Tweet
على قصيدتي البدويه التي تحضرت والتي نشرت في احد المواقع ورد عليها رد برسالة خاصه يشكرني فيها الا ان هذا الرد كان يتظمن ايضا بعض الانتقادات وخاصة في ثقافتي المحدوده بقوله ( يجب ان تكون مدرن وتواكب الحضارة والتطور في انتقاء بعض الكلمات المنمقه بدلا من بعض الكلمات الرجعيه التي تشوه مشاركتك )
واليكم مردي على صاحب هذه الرسالة اتمنى ان يعجبكم
تقول لي خلك مدرن لازم تثقف بالكلام
خل الحداثه منهجك ان كان ودك بالحياه
اقر وتثقف وافتهم ان كان ماتبي الملام
خذها مني ياسامعن هرجي بهالدنيا وصاه
لازم تواكب حاضرك حتى بمنطوق السلام
أوكيه أفضل من نعم يامدور العليا تراه
يالعنبو حي المره من عقب ردعه للوشام
صارت تدور بالحداثه عن زمان أول نجاه
يالعنبو حي المره نسيت حلاله والحرام
صارة عجوز وهي تحسب انه على مبدا صباه
يابنت عنّي فارقي ماني لأشباهك مرام
انا بدويّ محكحكٍ وناسته حزة شقاه
لامايعرف الانسه او ينطق بكلمة مدام
ثقافته رعي الغنم يمشي وبيدينه عصاه
يطرد ربيعه وان قضى يرتع حلاله بالرمام
وماقدر المولى على عبده لزوم انه وطاه
يقضي حياته بالخلى نومه وسط بيض الخيام
في صحصحٍ دوٍ خلا راع المكيف مامشاه
لامايعرف (أوكيهكم)ولااضن يحسب له مقام
وكلمة نعم نوبٍ يبدلها ليانادوه هاه
ثقافتك يابنت من مثلي عنه بالحيل شام
مادام فيها المترفه تمشي ولا تلبس عباه
ثقافتك كانه حكي الهرج يشبه للكتام
يمر ساعه ويغدي ومن عقبها محدٍ لقاه
ثقافتي عز وشرف جود وكرم ناسٍ كرام
احسب حساب رجالها واطا على سود الجباه
ثقافتك بمسميات الهرج مالي به سنام
ولاكل نيشانٍ يصيبه بالطلق منهو رماه
وكان الثقافه بالحكي ماهو على القايل وسام
ولاكل دربٍ يقطعه منهو بغباته نواه
حنى نقول انه عشق وانتم تسمونه غرام
وانتم تقولون شطفه وحنى نقول انه نساه
انتم تسمونه حلى وحنا نسميه اليدام
وحتى البراطم عندنا انتم تسمونه اشفاه
تمكيجن بناتكم وحنى يبن لبس الزمام
انتن نقابٍ لبسكن وبناتنا حطن غطاه
هي عندنا ملبوسها كرته وستره له مرام
وانتن حريرن لبسكن يقصر عن الركبه مداه
هي عندنا عطره يجي من ريح منبوت الخزام
وعطوركن باريس منبع منتجه للي شراه
يابنت عني فارقي مالي مع اشباهك خصام
مثلي ترى عن ناظره فرقى شبيهك هو مناه
جيلي وجيلك يختلف من بيننا عدة عوام
عندي مقامك بالثمن لامايساوي سعر شاه
دمتم بخير وتقبلو الف تحية وتحية من اخيكم
السنعوســـ مضحي الشيبان ـــــــي
)
واليكم مردي على صاحب هذه الرسالة اتمنى ان يعجبكم
تقول لي خلك مدرن لازم تثقف بالكلام
خل الحداثه منهجك ان كان ودك بالحياه
اقر وتثقف وافتهم ان كان ماتبي الملام
خذها مني ياسامعن هرجي بهالدنيا وصاه
لازم تواكب حاضرك حتى بمنطوق السلام
أوكيه أفضل من نعم يامدور العليا تراه
يالعنبو حي المره من عقب ردعه للوشام
صارت تدور بالحداثه عن زمان أول نجاه
يالعنبو حي المره نسيت حلاله والحرام
صارة عجوز وهي تحسب انه على مبدا صباه
يابنت عنّي فارقي ماني لأشباهك مرام
انا بدويّ محكحكٍ وناسته حزة شقاه
لامايعرف الانسه او ينطق بكلمة مدام
ثقافته رعي الغنم يمشي وبيدينه عصاه
يطرد ربيعه وان قضى يرتع حلاله بالرمام
وماقدر المولى على عبده لزوم انه وطاه
يقضي حياته بالخلى نومه وسط بيض الخيام
في صحصحٍ دوٍ خلا راع المكيف مامشاه
لامايعرف (أوكيهكم)ولااضن يحسب له مقام
وكلمة نعم نوبٍ يبدلها ليانادوه هاه
ثقافتك يابنت من مثلي عنه بالحيل شام
مادام فيها المترفه تمشي ولا تلبس عباه
ثقافتك كانه حكي الهرج يشبه للكتام
يمر ساعه ويغدي ومن عقبها محدٍ لقاه
ثقافتي عز وشرف جود وكرم ناسٍ كرام
احسب حساب رجالها واطا على سود الجباه
ثقافتك بمسميات الهرج مالي به سنام
ولاكل نيشانٍ يصيبه بالطلق منهو رماه
وكان الثقافه بالحكي ماهو على القايل وسام
ولاكل دربٍ يقطعه منهو بغباته نواه
حنى نقول انه عشق وانتم تسمونه غرام
وانتم تقولون شطفه وحنى نقول انه نساه
انتم تسمونه حلى وحنا نسميه اليدام
وحتى البراطم عندنا انتم تسمونه اشفاه
تمكيجن بناتكم وحنى يبن لبس الزمام
انتن نقابٍ لبسكن وبناتنا حطن غطاه
هي عندنا ملبوسها كرته وستره له مرام
وانتن حريرن لبسكن يقصر عن الركبه مداه
هي عندنا عطره يجي من ريح منبوت الخزام
وعطوركن باريس منبع منتجه للي شراه
يابنت عني فارقي مالي مع اشباهك خصام
مثلي ترى عن ناظره فرقى شبيهك هو مناه
جيلي وجيلك يختلف من بيننا عدة عوام
عندي مقامك بالثمن لامايساوي سعر شاه
دمتم بخير وتقبلو الف تحية وتحية من اخيكم
السنعوســـ مضحي الشيبان ـــــــي
)
[/align]
تعليق