نداوى جديد وهذه اول مشاركاتى ارجو الاطلاع عليها

[align=center]بسم الله الرحمن الرحيم

لايفوتنى ان اشكر الاخ العزيز الفاضل

سعيد الحمالى علا تسجيله لى بمنتدى النداوى هذا الصرح العظيم

وهذه اول مشاركاتى وارجو من الشعار توجيهى ومن النقاد



الله من قلب ٍ همومه كثيره






الله من قلب ٍ همومه كثيره :: ويطرى عليه الفين طارى وطارى



والعين مماصار دايم سهيره :: وصارت دموع العين مثل الخبارى



علا عشير ٍ مانبي اليوم غيره :: ونا ادرى انه ما يبي اليوم غارى




من بعدها صارت حياتى خطيره :: صار الخطر له في حياتى موارى




عزى لمن مثلى رحل عن عشيره :: كنّه بقلبه ضارباته شــــــــبارى





ماله رفيق ٍ ياعرب يستشيره :: حاله تعيس وكل وقته خطارى




طير ٍ كسير ولا يسرهّ مطيره :: في بحر همهّ ماحد ّ عنه دارى





يالله عسي فالامر يازين خيره :: ويلطفبنا رب ٍ عن الكون دارى




انا نويت ارحل وسج المسيره :: غصب ٍ عليه تبتعد عنك دارى



وسلامتكم اخوكم : فهد الصالح


mjk_mfretzrtmai@hotmail.com[/align]

[align=center]

فهد الصالح

صح الله السانك ..

ومطلعالقصيده عندك ذكرني ابيت ..

الله من قلبً همومه ملاين ..............................

عاد ماادري وش تاليتها..

اخوي ماادري هي تشابه افكار ولا لا بصراحه انا من كم يوم كتبت شطر بيت طلع سبحان الله نفس بيت لشاعر ثاني وانا اكتشفتهالشي صدفه في احد المجلاات وشلته من القصيده هالشطر وكنت اقول فيه ..

..............................
......... الواحد اللي جميع الخلق يرجونه

بصراحه مالي تعليق كوني مبتدأه مثلك

واترك النقد لخواني الشعرا ولهله ..

سلامي لك عاطر بدهنالعود

اختك

سمو الاميرة[/align]

ياامرحبا بالقصيده وراعيها



والله يحييييييييييييك بين ربعك واخوانك


والقصيده مااعليها اخلاف


وطيبه ياطيب

ولكن الشطر هذا


حاله تعيس وكل وقته (خطارى)


كلمة (خطااري) انا ادري انك تبي تعبر عنها (بالخطر) ولكن انت عسسسسسسفت الكلمه اكثير وابتعدت عن المعنى المقصود

وهو الخطر وهذا النووع من العسف هو الذي يعيب اي شطر يحتوي على هذا النوع من العسف.


وسلامة عمرك



وملاحظه ثاانيه هذي ملاااحظه تقدر تسميها (مسفووط)

يالله عسي فالامر يازين خيره :: ويلطفبنا رب ٍ عن الكون دارى




انا نويت ارحل وسج المسيره :: غصب ٍ عليه تبتعد عنك دارى



لوك تقلب البتيين وتخلي البيت هذا


يالله عسي فالامر يازين خيره :: ويلطفبنا رب ٍ عن الكون دارى

قفله للقصيده تراه احسن من وجهة نظري


وسلاامتك وتعيش وصح الله السانك وارفع الله شانا وشانك واسلموسلم

الاخت

الفاضله

سمو الاميره اشكرك جزيل الشكر علا الملاحظه

ونا والله لم اسمع بهذا البيت من قبل ولاكن يمكن يكون توارد افكار بالفعل

وانا شاعر مبتدء واقبل كل ما هو مفيد لى واشكرك جزيل الشكر


اخوك
فهد الصالح

الاخ/ فهد محمد الصالح



بدايه طيبه وعليك الاستمرار وصقل الموهبه


الملاحظات مثل ماقال الاخ محمد فهد العرجاني

وكذلك /تكرار داري تكررت في ثلاثه بيوت حتي لو أختلف المعنى حاول مستقبلاً التقليل منها هذه وجهة نظري


وحاول الابتعاد عن بعض المفردات القديمه مثل ( ضارباته ) في البيت الاتي

عزى لمن مثلى رحل عن عشيره :: كنّه بقلبه ضارباته شــــــــبارى


من الافصل أن يكون العجز ملائم مع الصدر

عموما صح لسانك وأتمنا لك التوفيق وننتظر الجديد

هذه وجهة نظر خاصه فأن أصبت فمن الله وأن أخطأت فمن نفسي ومن الشيطان

ولك تحياتي

اخى الفاضل
محمد العرجانى الله يحييك انت بعد

وشكرك علا الملاحظه التى راح انشاءالله اتفاداها بالجايات

صح بدنك


اخوك


فهد الصالح

صح لسانك يالصالح

وانا معك ابو فهد في كلمة خطاري

على العموم القصيده طيبه

وان شاء الله نشوف جديد قريب

تحياتي

صح الله السانك

عزالله أنها قصيدةٍ طيبه جدا جدا جدا

ولا أزيد على ملاحظات أبوفهد

بيوتك طيبه ومفرداته أصيله ولا تجرفك المايه ترا الشعر الاصيل هو مبتغا اللي بحبون الشعر ويتلذذون به وهو اللي يبقى

تحياتي لك يالقرم والله يوفقك وشلووووووووووووها

عزى لمن مثلى رحل عن عشيره :: كنّه بقلبه ضارباته شــــــــبارى



لله در الإبداع في تصوير هذا البيت

بيت يخلد في ذاكرة الشعر لنردده من حين لحين



تحياتي لك

دمت بخير

السلام عليكم ورحمة الله وبركاته

اخوي فهد

بدون مجامله ........انت شاعر متمكن من الوزن ولكن.....!!

يبيلك شوي توجيه بسيط....وراح تبدع اذا تجنبت بعض الاخطاء الطفيفه ...مثل
عسف معنى الكلمه لجل القافيه...مثل
غارى,,,,,خطاري
وايظا
كون القصيده قصيره فان التكرار يضعفها حتى لو كان المعنى قوي اما اذا
كانت القصيده طويله فانه ربما يمشى تكرار مره لانه لن يكون واضح ((يعني
تشيله القصيده بكثرت ابياتها))
تجنب التكرار ...مثل
( داري)
ماهو ظروري تكون قصيدتك عشرة ابيات بتكرار فالتكن تسعه بدون تكرار
تذكر ...................دائماً
بانك شاعر وابياتك قوية المعنى ......وسوف تبدع
فقط واصل

[align=center]بسم الله الرحمن الرحيم

لايفوتنى ان اشكر الاخ العزيز الفاضل

سعيد الحمالى علا تسجيله لى بمنتدى النداوى هذا الصرح العظيم

وهذه اول مشاركاتى وارجو من الشعار توجيهى ومن النقاد



الله من قلب ٍ همومه كثيره






الله من قلب ٍ همومه كثيره :: ويطرى عليه الفين طارى وطارى



والعين مماصار دايم سهيره :: وصارت دموع العين مثل الخبارى



علا عشير ٍ مانبي اليوم غيره :: ونا ادرى انه ما يبي اليوم غارى




من بعدها صارت حياتى خطيره :: صار الخطر له في حياتى موارى




عزى لمن مثلى رحل عن عشيره :: كنّه بقلبه ضارباته شــــــــبارى





ماله رفيق ٍ ياعرب يستشيره :: حاله تعيس وكل وقته خطارى




طير ٍ كسير ولا يسرهّ مطيره :: في بحر همهّ ماحد ّ عنه دارى





يالله عسي فالامر يازين خيره :: ويلطفبنا رب ٍ عن الكون دارى




انا نويت ارحل وسج المسيره :: غصب ٍ عليه تبتعد عنك دارى



وسلامتكم اخوكم : فهد الصالح


mjk_mfretzrtmai@hotmail.com[/align]

ياجماعة الخير الله يعطيكم الصحه

من خلال اللي أنا فهمته من النص لا يوجد عنك تكرار


معنى داري اللي أتت هنا
في بحر همهّ ماحد ّ عنه دارى

أي لا أحد يعلم عنه

أما داري الثانيه في تعود للدرايه أي المعرفة

أما داري الثالثه فيه الدار أو السكن

الله يوفقكم ويعطيكم العافيه

صح لسانك ياأخ فهد


وانا هنا لست بصدد النقد والتوجيه


فقط أحببت


ان أثني على


تقبلك النقد


بصدر رحب


وأنت على الطريق الصحيح


أهلا بك


أختك / كبرياء

الاخ فهد
صح لسانك
القصيده جزله ولكن القارئ يحس انها مبتوره اي لم تكتمل وبالفعل فهي تحتمل الزياده في الشرح فالقارئ يتساءل لماذا الابتعاد
الابيات جزله ومليئه بالصور الجميله اثني عليك 000 وقد غضينا الطرف عن الاخطائ الاملائيه التي لاتعتبر من عيوب القصيده000 حياك
الله يافهد بين اخوانك واحبابك

اخي فهد

الأ خوه/ الأ عضاء.. نحن هنا نتكلم عن محاوله لشاعر مبتديء !! لا نتكلم عن قصيدة شاعر متمكن ومعروضه للنقد !!

رأيي..أذا كانت هذه محاوله ومن شاعر مبتديء فهي محاوله ناجحه 100×100

ويعتبر صاحبها مشروع شاعر ناجح بأذن الله

فهد سر في طريقك ويالله التوفيق