يالربع وين الشعار

سلام رده وعايكم بعد ماروح العيد 0000 ياربعنا وينكم لاطوح الصوت المنادي

انا عليه ثقه ماطا على درب المناقيد 0000 ولا خبرت العرب قد قالوا الرجال غادي


شالح

يامرحبا عاد عيد الله عليك وجعله سعيد 000 صوتك وصلني وصحاني من حلوم الرقادي


والله ماقول انك دون الظن ياذرب الأواليد 000 شاعر وسيرتك بين الناس مسك وريح كادي

مشهور

دام البقا ياعميل ماتغيب فالمواعيد 0000 والصيد ذالليل من ضرب على روس الثنادي

والله على كثر ما شفنا العوايد والتقاليد 0000 ماخبر لون البياض يناسب اللون السوادي

حنا عرب والعرب تفرح على جمعا الاجاويد 000 وانته تواعد ولا نعرف صباحك والهجادي

والله مال القراده غير هامات المقاريد 000 شفت الحرار النوادر وقعت جنب الحنادي

(مشهور)

ياربعنا اللي تعرفون الصدير من المواريد 0000 شفت المعز بالقرون تزعزع الضلع السنادي

اثر الطمع يخلف الرجال ويرده من الفيد 0000 والشيخ لامن ترك سرجه تواطاه الجوادي

ياشالح اصبر تشوف ان صك خشم الحيد بالحيد 000 لاتلتفت للحوادث شوف تاريخ العوادي

الناس حطوا سواد الكحل بعيون المراميد 000 لكن عيا غريب الدار يسكن فالبلادي

(مشهور)

اعرف الأصايل تثنا كل مازمت لها البيد 0000 لكن من ينطح الهذار ويكف الدوادي

ياليت علمي يوقع في قلوب الناس ترديد 0000 الناقصه لو تعب فيها الرجل ماقيل زادي

يابين عين الذليل ان جات وقفات الصناديد000والبحر الأحمر كفيل انه يغرق كل وادي

العلم معروف والله مايغره راضع الديد000ياقصة تشمت الحضران بشيوخ البوادي

(مشهور)

العام ما يصدق الا فعل صادقت البواريد000 واليوم وشفي منارتكم مغطيها الرمادي

الله يذكرك بالمعروف يا حزم الجلاميد000عقب الرسوم الطويله راح من عرض الحمادي

شالح





[تم تعديل الموضوع من قبل شالح بتاريخ 01-05-2001 الساعة 06:44 AM]

ان كان تبغى علوم ماتسرمدها سراميد000حكم ضميرك وتدري بالقدام وبالجدادي

ياشالح السالفه مخلوط بين العبد والسيد000هذا زمان الخطا والضيق ياغاية مرادي

(مشهور)