~يابوي آخر ماكتبت من محاولاتي~

[align=center]
بسم الله الرحمن الرحيم

السلام عليكم ورحمة الله وبركاته

اخواني وخواتي النداويه

اطرح بين يديكم اخر ماكتبت من محاولاتي علي اجد منكم النصح والنقد البناء..


يابــــوي

يابوي انا بشتكي لك من ردى غالي
// كسر عزومي وانا من بعدها عفته..

كنت احسبه مسندي في ضيق الاحوالي
// واثره من اللي يزيد الجرح وعطبته..

يابوي لوهو رضاها كيف ترضالي
// مهونة النفس بوجودك انا ذقته..

ليته حشمني بدل كسره لفنجالي
// ولا حشمني لجل عمرن معه عشته..

عزاه ياللي قضيت العمر في جالي
// ليتك زرعت الوفا في دربي وصنته..

ولا لقيت التنكر من ردى فالي
// ولا عرفت الهجر اللي معك شفته..

ياكرهني للحياة اللي برت حالي
// انشهد اني رديه والردى خفته..

يابوي بصبر على رديه وغربالي
// ولا تبي الصدق انا قربه ترا عفته


سلامي للكل عاطر بدهنالعود

اختكم

سمو الاميرة



[/align]

[align=center]كل الشكر لمن قرأ ولم يعلق ..

سلامي للكل عاطر بدهنالعود

اختكم

سمو الاميرة[/align]

يامرحبا ومسهلا



اختي الشاعره سمو الاميره




والقصيده رااائعه جدا



دمتي


وداام هذا الحضور الملفت للنظر


وصح الله السانش


ودعتش الله



والسمووحه على التاخير في الرد


حقش علينا

[align=center]اخوي

محمد فهد العرجاني

مشرفنا صح الله بدنك ولاهنت على المرور..

اخوي محمد القصيده لاتوجد عليها ملاحظات ?!


تقبل سلام اختك عاطر بدهنالعود

سمو الاميرة
[/align]

[align=center]الشاعره / سمو الاميره

صح السانك


بوح جميل ومعبر


ولكن لي مداخله إذا سمحتي لي

عند هذا البيت بذات

ياكرهني للحياة اللي برت حالي
// انشهد اني رديه والردى خفته..

إني رديه من اول وهله يعتقد القارء انكي تقصدين نفسك

ولكن استناداً على ماورد في صدر البيت نفهم انكي تقصدين الحياه ولو انكي استبدلتيها

انشد انها رديه والردي خفته

كان ذالك اجزل فالمعنى واوضح

القصيده رائعه واتركي لخيالك في المرات القادمه بالانطلاق ولاتحصريه في شرح نقطه معينه فقط

تقبلي فائق احترامي وتقديري

اخوك[/align]

[align=center]اخوي

سالم الـمفرّجي

لاهنت على مرورك وردك اللي اسعدني

ملاحظاتك على العين والراس وابشر باللي طلبته..


سلامي لك عاطر بدهنالعود

اختك

سمو الاميرة[/align]

اهلا وسهلا ياسمو الاميره ...

قصيده تحمل طابع الابداع من البدايه

معاني قويه وتمكن من المفرده

نتمنى لش التوفيق بين اخوانك وخواتك

والقصيده مكانها النداوي الشعبي من غير قصور في المحاولات لانها محاوله ناجحه وعرضك لها هنا قابلية النقد وهذا من اسس النجاح

مع السلامه

[align=center]
بسم الله الرحمن الرحيم

السلام عليكم ورحمة الله وبركاته

اخواني وخواتي النداويه

اطرح بين يديكم اخر ماكتبت من محاولاتي علي اجد منكم النصح والنقد البناء..


يابــــوي

يابوي انا بشتكي لك من ردى غالي
// كسر عزومي وانا من بعدها عفته..

كنت احسبه مسندي في ضيق الاحوالي
// واثره من اللي يزيد الجرح وعطبته..







يابوي لوهو رضاها كيف ترضالي
// مهونة النفس بوجودك انا ذقته..

ليته حشمني بدل كسره لفنجالي
// ولا حشمني لجل عمرن معه عشته..

عزاه ياللي قضيت العمر في جالي
// ليتك زرعت الوفا في دربي وصنته..

ولا لقيت التنكر من ردى فالي
// ولا عرفت الهجر اللي معك شفته..

ياكرهني للحياة اللي برت حالي
// انشهد اني رديه والردى خفته..

يابوي بصبر على رديه وغربالي
// ولا تبي الصدق انا قربه ترا عفته


سلامي للكل عاطر بدهنالعود

اختكم

سمو الاميرة



[/align]

الاخت سمو الاميرة

صح لسا نك


قصيده

معبره

وموثره




تقبلي تحياتي

[align=center]اخوي

جابر الحنزاب

لاهنت على مرورك وردك المشجع وانا طلبت اكون عضو في قسم المحاولات حتى لا اشوه الشعر واظلمه معي كوني مبتدئه..

وانشالله اكون عند حسن الضن..


سلامي لك عاطر بدهنالعود

اختك

سمو الاميرة[/align]

[align=center]اخوي

سعود بن سنيد

صح الله بدنك ولاهنت على مرورك وردك..


سلامي لك عاطر بدهنالعود

اختك

سمو الاميرة[/align]

مساء الخير

محاوله جيده ومن شاعره سوف يكون لها مستقبل بعد وقت ليس بعيد والقصيده اللي تعبر عن مايكنه الشاعر بوزن وقافيه هي الافضل

تحياتي لك

[align=center]اخوي


مبارك مناحي العمور

مرورك وردك شي اعتز به لاهنت ياخوي


سلامي لك عاطر بدهنالعود

اختك

سمو الاميرة[/align]

اخوي

محمد فهد العرجاني

مشرفنا صح الله بدنك ولاهنت على المرور..

اخوي محمد القصيده لاتوجد عليها ملاحظات ?!


تقبل سلام اختك عاطر بدهنالعود

سمو الاميرة
************************


بما انكي الحقتي سؤالك بعلامة تعجب يجب ان اكتب لكي الاتي:




يامرحبا اختي وتسلمين وتعيشين



والقصيده بصراحه مااشوف فيها اي ملاحظه من ناحية الوزن


بس اشووفش مصره اني اطلع فيها خطأ او ملاحظه


من وجهة نظظظظظظظظظظظري ابدن القصيده مافيها شي من ناحية الوزن... ومن ناحية المعنى اشووف ايضا انه
مافيها شي يخل بالمعنى او يخرج عن سياق الابيات او اي خطأ قد يسبب ربكه للقاري او عدم فهم لا ارى شي
من هذا القبيل.


واذا انه في خاطرش شي معين في القصيده ممكن توضحينه ونتناقش فيه.


ولافيها شي نحن نجتهد لافادة الشاعر او الشاعره بما نملك من معلومات وخبره بسيطه والكامل وجه الله.


خلاااف ذلك لايوجد مااقووله لكي


ودعتش الله


وبانتظار رأيك وجديدك

تحياتي وتقديري

الفاضله الشاعره سمو الاميره

نص جميل ومؤثر وبكل تاكيد نابع من موهبة حقيقيه

صح الله لسانك وفكرك



ملاحظات بسيطه


// واثره من اللي يزيد الجرح وعطبته..

الضمير في " وعطبته" غير واضح

لانك تتكلمين عن الشخص المقصود بانه يزيد الجرح وقلتي وعطبته ؟؟؟

اعتقد بان الضمير غير محدد هنا



// مهونة النفس بوجودك انا ذقته..

ايضا هنا , كلمة ذقته تعود لمذكر والمهونه مؤنث؟

ربمايجوز للشاعر مالايجوز لغيره , لكنك لست مضطره هنا وتستطيعين ان تصيغي البيت بصوره افضل , الا ان كانت لهجتك هكذا فلابأس. لان بعض القبائل تنطق الضمائر بهذه الطريقه...


// انشهد اني رديه والردى خفته..

لم يعجبني قولك بانك رديه ؟ وتكرمين عن وصف نفسك الردى, وربما كان قصدك من هذه الكلمه معني اخر ليس بالذي فهمته؟



يابوي بصبر على رديه وغربالي

ايضا هنا كلمة "رديه"
هل تقصدين تصبرين علي رداه يعني فعله الردي؟
اذا كان هذا قصدك فكلمة رديه غير سليمه حسب لهجتي ولا اعلم هل تنطق في لهجتك بهذه الطريقه؟ ان كانت فعلا تنطق لديكم بهذه الطريقه فمقبوله منك ولا باس بقولها...





ملاحظاتي من باب التناصح لانك طلبتي هذا واعلم برغبتك الاكيده للتعلم والاستفاده و اعلم ايضا بانك واثقه من نفسك,

وما ذكرته هنا هو رأي يحتمل الصواب والخطا , واتمنى ان يكون فيه فائده



صح لسانك مرة اخري والى الامام



اخ وك

[align=center]اخواني مشرف المواهب والمشرف العام


محمد العرجاني وسعيد الحمالي

ردودكم اعتز بكل كلمه فيها كونها نصيحه من اخ لاخته ..


دمتم لهذا الصرح والله لايخلينا من ملاحظاتكم


سلامي لكم عاطر بدهنالعود

اختكم

سمو الاميرة[/align]