بـــــــــاقي الاوراق

ارحب مليون ياراعي المشاريف



صح الله ابدنك



ولاهنت على هذا الاطراء الجميل


وشرفتنا بزيارتك لاعدمناك يالسنافي




وتقبل تحياتي وتقديري

مرحبا والله بالاخ العزيز فيصل




ولاهنت يالسنافي



وصح الله السانك على هذا الاطراء النابع من النقا



وزيارتك واطلاعك على القصيده مكسب يالسنافي




تحياتي وتقديري لك

زاهي الشمري






صح الله ابدنك



ولاهنت يالسنافي على مرورك واطلاعك وشرفت القصيده وقائلها






تحياتي وتقديري لك

ارحب ارحب ارحب والله ياعبدالله بن محمد بن بديع


والله لايهينك وصح ابدنك واشاد تك فخر يالسنافي



وعلى فكره ليلة عشاك عند ابو ناصر وانا في ابو ضبي الامارات وكلمت ابو ناصر ذاك اليل وعلمني


وتمنيت لو كنت موجود وخيرها بغيرها وتعوضنا في القريب العاجل وسلمني على الوالد والاخوان



تحياتي وتقديري

ارحب والله ياشاعرنا وشاعر المنتدى الكبير



مـــــــــرزوق العتـــــــــــــبي


تشرفت بطلاعك على القصيده ومابديت من شرح


واعجابك ايه الشاعر الفذا محله الراس والعين


اطرائك واشادتك وسام على الصدر افتخر به لانه من مرزوق العتيبي الشاعر المبدع الذي عندما اقرا له قصيده

اكتفي بعدها عن قرات الشعربرهه من الوقت لما اجد في شعره مايروي عطشي



تمنياتي لك بالتوفيق وطابت اوقاتك بالمسرات

اخوا النشاما



اعلومك كلها طيبه يالسنافي



وبرفعها على شانك


لك جزيل شكري وتقديري

علشانك





ياخو النشاما



انجددها





تحياتي

الاخ الشاعر خالد ابن عبدالله
خالد قصيده مختلفه وطابع رائع
اعجبنى هاذا التجدد بطابع ابداعى
متالق لراعى مشهور
تقبل تحياتى واعجابى
اسلم وسلم

مرحبا تراحيب المطر


يالشاعر القدير حمد بن جمهور




وعذرني على تأخير الرد 0


يشرفني اطلاعك على ماكتب يالسنافي واشادتك وسام وفخر ولاهنت 0


ودائما وافي


لك اطيب تحياتي وتقديري

الاخ العزيز الشاعر / خالد بن بعيث



كلامك غني عن التعليق



كماهي عوايدك دايم ماتجيب إلا الجزل



صح لسانك ولاهنت

ارحب ومليون مرحبا


بالاخ العزيز محمد السميري



العذر على تاخير الرد


يعلم الله ان وجود اسمك بحدذاته من دوعي سروري0


الف شكر على هذا الاطرا الذي لااستغني عنه لكونه مت شاعر كبير اتعلم منه0



لك تحياتي

رفعت لطلب بعض الاصحاب0






تحياتي

[poet font="Simplified Arabic,4,black,normal,normal" bkcolor="orange" bkimage="" border="none,4,gray" type=1 line=200% align=center use=sp length=0 char="" num="0,black" filter=""]
آه ياطار الهيام و صفقته وكفوفه=ياجريح الليل واطراف النهار الباقي

يا مهب الريح واشباح الظلام وخوفه=لا نبرى في عسعسه وجد المهيم الشاقي

وآه يادمعة غلا من رايحه مذروفه =شرّعت وامضت بونات العنى المنساقي

كلت اعزوم العنيد وميلن اكتوفه=عاتيات الريح واعتم وجهه البراقي

وانطفى شمع الدليل الخطوته ووقوفه =وانحنى عوده وجفت باقي الاوراقي

وعلموه ان الشواهد بينت بوصوفه=وياسنا ضوالرحيل وطيحة الاعناقي

ويارذاذ الشعر وسطور الجهل وحروفه=والهجير و واقد الرمضا وشح الواقي

ويا معاويد الجفاف ونبتته وحفوفه=والضعون اللي تواما من عطب الاشناقي

طاحت الوجنا على صم الصفا وشضوفه=والرغا في مسمع الفزعه كسير الساقي


خـــــالد بن بعـــــيث
[/poet]مليون صح السانك
على هذه القصيده

كلت اعزوم العنيد وميلن اكتوفه
_______________عاتيات الريح واعتم وجهه البراقي

وانطفى شمع الدليل الخطوته ووقوفه
________________وانحنى عوده وجفت باقي الاوراقي

وعلموه ان الشواهد بينت بوصوفه

_______________وياسنا ضوالرحيل وطيحة الاعناقي


ويارذاذ الشعر وسطور الجهل وحروفه
_________________والهجير و واقد الرمضا وشح الواقي

ويا معاويد الجفاف ونبتته وحفوفه
_______________والضعون اللي تواما من عطب الاشناقي

طاحت الوجنا على صم الصفا وشضوفه
_________________والرغا في مسمع الفزعه كسير الساقي

واحة من الأصالة والجزالة ومدار لنقاء الشعر والمفردة .. صح لسانك وجوارحك

تحياتي كلها