ليت منه وقع اوراق التقاعــد

السلام عليكم ,,,هذه الرساله وصلتي في الايميل وحبيت انزلها والله انها اتعبتي في كتابتها لانها جايتني على

شكل صوره.


[poet font="Simplified Arabic,14,black,normal,normal" bkcolor="burlywood" bkimage="" border="none,2,gray" type=0 line=200% align=center use=sp char="" num="0,black"]
ليت منهو وقع اوراق التقـاعـد=والاداره وافقت والهم طـاحـي
استلم كامل حقوقه والعوايد= سلم العهده وغادر واستراحي
ماانتظر حفل توزع به شهايد=وصور تذكار مافيها صلاحي
اكتبوا له نشكرك خدمتك واجد=وانتمى لك بدنياك النجاحي
صار من عقب ارتباطه يابو عابد=حر مثل الطير كفاخ الجناحي
ماحداه الزام عن بعض المقاصد=لانوى له ديرة شغل وراحي
واصل غاليه ولربعه معايد=في اعياد الفطر واعياد الاضاحي
لازمه يقضيه وبكيفه يعاود=مايراجع ريسه يبغى السماحي
لااشتهى يرقد تخير بالوسايد=وان سهر ماهوجس بزام الصباحي
والهدف عند العرب ماهوب واحد=كل رجال له مرام وله مشاحي
من يبي يقنص عساه يعود فايد=فيه بالمقناص رزق وانشراحي
لاذكر في صحصح نزل وطرايد=.................
وكان حاله ماش والا مايساعد=ينسدح ويكثر من الانسداحي
وكان شفه بالسفر ماهو بناشد=في بلاد الله مع السياح ساحي
وخيرهم من كان في دنياه زاهد=يطلب الله بالثبات وبالصلاحي
بين مكه والمدينه والمساجد=دايم دربه عسى دربه سماحي
قايم بالليل للرحمن ساجد=وكل مانادى المنادى للفلاحي
قلتها وانا اعرف ارضي الناس كايد=ولاني بفارض على الناس اقتراحي
والوظايف جمعت شتى البدايد=من جميع الناس مجنون وصاحي
فيهم الطيب عزيز النفس راكد=عل يفدونه مشافيح شحاحي
وفيهم الانذال والرديان تاجد=خمة دايم سوالفهم اصياحي
دايم وجهه الردي والاش بارد=ياعسى يمحاه من دنياه ماحي
والحظيظ اللي يبي يطلع تقاعد=دام به قوه وقبل يقال طاحي


[/poet]


تقبلوا تحيات اخوكم: المري

ارررررررررررررررحب يالمري

صح الله لسانك

ارب المديريوافق على تقاعده عاده صاحي

صح لسانك يامحلفي ماتجيب الا الجزل

تقبل تحياتي / ناصر ابن لقرع

المري

هلابك ومشكوور على هالقصيده

الي يتضح ان صاحبها ان كان مانيب غلطان موظف ارامكو


صح لسان القايل وسلمت يدا الناقل لاعدمناك


تحياتي وتقديري

مرحبا يا المري

بيض الله وجهك على القصيده.

لكن اخاف ان وافقو على التقاعد ما عاد تبين.

كفيت وفيت يا المري وصح الله السانك.

معا تحيات

أخوك

عبدالله

مرحبا ومسهلا بناصر ومرحبا براعي الدوحه

حياك الله وتسلم على القراءه السريعه ,,ولله ان استانست يوم شفت اسمك من غير اقصور في عكاشه

والخليفه.


حياك الله ولا عاد تقاطعنا


اخوك: المري

الاخ العزيز المري




ياسلام عليك يالمري وعلي الاميل اللي مايجيب الا الزين





صح السانك ولاهنت وبيض الله وجهك





ماوصيك كثر من اللي يجيك فالاميل

اخوي الغالي المري

بيض الله و جهك على جهدك الطيب

و الله يكو في عون اهل الزامات

بس عاد تصدق حتى اللي عندهم اعمال خاصه مهمب مرتاحين . الا يمكن تعبهم اكثر

صح لسان قايلها و صح بنان ناقلها

اخوك العاصمي

المري


صح السانك والسان شاعرها



وشكرا لك

مرحبا يابن شايع


وشكرا لك.

مرحبا يافيصل,,والله لايهينك


وتسلم على كل حال

مرحبا يامرزوق الصواغ


وحياك الله وتشكر على التوقيع وابشر ان شاء الله بكل شي مفيد.