هزتني دموعك

[poet font="Simplified Arabic,4,black,normal,normal" bkcolor="transparent" bkimage="backgrounds/18.gif" border="none,4,gray" type=0 line=200% align=center use=ex length=0 char="" num="0,black" filter=""]
وقت الغروب اللي غدى يشبه الياس=تالي نهار وجفن الاعيان رفا
والليل قافيني على حصان هوجاس=كنه يحط عيوني بخشم شلفا
اركض ويلحقني وانا منه محتاس=كلما هربت القاه للفكر ملفا
وانفض غبار الهم و شربه في كاس=رويت مر وقمة العذب رشفا
لي عين شابت شوق ماشيب الراس=ولي قلب دايم حامله فوق كفا
لولا القلم لي رمح والدرع قرطاس=ورصاصي اللي حرف قافيه حرفا
ونبرات صوتك دوم ياعود مياس=لاغادر بلاد(ن) بلياك منفا
وانتي غرامك بالهوى ماله قياس=كل البشر من نار الاشواق تدفا
يوم اتصلتي بليل يادرة الماس=حاولت اولع لكن الدمع طفا
شمعة وصال(ن) والقمر كان مجلاس=مادام شوفك صار للبال شفا
من حشرجة صوتك ترا فاضت انفاس=وشلون لو شفت الدمع حدر طرفا
هزتني دموعك على هجعة الناس=هزة (غريب الروح) لا سمع تكفى
فجاة رصيدي انتهى وانتهى الباس=وقتي ماكفا لكن الحزن كفا

غريب الروح
[/poet]
[SOUND]http://www.geocities.com/lsu_dreamer/moseqa5.ram[/SOUND]

صح الله لسانك اخوي خالد


ولاهنت


تقبل تحياتي ،،

[align=center]اخوي

خالد الدوسري

لولا القلم لي رمح والدرع قرطـاس // ورصاصي اللي حرف قافيـه حرفـا
ونبرات صوتك دوم ياعـود ميـاس // لاغـادر بـلاد(ن) بلـيـاك منـفـا

منفااا ..

صح الله السانك ولاهنت


سلامي لك عاطر بدهنالعود

اختك
سمو الاميرة[/align]

[frame="7 80"]ارررحب يا ثامر
.
...ااسف على تاخري بالرد....للانشغالي

ولاهنت على الحضور المتوج للقصيده

وصح الله بدنك

مغليك غريب الروح[/frame]

اخى الفاضل

خالد الدوسرى

صح لسااانك


اخوك

فهد الصالح

اارررررررحبي يا سمو الاميره

لقد نثر تواجدك الورود في ارجاء متصفحي

فالكي اجمل الاماني

خالد

ارررررررررحب يافهد

مرورك ترك وميض لدى حروفي

فادمت بهذا الانطباع المشرق

لك اروع الاماني

مغليك خالد

صح لسانك ولاهنت




دمت بكل الود



رنيم

غريب الروح



قصيده اعجبتني ..واعجبني الاحساس الي فيها..واصل تقدمك

صح الله لسانك



تحياتي

الرائعة: رنيم

اسعدني تواجد احساسك بين سطوري


ودمتي بالف خير

خالد