العيون

الا الاخوه النداويه من اعضاء وزوار
السلام عليكم ورحمة الله وبركاته
اود عرض هذه المحاوله املا من الله ان تنال على اعجابكم:::



سلهمت سود العيون واقفت وقلبي وراها
لعنبوها كيف نظره تملك القلب وتهينه

ليتها قفت وراحت كان ماها في سماها
لاهي اللي ولعتني ولاخذة قلبي رهينه

ناظرة نظرة خلت القلب ابرجاها
عيشتني بالرجا والياس من اول سنيــنه

واتركتني وارحلة من عقب نالت مبتغاها
وانقلب بالحيل حالي واظلمة كل المدينه

ليتها ترأف بحالي دام انا شاري هواها
ماتبيع اللي شراها او بــنظره تستهينه

صرت اطالع كل عذرا واعرف ان الله عطاها
من هي اللي في حلاها لو تحجب مستبينه

صكت امواج البحور ومركبي يرجي هواها
كان ماذعذع هواها غرقت اركون السفينه





وسلامتكم

يااهلا ومرحبا يااتركي








قصيده راائعة المعنى وبها بعض الملاحظات من ناحية الوزن



ارجووووووووو ان يكون بها فائده لك ولي .


سلهمت سود العيون( واقفت )وقلبي وراها

هنا نلاحظ ان مفردة (اقفت ) سببت ثقل بسيط للوزن

ولو قلت (وقــفـّت) بتشديد حرف (االفاء) لكان افضل للنطق ولتجاوزت هذا الثقل

ويكون الشطر كالتالي

سلهمت سود العيون( وقفـّـت )وقلبي وراها

لعنبوها كيف نظره تملك القلب وتهينه

ليتها قفت وراحت كان ماها في سماها
لاهي اللي ولعتني ولاخذة قلبي رهينه

(ناظرة نظرة خلت القلب ابرجاها)


هذا الشطر به قصر وااضح واعتقد انك نسيت كلمه لاني ارى من خلال القصيده
انك ملم بالبحر الذي بنيت عليه القصيده( الى حد ما)

على العموم قد تقول للتوضيح

( ناظرتني نظرة ٍ خلّت خفوقي في رجاها)

عيشتني بالرجا والياس من اول سنيــنه

واتركتني وارحلة من عقب نالت مبتغاها
وانقلب بالحيل حالي واظلمة كل المدينه

ليتها ترأف بحالي دام انا شاري هواها
ماتبيع اللي شراها او بــنظره تستهينه

صرت اطالع كل عذرا واعرف ان الله عطاها
من هي اللي في حلاها لو تحجب مستبينه

صكت امواج البحور ومركبي يرجي هواها
كان ماذعذع هواها غرقت اركون السفينه




ملاحظتين فقط هي مالدي



ولاهنت



وصح الله السانك











ومرحبا بك ومسهلا

اخوي محمد رأيك يهمني جدا واتشرف انك قرأت القصيده

وابديت رأيك فيها وملاحظتك في مكانها الا ان الخطأ الاول كان املائي

واشكرك على اهتمامك



اخوك تركي الزلامي
..............................الجزل

[align=center]اخوي

تركي الزلامي

صح الله السانك ولاهنت..


سلامي لك عاطر بدهنالعود

اختك

سمو الاميرة[/align]

اخى الفاضل
تركى الزلامى

صح لساانك


اخوك


فهد الصالح

اخوي تركي الزلامي

صح لسانك ولاهنت


عليك بملاحظات ابو فهد


لاتحرمنا جديدك
تحياتي

اخوي تركي

نعم كما أسلفت الخطأ الأ ول كان مطبعياً ويضهر ذالك بوضوح ولكن عليك الأهتمام بما قاله أخونا محمد العرجاني

فكلامه في محله ..وعلى فكره المحاوله جيده جداً كمحاوله وليس كقصيدة شاعر متمرّس ..

أنصحك بمحاولة غناء القصيده بعد كتابتها على أي لحن وستكتشف القصور بنفسك !


تقبل تحياتي