Tweet
همي ...رياااااااااااااااااااال ؟؟؟؟
[poet font="Simplified Arabic,14,darkblue,normal,normal" bkcolor="darkblue" bkimage="http://nadawi.net/vb/images2/27.gif" border="double,2,teal" type=0 line=200% align=center use=ex char="" num="0,skyblue"]
يوم طال السهد فيني قلت واطول الليال = واستماتت بي وماتت وازعلت مني علًيه
وانتهض جرحن قديمن وزود الحيره سؤال = يوم قلبي عاد هرجه قام ينشد عن خويه
وقتها قلت البعاد اللي بعيني ايه طال = ما تحملته وقلبي اشتقى من حر كيه
ياهداوات الشقاوه ياحدود الانفعال = والله ان الوقت قاسي والليالي سرمديه
كل دربن سار فيني من شروقي والزوال = لا ذكرته ثار دمي هم. خذتني له حميه
اااااه ياوين الطفوله يوم انا همي ريال = ااه ياوين التعبث في الحروف الابجديه
اه يا سنين الشقاوه اه يا ايام الخبال = نرجسيه واشهد اني كنت حتمن نرجسيه
كنت اعاند كنت اكابر . مت في كلمة نزال = وكنت نسماتن تهبهب عند حزة مغربيه
سارت الدنيا وانا اكبر دار حولي الجدال = صرت افهم بعد هذا بان روحي انثويه
بعدها وقفت لحظه عقلن بكامل اهبال = قلت اجرب لو دقيقه صحوة الاهبل قضيه
بتذكر يوم همي لعبن ونطة احبال = وهمي محاسد اخويه . كنت . مطيوره شقيه
نجد مسكاني وخدن سمرتن تكسي الرمال = تستقر بوسط روحي يوم اصلي ......دوسريه
ويوم ربي اختار قلبي حب له عشقن حلال = ماتردى في عشيره سيرته والله نقيه
الشمالي طيب قلبه ينسبونه للشمال = والله ان قلبي شمالي عند جورك ياخطيه
عذبيني واجرحيني بعدها قولي تعال = لا تخليني لحظي صدتك عني منيه
هو شريفن هو عفيفن هو نقين هو زلال = صاحبي للطهر صاحب ماعرف وشهي الرديه
اشهد انه سيد قومه من مناعير الرجال = ما بهذا الكون مثله ماحدن ابدن حليه
فيه من طبع البداوه نخوه وحذفة عقال = وفيه من طيب النفوس ايدين بالفزعه نديه
والبدو ياوجد حالي مكسبن . هم راس مال = والله اللي هو خلقني بنت قرمن . وبدويه
اهلي اللي عودوني للشيم اركض اعجال = وعلموني الشح . منكر .والبخل اعظم رزيه
علموني في الطلايب . احذف الجاهه .شيال = اهلي اللي دربوني ارتكي واصبح قويه
ماتعودت الطماين ماتمنيت الخمال = والله اني للعوايد والقيم ابقى وفيه
والقصيد اللي هويته ماهو لروحي منال = المنال اذكر بخيرن عند خلاق البريه
ياالهي ...ياكريمن يوم حملي كالجبال = خفف اللي شلت همه . خففه وانسف بقيه
عذربوني من قهرهم وارغبوا ..مالا يطال = واختزوا فيني وانا اللي ما تحملت الاذيه
والسكوت احلى جوابن عندي ان شان المقال = واحقر اللي ما عجبني لا لفت منه ..اسيه
امس والذكرى تسافر بين جال وبين جال = وقمت مع اكبر همومي اطلب الهدنه شويه
وانتهى وقتي وانا ادري بن سكاتي طوال = وصبري لبكره مدادي مالليالي الاوليه
يوم زاد الحزن فيني .. قلت وااااطول الليال = واستحالت كل فرحه تبتسم . تبكي عليه
ترانيم وجدان
[/poet]
يوم طال السهد فيني قلت واطول الليال = واستماتت بي وماتت وازعلت مني علًيه
وانتهض جرحن قديمن وزود الحيره سؤال = يوم قلبي عاد هرجه قام ينشد عن خويه
وقتها قلت البعاد اللي بعيني ايه طال = ما تحملته وقلبي اشتقى من حر كيه
ياهداوات الشقاوه ياحدود الانفعال = والله ان الوقت قاسي والليالي سرمديه
كل دربن سار فيني من شروقي والزوال = لا ذكرته ثار دمي هم. خذتني له حميه
اااااه ياوين الطفوله يوم انا همي ريال = ااه ياوين التعبث في الحروف الابجديه
اه يا سنين الشقاوه اه يا ايام الخبال = نرجسيه واشهد اني كنت حتمن نرجسيه
كنت اعاند كنت اكابر . مت في كلمة نزال = وكنت نسماتن تهبهب عند حزة مغربيه
سارت الدنيا وانا اكبر دار حولي الجدال = صرت افهم بعد هذا بان روحي انثويه
بعدها وقفت لحظه عقلن بكامل اهبال = قلت اجرب لو دقيقه صحوة الاهبل قضيه
بتذكر يوم همي لعبن ونطة احبال = وهمي محاسد اخويه . كنت . مطيوره شقيه
نجد مسكاني وخدن سمرتن تكسي الرمال = تستقر بوسط روحي يوم اصلي ......دوسريه
ويوم ربي اختار قلبي حب له عشقن حلال = ماتردى في عشيره سيرته والله نقيه
الشمالي طيب قلبه ينسبونه للشمال = والله ان قلبي شمالي عند جورك ياخطيه
عذبيني واجرحيني بعدها قولي تعال = لا تخليني لحظي صدتك عني منيه
هو شريفن هو عفيفن هو نقين هو زلال = صاحبي للطهر صاحب ماعرف وشهي الرديه
اشهد انه سيد قومه من مناعير الرجال = ما بهذا الكون مثله ماحدن ابدن حليه
فيه من طبع البداوه نخوه وحذفة عقال = وفيه من طيب النفوس ايدين بالفزعه نديه
والبدو ياوجد حالي مكسبن . هم راس مال = والله اللي هو خلقني بنت قرمن . وبدويه
اهلي اللي عودوني للشيم اركض اعجال = وعلموني الشح . منكر .والبخل اعظم رزيه
علموني في الطلايب . احذف الجاهه .شيال = اهلي اللي دربوني ارتكي واصبح قويه
ماتعودت الطماين ماتمنيت الخمال = والله اني للعوايد والقيم ابقى وفيه
والقصيد اللي هويته ماهو لروحي منال = المنال اذكر بخيرن عند خلاق البريه
ياالهي ...ياكريمن يوم حملي كالجبال = خفف اللي شلت همه . خففه وانسف بقيه
عذربوني من قهرهم وارغبوا ..مالا يطال = واختزوا فيني وانا اللي ما تحملت الاذيه
والسكوت احلى جوابن عندي ان شان المقال = واحقر اللي ما عجبني لا لفت منه ..اسيه
امس والذكرى تسافر بين جال وبين جال = وقمت مع اكبر همومي اطلب الهدنه شويه
وانتهى وقتي وانا ادري بن سكاتي طوال = وصبري لبكره مدادي مالليالي الاوليه
يوم زاد الحزن فيني .. قلت وااااطول الليال = واستحالت كل فرحه تبتسم . تبكي عليه
ترانيم وجدان
[/poet]
تعليق