عز الألـــــــــــــم ...

[دمعة وله]

[align=center]

السلام عليكم ورحمه الله وبركاته ..

قصيده جديده .. تنتظر قراءتكم وارائكم الكريمه ..


---------------------------------

في عز آلامي ياخلي .. ماعلى لساني سواك
آردد اسمك واتأوّه .. وانا في عـــــــز الألـــم

كلٍ يعوف الكون في ضعفه وفي شوف الهلاك
لو جنة الدنيا بْـــيديه وتحتــــه الاف الخـــــــدم

الا انـــــا .. هانت بعيني كل هالدنيـــــا عداك
زايـــد عذابي زاد حبـــــك في خفوقٍ ماسأم

وش كثر لك محتاج قلبٍ يبكي احواله وبكاك
ياكـــود جرحٍ في ضميري من هجيرك مالتأم

منّك عجــز فيني الاطبا .. مادروا العلّــه هواك
أصبحت حقلٍ للتجارب .. لا .. وعبـــــــره للأمم

الحال معروفٍ سببها .. والشفا بس فـــْ دواك
فيني فقر وصل وحنانك ..منْه ابي كامل دسم

جننتني وشلون أشرح ..إني مهووسه بْلقاك
محتاجتك بالحيل وانته ..عن نـــدا قلبي أصم

محتاجتك تسمع أنيني.محتاجه ابقى في حماك
محتاجه اشكي لك همومي .. تجعل ليومي طعم

مرات احس انك معي .. واحيـــان احس اني اياك
آشك إن القلب واحــــــد ..بس قــــدّر وانقسم!!

ياساليٍ عني .. ياليته بعض مافيني .. فـْ حشاك
آشوف دمعك .. من حنينك ..في عيونك أرتسم

أكبر عذاب انك تحب وصاحبـــك لاهي هنــاك
واعظم ألم .. لامن حسبته ..لانظر لك قد فــــهم

لا مايهم انك تعرف .. اللي يهم ابقى معــــــاك
وباللي تحبه سمّنـــي.. خلّ الإسم .. واخْذ الأهم

ياخوفي اني احتضر .. والروح في ساعة هلاك
وانته بعيد واختتم .. باسمك حيــــاتي والألــــم
----------------------------------



وسلامتكم ..

اتمنى انها تنال اعجابكم ..

وانا انال على تجاوبكم ...


لكم اجمل تحيـــــــــــه ..

والسلام عليكم ورحمه الله وبركاته ..



اختكم // دمعة وله ...[/align]

[align=center]عزيزتي

دمعة وله

صح الله السانك

مشاعر لاهنتي عليهااا

وننتظر راي مشرفنااا

ونقاد النداويه !!

سلامي لك عاطر بدهنالعود

اختك

سمو الاميرة

همسه : اقتباس دمعة وله : وانا انال على تجاوبكم ... اكبر مايعاني منه قسم المحاولات هو عدم تجاوب شعرا وشاعرات النداوي معنااا مع ان نقدهم بناااء ومشورتهم والكلمه ولو كانت بسيطه لها الاثر والدافع الكبير في نفوسنااا

اتمنى التجاوووب من الجميع [/align]

لا مايهم انك تعرف .. اللي يهم ابقى معــــــاك
وباللي تحبه سمّنـــي.. خلّ الإسم .. واخْذ الأهم


لا مايهم انك تعرف .. اللي يهم ابقى معــــــاك
وباللي تحبه سمّنـــي.. خلّ الإسم .. واخْذ الأهم



الله اكبر يادمعة وله



صح لسانش



صراحـــه ؟ قصيدتش قمته وهزتني من داخل


مشالله عليش شاعره فوق التعليق


وحرام القصيده هذي تكون بقسم المحاولات


تقبلي تحياتي

[دمعة وله]

[align=center]

عزيزتي .. سمو الاميرة ...

صح الله بدنك وقلبك ..

والف شكر لك على تواجدك العذب وتواصلك الدائم ..

وبالفعل .. نتمنى .. ان ينال هذا القسم .. الحظ الأوفر والاكبر من زيارات النقاد والشعراء الكبار ..

واراؤهم الكريمه ...

اختي الكريمه ..

يعطيك العافيه .. ولاهنت

اختك // دمعة وله ...[/align]

مساء الخير

اول شي صح لسانك

قصيده رائعه وحلوه ومعبره


وانا لست ناقدا ولاودي انقد احد


بس اتاكدي من وزن القصيده في بعض الابيات





واعذريني لو نوهت لك عن بعض وزن الابيات


بس القصيده قويه وحرام يكون فيها بعض الخلل بالوزن

وسلمي واسلمي

[دمعة وله]

ياهلا فيك اخوي سعود بن مهدي ..

سعيده جدا بتواصلك ومداخلتك اللطيفه ..

وصح الله بدنك وقلبك ..

ويعطيك العافيه ياارب ..

والله لايهينك ..

الاخت الغاليه دمعة وله

اولا صح لسانك

ثانيا هنا في هذا المنتدى الشعار لا للمجامله نعم للنقد البناء

واساس كل شاعر ناجح ناقد فذ

قصيده رائعه جدا

لكن هناك بعض الاخطاء وددت ان اذكرها فقط حتى تستفيدي منها

رغم ان هناك من هم اكبر مني واعرف ولكن قد يكونو مشغولين

او لم يرو هذه المشاركه

واليك بعضها



((((وش كثر لك محتاج قلبٍ يبكي احواله وبكاك )))

هذا البيت نجد ان حرف الواو هو اللذي اخل بالوزن فلو قلنا مثلا

(( وش كثر لك محتاج شخص من مرض قلبه بكاك)))

لوجدنا ان الشطر استقام


منّك عجــز فيني الاطبا .. مادروا العلّــه هواك
أصبحت حقلٍ للتجارب .. لا .. وعبـــــــره للأمم
هذا البيت روعه وشدني واشكرك عليه شكر خاص


جننتني وشلون أشرح ..إني مهووسه بْلقاك
هذا الشطر ايضا يفتقد الوزن
فو قلنا مثلا
((( وشلون ابشرح شوقي ولهفة جنوني في لقاك

هنا اعتقد ان البيت يستقيم

محتاجتك تسمع أنيني.محتاجه ابقى في حماك
هنا الشطر منكسر والسبب وجود كلمة محتاجه مرة اخرى فقط استبدليها ب ((( و اني ))) ويستقيم الشطر



أكبر عذاب انك تحب وصاحبـــك لاهي هنــاك
واعظم ألم .. لامن حسبته ..لانظر لك قد فــــهم
والله ان البيت هذا رهييييييب فعلا وحلو

مرات احس انك معي .. واحيـــان احس اني اياك
هنا يوجد خطا صغير ولكن لو تأنيتي قليلا ثم استبدلتي كلمة اياك بكلمة بلاك اعرف ان المعنى سيتغير
ولكن ان يتغير المعنى للاحسن افضل من ان ينكسر البيت



ارجو العذر اذا كان هناك اي تعدي على حقوق القصيده

والى الامام

خالد نايف

دمــعـــة ألــــم


صح لســــانك


وأعتلــى شانك



قصيده تستحق الاشاده


تقبل فائق اعجابي

دمعة وله

حياك في منتدانا ومنتدى الجميع...ونتمنى ان تكون محاولا تك القادمه أكثر توفيقاً باءذن الله

المهم أن يحاول الأنسان تعديل اخطاءه وأن لا يجد اليأس طريقاً الى قلبه !

انصحك بالقراءه للنصوص الشعريه وكذالك الأستشاره قبل النشر !

وعلى الله التوفيق00اتمنى لك التوفيق

دمعة وله

حياك في منتدانا ومنتدى الجميع...ونتمنى ان تكون محاولا تك القادمه أكثر توفيقاً باءذن الله

المهم أن يحاول الأنسان تعديل اخطاءه وأن لا يجد اليأس طريقاً الى قلبه !

انصحك بالقراءه للنصوص الشعريه وكذالك الأستشاره قبل النشر !

وعلى الله التوفيق00اتمنى لك التوفيق


ولن أزيد على مشرف الفكر والنقد .......شي .

[دمعة وله]

ياهلا فيكم جميعا ..

واشكركم على قراءتكم الكريمه لقصيدتي المتواضعه ..

واخص بالشكر الاخ مهدي بن سميطان .. والاخ خالد القحطاني

لايضاحهم لي بعض النقاط ..

واعتذر عن الخلل في هذا الشطر



محتاجتك تسمع أنيني.محتاجه ابقى في حماك


فقد لاحظت هذا الخلل ولكن لعدم توفر الوقت لم استطع الدخول لتعديله ..


"" محتاجتك تسمع انيني .. تبقني .. دوم فـــ حماك ""

يعطيكم العافيه جميعا ..

واتمنى تواصلكم الدائم في قصائدي القادمه باذن الله ..

[دمعة وله]

[align=center]

دمعة وله

حياك في منتدانا ومنتدى الجميع...ونتمنى ان تكون محاولا تك القادمه أكثر توفيقاً باءذن الله

المهم أن يحاول الأنسان تعديل اخطاءه وأن لا يجد اليأس طريقاً الى قلبه !

انصحك بالقراءه للنصوص الشعريه وكذالك الأستشاره قبل النشر !

وعلى الله التوفيق00اتمنى لك التوفيق

اخي الفاضل .. اشكرك على اسدائك بنصائحك ..

"وكذالك الأستشاره قبل النشر !"

بالنسبه للاستشاره .. فمتى ماتوفرت لي الفرصه لذلك .. فاني لا اتردد في ذلك الشيء ..

وانا لم اقصد بطرحي لقصائدي هاهنا .. الا لجمع الاراء والاستشاره فيها .. ومعرفه نقاط القوة والضعف فيها ..


اخي الكريم .. تقبل مني جزيل الشكر والعرفان ..

اختك // دمعة وله ..[/align]