا واراسك البين ولايسترك المشقوق 000 وجنسيتك ما باقي سوى للناس اسميها

عيون الناس لوضاقت بها الديره وطارت فوق 000 حرام ان جرت العرجا تبين من سماريها

(مشهور)

الا يا مقرب الأرقه من الفقعه مع الرقروق
.............................. عجب ياللعجب منهو يسرحها يضويها
ليا اكرمت الكريم اصبح مليكٍ عندك المخلوق
............................... ولئيم النفس لاكرمت تمرّد في دعاويها

عتيبه من قبايل نجد يابرقاويامن روق000 فلاكن ما تغطيك العباه اللي تغطيها

انا ماني مقدر شاربك يا دقن يا محلوق000 اقدر شارب لحيته من تحته محنيها

(مشهور)

شعيل احتار بجماله مع ابكاره وذيك النوق
.............................واقول شعيل علمه زين باولها وتاليها
احد راضي من الدعوى واحد يا صاحبي مزنوق
.............................وانا راضي ونعلنها صريحه مان نخفّيها

على كل مصر ماحد ملكها الا الملك فاروق000وعلى القصاص تبعد ليلةالبرد ومساريها

اناماني ولد بطه ولاني بيضة الغرنوق000انا عوق الخريش ومضرب كفوفي ثناديها

(مشهور)

[تم تعديل الموضوع من قبل مشهور الخيّال بتاريخ 01-07-2001 الساعة 08:48 ]

اكيد ومصر يدفعني لها بعض الليالي شوق
...............................لكن بعض الليالي مصر يامقشر لياليها
وانا خابرك بيعك حاضر ولابعت بالمفهوق
..............................وهذا اللي حداني لك ترى الانذال مابيها

الله الله

وينك يالعاشق المحروم وينك

عاشو الشباب محاوره ممتعه جدا صصحيح بدون مجامله
يعطيكم العافيه