الــوصــيــّــه

[سيف الخالدي]

الوصـيـّــه
الصديق اللي يعز صديقه من عادته انّه ينصحه لا شافه على خطا

ولا بد من هالوصيّه ...


~~~~~~~~~( الو صيّه )~~~~~~~~~~~~


يا خوي لا تمشي طريق الخطيّه

~~~~~ لا تـشـتـريـهـا علـّـتك من حلالك

خوفي معك تصبح علينا قضيّه

~~~~~ ان كنت ما تعرف يمين وشمالك

ذاك الردي ..

ذاك الردي.. لا تتبع اهل الرديّه

~~~~~ درب الردا من يجهله كان هالك

خوفي يجي منهو طمع بك عليّه

~~~~~ وتكون له خاتم .. وتصبح لحالك

شوف الأصابع..هل تراها سويّه؟؟

~~~~~ خــلّ الردي عنـّـك ومهما حكالك

واوعدْك لا صارت يدك في يديّه

~~~~~ لوْقف معك ما غيّرتني خــصالك

وان كان لك نفس ٍ بدرب ٍ خليّه

~~~~~ وتـْـروح ناسي كلّ وقت ٍ مضالك

ما دمت ابوها سمّها..وش عليّه؟؟

~~~~~ عقلك براسك وانت أبخص بحالك

ما لي معك صالح ولا فيك نيّه

~~~~~ كلـّـه لوجه الله ولا هو لـــمــالك

من غير مصلوحي كتبت الوصيّه

~~~~~ ( لا تشتريها ..علـّـتك من حلالك )

~~~~~~~~~~~~~~~~~~~~~~~~~~~~~
وسلامتكم

أخوكم : سيف الخالدي

الاخ العزيز سيف الخالدي





لاهنت على هذه الوصيه الثمينه والرااائعه





شااعر جزززززززززل ومتمكن





صح الله السااانك ملاييييييييين





وحفظك الله

أخي الشاعر سيف الخالدي

شكراً لهذه الوصيه التي منبعها عقلُ واعي

تقبل تحياتي ،،


عبدالله

[سيف الخالدي]

هلابك أخوي العرجاني

صح الله بدنك

لا هنت على ردك الطيب يالغالي

لك فايض التحايا

أخوك : سيف الخالدي

[سيف الخالدي]

هلا والله ابن العم عبدالله الصبيح

اشكرلك كلماتك واطرائك

اسعدني حضورك الطيب

ولا هنت

أخوك : سيف الخالدي

يامرحبا ياسيف وصح السانك يالذيب ابدعت بهذه النصيحهى الطيبه


تقبل اجمل التحايا

[سيف الخالدي]

حسن المسعودي

هلابك ومسهلا

صح بدنك ولا هنت على ردك الطيب

الطيب لك يالغالي

أخوك : سيف الخالدي