مهداه للشيخ/فهادبن عبدالله القحطاني

هذه القصيده مهداه للشيخ /فهاد بن عبدالله بن عجيبه ال روق القحطاني

عندما دعاني اخي وزميلي الشاعر محمد بن فهاد لاقامة امسيه شعريه بمناسبة زواج عبدالله بن فهاد


وقد غمروني بطيبهم وكرمهم وبيض الله وجيهم والنشاما يستاهلون اكثر


[poet font="Arial,14,black,normal,normal" bkcolor="" bkimage="http://nadawi.net/vb/images2/39.gif" border="double,8,indigo" type=0 line=200% align=center use=sp char="" num="0,crimson"]
سلام تسليمٍ يعم المناعير=لمقوم الحفله وللي حضرها
سلامٍ احلى من حليب المصاغير=اللي رعت عشب الفياض وزهرها
واغلا من الفنجال بين المسافير=من دلةٍ عمالها ماجمرها
شقراً شذاها مثل فوح النواوير=بصدور جيانٍ حقاقٍ مطرها
وهب لها الخالق مزونٍ مباكير= يسوقها واليا اعتلتها قهرها
وقامت تصب الماء عليها شخاتير=لين الدمث سيل المسايل شقرها
تنسى بها شهب الوقوت المغابير=وعج السنين الممحلات ودهرها
ومن يمها العساس رد التباشير=للبدو اهل حم المناكب ذكرها
وساقوا لها اللي كنهن البوابير=غزايزٍ تملا نظر من سبرها
هاذي مجاهيمٍ وهاذي مغاتير=وشقحٍ تقول ان الذهب من وبرها
سلام اعده عد غالى الدنانير=للعزوه اللي جيت في مؤتمرها
جحادر(ن) يوم الليال المعاسير=عزومهم جور الدهر ماكسرها
يسقون بالدم السيوف البواتير=لاشبت الهيجا ودندن خطرها
بالحرب بيرقهم يشق الطوابير=وبالسلم ريف اللي دياره هجرها
يتلون ابن هادي حكيم الاشاوير=شيخٍ ليا هاز الصعيبه قدرها
لوجيت ابا امدح صار بالمدح تقصير=اكثر فعايلهم من المدح وارها
ولبو محمد جيت حشمه وتقدير=وجمعت من روض المعاني ثمرها
فهاد منصاها زبون المخاسير=صميدعٍ كل المراجل حكرها
نادر وميقاعه شعوف الشناضير=منازل اجداده بطيبه عمرها
عن مدح راع الطيب مالي معاذير=نعرف سباع الغاب ونقص اثرها
والقرم في مدحه تطيع التعابير=يومنها تعطي لغيره ظهرها
هذا كلام الصدق مافيه تزوير=اشهد بها لن كان غيري قبرها
وانا من اعتيبه رموز المحاضير=اللي كتاب المجد سطر سيرها
وصلوا على اللي يسر الدين تيسير=عداد مافي برها مع بحرها

وسلامتكم
[/poet]

الله الله


قصيده جزله ومحبوكه ياضاوي ..من كريم لمستحق

صح الله السانك ولاهنت
تقبل اعجابي

ماعليك زود ومن يقرا
يستاهلون هل الطيب
وانت تفعل
لاهنت

ضااوي



ياسلاام عليك



انت تفعل وهم يستاهلوون





وااافي يالعصيمي لله درك









تحياااااااااااااتي

الشاعر ضاوي العصيمي
صح لسانك صح لسانك

شاعر ومن دعاك في امسيته يبا يلقى من يبيض وجهه في المحفل

ونعم ابك وابهم
تقبل تحياتي

العزيز فالح بن قشعم


مرورك اسعدني


لاعدمتك يالقرم

العزيز مبارك الهاجري


هلابك يالقرم


وشكرا على مرورك

السلام عليكم


الاخ ضاوي العصيمي


صح الساانك يا السناافي ولاهنت


قصبده راائعه من شااعر مبدع


ويستااهل الشيخ فهاد بن عبد الله






تقبل تحياتي



اخوك خالد بن سكران

الله الله يا بو زياد

صح السانك وبيض الله وجهك


انت كفيت ووفيت والاجواد يستاهلون اللي يمدحهم


لك تحياتي

الغالي مدلهم العايضي


شكرا على الحضور ولاعدمتك يالغالي

كما تعودت منك
يا ضاوي



لاهنت

سعود الدهيمي


مرحبابك وشكرا على هذه الكلمات الجميله


ولاعدمتك

خالد بن سكران


هلابك يالغالي


وشكرا على الاطراء

الاخ/ضاوي
وش حالك يا ضاوي

صح لسااانك ... والطيبين يستاهلوون

لاهنت

تقبل تحاتي ..... اخوك ... عبدالله بن عماره

الاخ الشاعر ضاوى العصيمى بيض اللة وجهك قصيدة وافية من رجل وافى فى رجال وافين
تقبل تحياتى