ابن هادي...وبلودان.

يقولون ابن هادي مع طلوع الصيف فى بلودان
.........................شرب من نبع بقين وتسوق فى الحميديه

وانا كنت احسبنه مايسافر من بلد شهران
.........................وصارت سفرته جريا لعادته السنويه

الشاعر مطر الروقي

مرحبا واللة ومسهلا...

طاروق جا في وقتة وانشاء اللة يشوفة ابو هادي..

الشاعر ابو هادي...اللة يردك بالسلامة " للحميمة "..اسلم وسلم على الربع اللى معك..


الشربفي

مرحبا مطر

صبحك الله بالخير


هالله الله
لا هنت على القاف الجزل يابن روق
وعسى ابن هادى يشوف القاف ويرد

لا هنت مطر



اخوك/ بدر العصيمي

ارحب يابو صالح وتوني والله واصل وشايف الطاروق

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]


حقيقه رحت اقارن طعمة الرمان بالرمان=وشفت اثمارهم تفرق عن اثمار السعوديه
وبعدين انت وش دلك ووش عرفك بالاوطان=مع انك تمنع اتعدي معابرنا الحدوديه
[/poet]

العزيز/الشريفي

هلابك..........سعيد بمتابعتك.....ومشكور

العزيز/ بدر العصيمي

الله لايهينك..........ولا عليك زود يا غالي.

العزيز/ ابو هادي....الله يحييك والحمد لله على السلامه....ولا غاب من حضر.......واستلم

مدام ان الحيا متبوع ترى التجربه برهان
............................وفيه اثمار مصيونه وفيه اثمار مجنيه

انا قد رحت قبلك يابن هادي لااغلب البلدان
...........................وانا مامنع وانا عندي حصانه دبلوماسيه

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
تصدق رغم طيب انتاجهم.. لاجيت للدكان= لقيت اللي يبيعونه صناعتنا الوطنيه
اكيد انك مسافر داعية في حملة الايمان=عسى ربي يثيبك ياسليم القلب والنية

[/poet]

الاخ الشريفي شكرا لسوالك ومتابعتك ..وبيض الله وجهك

الاخ العصيمي..لاهنت على المتابعة والف شكر

ترى ماهو فقط فى سوريا فى مصر وف لبنان
.............................هذاك انتاجنا فايض عن السوق المحليه

انا بك محسنن ظنى مدام المسلمين اخوان
............................واقول ان ابن هادي عاد من رحله سياحيه

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]


هنا وهناك وهناك وهنا حبايل الشيطان=كحول الروح تذهب بالعقول شويه شويه
ياروقي لاتنبش جرح قلب مولع هيمان=((شرب من نبع بقين وتسوق في الحميديه))

[/poet]

ترى مهما يصير اللي يدين مع الزمن يدان
..............................ياعبدالله ترى ماتستوي الحسنه مع السيه

اثر قلبك خضر ياللي تجر الصوت بالالحان
.............................عسى ربي يعين اهل القلوب اللي هواويه

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]


زمان العولمه مايعترف بالزود والنقصان=وينبذ كل داعي للكرامه والشهاميه
اقوله وانا يحرم ماسطت كفى على الاغصان=رحلت وشيمتي حيه وجيت وشيمتي حيه

[/poet]

الاستاذ العزيز/ عبد الله الشهراني

نظل معك........ومنك.............نستفيد.....والشك عنك زايل

وانت كفيت ووفيت.......وهذه عوايدك...يابن هادي

تحياتي لك.