للأمانة وحفظ الحقوق

[الهوجاس]

القصيدة التالية سبق ونشرتها في هذا المنتدى قبل عام تقريباً وهانذا أعيدها عرضها عليكم مع توضيح اسم شاعرها الكامل اللي هو أنا ، ويعلم الله أني ما أقدمت على هذة الخطوة إلا لحفظ الحقوق خصوصاً بعد ان لاحظت وجود تشابه في الكنى مع كنيتي ، وأيضاً بعض الاخوان جزاهم الله خير أصبحوا يستخدمون في توقيعاتهم بعض من أبيات هذه القصيدة تكرماً منهم وتلطفاً وأنا اشكر لهم تجاوبهم وتشجيعهم ، و لذلك كله جرى التنويه :-

قالوا تمنّى ؟ قلت شيٍ على البال
مفارق الأنذال وأهل النمامة
بأختار لي عن دار النذال محوال
عن مثلهم مثلي رفيعٍ مقامه
قالوا تخيّر ؟ قلت في نايف الجال
في ماكرٍ قايد عسيرٍ مرامه
واجعله من عندي مقرٍ ومدهال
لأهل الشجاعة والشرف والشهامة
قالوا كبارة ؟ ! قلت ماهي لنا فال
لاشك أنا ما أعيش عيشة رخامة
أنا عن الذلة على راس ما طال
ولا يستوي لي كود مجلس زعامة
قالوا من أنته يا ولد ؟ ! قلت رجال
ممسي ومصبح في محل الكرامة
إن عاش له في قمة العز منزال
وإن مات تدفن بالعوالي عظامه
والقصيدة للهوجاس أبومناحي واسمه الكامل / علي بن سالم بن مناحي آل علي الفضلي . والقصيدة منشورة في ديوان الفضلي شعراء من آل علي . هذا والله من وراء القصد

ياسلاام عليك اخوي علي


القصيد الطيب ماينمل واللي مثلك يحري بالطيب لا عدمناك


صح الساانك ولا هنت


تقبل تحياتي



اخوك راشد النصافي

اخوي ابو مناحي



صح الله لسانك




والله يعطيك العافيه

[الهوجاس]

ما عليكم زود

أخي راشد النصافي و أخي جزاء العتيبي
صحت أبدانكم جميعاً ، وشكراً جزيلاً على الإطراء الطيب وبلا شك هذا شي من بعض ما عندكم الله يباركم بكم وعساكم على القوة يا اخواني وصدقوني لولا الحاجة الملحة ما ازعجناكم بالقديم .

تقبلوا تحياتي واحترامي الكبير لكم وشكراً ألف شكر