يستحي القلم يشرب حبر

[بقايا سجين]

قالت حطني بقاف الشعر
نفسي احس انك غالي

قالت حطني براس السطر
نفسي احس انك حلالي

لا تكوّيني بنار القهر
اشوفك بعيد وانت قبالي

ليتني انساك يا نور البصر
بس الوجع والموت انه محالي

كيف باكتب بعين البحر
نور القلب بسود الليالي

تسحر الناظر ولا عنده خبر
انه المسحور من ذاك الجمالي

كيف باكتب بذاك الثغر
من شافه صارت يمينه شمالي

شكله حلو وريحه العنبر
وحده حمر والطعم حالي

كيف باكتب بذاك الشعَر
لانتثر على الكتفين يلالي

عين العمى منه تنجهر
ويشلون من هو من العمى خالي

كيف باكتب بذاك الخصر
لي مال القلب معه مالي

يسحر بركزته نصف البشر
والنصف الآخر نظرته للرمالي

كيف باكتب بذاك الصدر
بيت الشعر بزين الدلالي

منوة البطران عقب الفقر
منوة المقطوع عقب الوصالي

كيف باكتب شعر بالقمر
والقمر كله اشعار وخيالي

يستحي القلم يشرب حبر
والحبر يرفض معدة عيالي

اعذريني اعذريني يالسهر
خالي من وصف القمر بالي

سلامتكم

أخوكم/ بقايا سجين

بسم الله الرحمن الرحيم

حلو ..
كل ماله قصيدك يحلى ماشالله ..

قالت حطني بقاف الشعر
نفسي احس انك غالي

قالت حطني براس السطر
نفسي احس انك حلالي

روعةةةةةةةةةة

في اعتقادي انه مافي اجمل من حب يتوج بالحلال

كتبت فابدعت

الله يوفقك مع من تحب

صح لسانك وسلمت اناملك

في انتظار جديدك

[بقايا سجين]

الأخت هيفاء

كل عام وانت بخير

مشكورة على الإطراء

هذي الشهادة اعتز فيها

شكرا

اخوك/بقايا سجين

[بقايا سجين]

الأخت العزيزة والغالية الواثقة

مشكورة جزيل الشكر على المدح والاشادة

وهذا كله بسبب تشجيعك لي

تسلمين والله يالغالية

اكرر شكري وامتناني العميقين

اخوك / بقايا سجين