الموعـــــد..العيــــــد..

وسط زحمة ذكرياتي جلست بمفردي
كيف كل الناس فيني وانا فيهم وحيد
شفت مثلي طفل بمفرده يجلس هدي
طفل يشبه كل الاطـــفال لكنه فريد
من لـمحني جاني بكل مافيه يعدي
يسبق الخطوات كنه من اقدامه طريد
والتقينا بحر هايج وقاع جرهدي
نفس تكسرها المسافه ونفس من حديد
كان يومي..امنية امسي.. وغدي
تنقص الاعمار لكنه مع الذكرى يزيد
للمكان اللي به اللا نهايه تبتدي
المكان اللي تعــودت اجيه بكل عيد
...............................

محبكم الدائم::وافـــــي العتيبــي

..وكل عام وانتم بخيـــــر...

صح لسااااااانك..
والتقينا بحر هايج وقاع جرهدي *** نفس تكسرها المسافه ونفس من حديد

طيب طيب ...

تحياتي لك
(......)
ولدعبس

صح لسااانك ياوافي العتيبي

لاهنت لاهنت وصح لسااااانك على القصيده لازلنا ننتظر منك الاجمل
والمزيد والمزيد....هلابك وغلا...جميل جميل مزيد من الجمال والحضور البهي..



تقبل تحياتي

اخوك/عبدالله الهاجري

بسم الله الرحمن الرحيم

الله عليك ..

حلوه كثير ياوافي ..

هلا اخوى وافي

صح لسانك وعلا شانك

لك مني كل تقدير على ما ابدعت ونظمت من حروف

في انتظار جديدك

الله عليك

<
لك الله ياوافي
روعه هاللوحة العيديه
لامست الاحساس فينا ورجعتنا
الى ايام اعياد الطفوله
وتصوير رائع بمعنى الكلمة


ذهب

شكــــــرا لكم على هذا الاطراءوالتفاعل
والذي اعتبره وسام على صدري واعدكم بالمزيد
يااحبتي..

محبكم الدائم : وافـــــي العتيبــــــي.