منتهى الامر

عيونك سود تندهني
واجي يمّك
وتسقي بسحرها روحي
وارحل في مجاهلها
غريب وعاشق الغربه
اتوه ولا ابي القى
طريقي خارج عيونك
ولكن تنده بسحرك
"وصلت لفين ياعاشق
جمال عيوني ياعيوني"
يرجعني عسل صوتك
واشوفك غبطة الدنيا
واشوفك غاية احساسي
واشوفك فرحة الملهوف
واشوفك نبع للضامي
واشوفك والعيون السود
ونور الصبح
وشفاهك
أمل حاير
وامد ايديني واضمك
غريبه كيف ماتدري
غرامك سبة اوجاعي
غرامك قرّب الناعي
غريبه كيف ماتدري
وانا اللي جيت متغرب
طريقي رمشك الساهي
وزادي في بحر عينك
احاسيسي اذا تهمك
حبيبي آخر حروفي
انا طير لفى يمك
نسى همه ذكر همك
ومد ايده
جناح الشوق
يبوس الروح ويضمك


العروبي

شئ جميل يالعروبي

صح لساااانك جميل جميل والقادم اجمل حلو التنويع في الكتابة

مقفى وحر ونثر...حلو جميل يالعروبي


تقبل تحياتي

اخوك/عبدالله الهاجري

بسم الله الرحمن الرحيم

خاطره رقيقه .. جدا ..