بيض الله وجيهكم يا أهل الكويت

الوقت الثالثة والربع فجر السبت وهذا هو وقت وصولي من دولة الكويت .. وقبل الدخول لمنزلي وقبل كل شي كتبت هذا الموضوع .. تقديرا وعرفانا لأخواني وزملائي أعضاء دولة الكويت ..


نعم أقولها مرارا وتكرارا ..

بيض الله وجيهكم يا أهل الكويت من اليوم الى يوم الدين .

اخواني وأخواتي .. كانت ليلة الجمعه ليلة من ليالي العيد حين التقائنا بزملائنا النداويه شعراء دولة الكويت ..
باسمكم جميعا أتقدم بخالص الشكر والتقدير لجميع من قام على حفل استقبالنا من زملائنا أعضاء المنتدى ومن كان معهم خلف نجاح الملتقى . شكرا على كرم الضيافه ... شكرا لحسن الاستقبال .. شكرا لحسن الترتيب .. شكرا على جهودكم والتي بدات واضحة جليه للجميع .. شكرا لجميع من حضر وشاركنا من صحفيين واعلاميين وشعراء وجمهور ..
اخواني جميعا .. والله ان الكلمات تتقزم امام وصف شعوري وتقديري لما رايناه من حفاوة استقبال وكرم ضيافة وترتيب وتهيئة مكان ومراسم استقبال .. ولن اوفي الموقف حقه في كلمه واحده او في موضوع واحد او في صفحات .. فما رأيناه أمام أعيننا وعوملنا به فوق كل وصف وفوق كل خيال ..

اخواني الزوار اخواني واخواتي اعضاء منتديات النداوي بأسمكم جميعا اتقدم بخالص الشكر والتقدير لزملائكم نداوية دولة الكويت وابارك لهم على هذا الانجاز وعلى نجاح الملتقى ..

اسال الله أن يديم هذا التواصل وأن يؤلف القلوب وأن يجمعنا واياكم على الخير .. اللهم آمين .

أخوكم
حمد السحيمي

مرحبا يابو ثامر

















تستاهلون تستاهلون ولا سوينا شي















تستاهلون

















حقكم وواجبنا يابو ثامر













تستاهلون اي والله








وشرفتو ولا كلفتو يابو ثامر












واتمنى ان تتكرر هذه الزياره













وسامحونا على القصور يابو ثامر












تقبل ودي

نورتونا يبو ثامر

هلا ويا مسهلا يبو ثامر من ملفاك لاملقاك





حليت اهلا ووطيت سهلا بكويتك وببلادك





نورتوا انت والاخوان الندوايه الكويت كلها ويعلم الله بالفرحه الكبيره اللى غمرتنا




بشوفتكم وشرف ملاقاكم عزالله نومستونا وفرحتونا عساها عاده ما تنقطع ومحبينكم





واجد يبو ثامر ولو ان البعض ما سعفهم الوقت او الظروف للجيه ولكن كلن وفا وكفا




اكرر شكرنا لشخصك الكريم ولجميع اخونى الندوايه اللى تحملوا عناء الطريق اكراما



لاخوانهم نداويه الكويت اللى وفوا وكفوا بيض الله وجههم دنيا واخره على طيب




مرجلتهم ولا عجب فهم كرام من نسل كرام وحرار من نسل حرار والواجب اللى قاموا




به لرجال طيبين ويستاهلون على مستوى اخوى ابو ثامر والاخوان النداويه اللى شرفونا




فى محلهم وعزالله سكنوا القلوب قبل الدار وسكنوا الجوارح قبل النظر



والحمد للله على وصولك يبو ثامر الى داركم بالسلامه وكلك جميع اخوانى وعزوتى




النداويه





اخوكم// مطلق العبيسان

صدقت يابوثامر ...

عزالله انهم ماقصروا ..

كفوا والله ..

أنا بدوري أشكر كل النشاما اللي قاموا بالحفل .. وربي يعجز اللسان أنه يوفيهم حقهم من شكر وثناء .

كـثــّـر الله خيركم .. هذا اللي أقدر أقوله وبس .

[شفق]

لا اله الا الله


لا اله الا الله


لا اله الا الله



وجيهكم بيض ياهل الكويت. و الله ان وفاكم كسانا و غمر قلوبنا و انار و جيهنا. و الله من يوم جينا و شفنا الحفل من بعيد مساء يوم الاربعاء و حنا ناسين التعب . و طيب الاستقبال و طيب اللسان و طيب الحفاوه و طيب القلوب انستنا التعب.

و كنا معكم من يد نشيط في يد نشيط. تودونا و تجيبونا و تسكنونا في افخم الفنادق و على حسابكم و التمشيه على سياراتكم و بسطتوا لنا ايمانكم و انرتوا لنا و جيهكم.


فبيض الله وجيهكم بيض الله وجيهكم بيض الله وجيهكم . كنا نسمع بالكرم و طيب الاستقبال لكننا شفناها شوف العين عند اهل الكويت. شفنو زول الكرم و صافحناه و سامرناه. شفنا زول الحفاوه . ابداً لم نكن نحس بالكرم او نحس بالحفاوه بل رأيناهما رأي العين. فعين الله تحرسكم ياهل الكويت و بارك الله فيكم من رجال و اسود اشاوس.


تحياتي لكم من اخوكم

شفق بن عبدالرحمن العتيبي

كفو كفو كفو يانداوية الكوويت

قوول وفعل 00 وبياض وجه

والنداويه يستاهلوون


وعساه سلم ماينقطع بينكم


تحياتي واعتذاري لاعدمتكم

ابو ثامر...

تستاهلون كل علم طيب...وانت والاخوان الموجودين

واستميح اخواني عذرا لعدم حضوري...وذلك لظروف سفري الطارئه..ويعلم الله كم كنت اتمنى ان اواجهك انت وباقي الاخوان...

وانشاء الله المقبلات اكثر من الرايحات...وانتوا اهل الاوله

تقبلوا جميعا تحياتي

اخوكم / الكاسب

الســــــــلام عليكم


ما قصرتوا يا ربعنا يا اهل الكويت


افعالكم تكفي عن كلامنا كله


وانتم مشهود لكم اول وتالي



وبيض الله وجيهكم





























يا بو ثااااااااااامر

انشد محمد عويضة عن الجبن المقلي والجبن المسلوق

ههههههههههههههههههههههههههه

اشهد بالله انه جاني تسمم الله يرج ابو عويضه و فطوره هو وفهد الوايلي

ثاني مره ابي أخذ فطوري من الكويت قبل لا اطلع

ابو ثاااامر...

كفيت ووفيت

والبركه فيك لولا الله ثم انت ما تجمعنا .. الله يجلها دايم الجمعه الطيبه ...

والله يكثر خير اخوانا النداويه وبيض وجييهم ما قصروا والله .. وهذا عوايدهم الجود...





















عبدالله ذويبان :

البركه في البيض اللي خلاك ما تنام طول الخط .. لا وبعد تمشي 220 طول المسافه وانا معك متفق على 160 بس ..هههههههههههههههاااي .. لا تعذرب في البيض ولو اني اعرف انك تبي فول .. بس مامن فول بيض والله يديم النعمه ..

























الله يعطيكم العافيه يا نداااااااوية الكويت .. ما قصرتوا.. كثر الله خيركم ..







فهــــــــــــــــــــــــد الوايلي

بيض الله وجهيكم ياهل الكويت فرد فرد



والله انها من ليال العمر غمرتونا بحبكم لاعدمناكم



جود من فهود وطيب من مكملين المواجيب وحبابه من صدور كما البيدا رحابه




الله يطول في اعماركم ويجمعنا على العز والطاعه








............................................................ ......................اخوكم /خالد العتيبي

صدقت يابو ثامر ...

بيض الله وجيههم عزا الله انهم كفوا ووفوا ورايتهم بيضا



الله لا يهينهم ويكثر خيرهم وعز الله ان حنا لفينا رجال والحكي يقصر من دونهم ..



ولا انسى اشكر الربع الاوخوان اللي تعنوا من السعوديه ومن كل مكان وبيضوا وجيهنا والاخوان اللي ما سمحت ظروفهم نقولهم خيرها بغيرها وحنا متأكدين انكم ودكم تشاركون وتتعرفون على خوانكم لكن للظروف احكام..

تقبلوا تحيات اخوكم /// ابو مهدي

اخي ابو ثامر


فيه كلمة حق لابد ان تقال


اذا فيه شخص له الفضل في هذا كله من بعد فضل الله فهو انت يابوثامر


انت الذي جمعتنا وعرفتنا ببعض من خلال الجهود المثمره لهذا الصرح العظيم


فلولاك ماتعرفنا ولا التقينا ببعض


فانت راس المال والمكسب والاب الروحي لمنتديات النداوي

وانت السبب في هذا التعارف مع اخواننا النداويه من جميع دول الخليج


ولا يخفيك علم اننا من قبل لا نسجل بالنداوي بالنسبه لنا يا نداوية الكويت لا يعرف بعضنا بعض الا ما قل منا

فانت صاحب الفضل فهذا التعارف بيننا

اما بالنسبه ما قمنا به :

فهذا هو حقكم علينا وتستاهلون اكثر واسمحوا لنا في التقصير


وانتم اهل الاوله

نحن نرد الجزاء

فصاحب الاوله يكون له الفضل

باسم اللجنه المنضمه نشكركم على تلبية الدعوه


لك جزيل الشكر

ابو ثامر


لاهنت على تثبيت هذا الموضوع لانهم يستاهلون وانت من الرجال اللي مايغطون النور ويعدون كلمة الحق



واخواننا اهل الكويت مهما كتبنا ومهما قلنا لن نوفيهم حقهم على مابذلوه من جهود جباره لانجاح تلك الحفله


وعلى حسن الاستقبال وكرم الضيافه اللتي لاتستغرب عليهم فهي ليله لاتنسى ومن ليالي العمر تشرفنا بالسلام


على اخواننا النداويه اهل الكويت والسعوديه وبعض الاصدقاء الذين حضروا للعزيمه .


بيض الله وجيهم ماقصروا والله يطول عمارهم ويكثر خيرهم


تحياتي

شبيب

يامرحبا ومسهلا ...يالنداويه


الاخ العزيز والاب الروحي للنداوي / حمد السحيمي

البركه بركات الله وبركاتك على هذا الجمع الغفير من كوكبة النداويه اللتي ملئة قلوبنا بالزياره الكريمه ..واللتم فيها شمل النداويه والكل شاف اخوه الثاني

فأنتو تستاهلون على ماقمتو به وعلى قولة المثل ( من قلّط الحسنى ..يستافي الجمايل ) واللي سويناه لكم قليل بحقكم وسامحونا على القصور ...ويعلم الله انها ليله من ليالي العيد شوفكم والسلام والحفاوه بين الاخوان

فأسأل الله العظيم ان يديم هذه الخوّه المباركه اللي وقارها الطيب ومعرفة الغانمين

فهذي العزيمه من كريمين لمستحقين .....والله لايباغض بيننا


دمت يالنداوي حمد ودمتو يالنداويه

تحياتي لكم

[poet font="Simplified Arabic,14,darkblue,bold ,normal" bkcolor="" bkimage="" border="none,2,gray" type=1 line=200% align=center use=sp char="" num="0,black"]
دارٍ ليامن جيتها قلبي لها صار المكان=وإن رحت عنها00ياعرب قلبي لها 00دار النضير
جيتك ولك فيني وله والا الغلا لك من زمان=جيتك واحسي جيتلك ودي من الفرحه أطير
ماتنزلين بذمتي يارافعه صوت الآذان=الشعب هو جابر لأن الشعب في جابر أمير
[/poet]


بيّض الله وجيهكم 00 بيّض الله وجهيكم

والكرم وهبّة الريح ماهي غريبه عليكم
ياهل الكويت 00

وإنتم راعين الأوله في كل شي00

ورايتكم بيضا يشهد الله 00

عسى الله يغنيكم ويحط بيديكم ويجعلكم

باالوجود00وعساكم ذخر للقريب والبعيد

وعزالله ليله من ليالي العمر الغاليه عند كل

رجال يحب مواجه المشاكيل والمناعير00

بيَض الله وجهك يابو ثامر 00

ووالله إن الحروف تتقزم أمام اهل الكرم00

وما هذي الأبيات الا من قصيده لم تكتمل

غلا ومحبه لهذي الدار واهل الدار00

مع اني عارف مثلي مثل غيري إنهم اعلا شموخ

من كل قصيده وإنهم هم اللي ينومسون القصايد اللي

بهم ماهي هي اللي تنومسهم ولكنها مشاعر محب

لأحبابه وإخوانه 00

بيّض الله وجيهكم واشهد إنكم بعيدين كل البعد عن

القصور00

لكم كل الحب والشكر00

تقبلوا تحياتي
وتقديري0

000000000أخوكم / فيصل بن طواله