((يامال 000 الجنه))

قبل دخول شهر رمضان بايام قليله فقدت وفقد العديد غيري رجل اقل ما يقال عنه انه رجل وهو المرحوم بأذن الله (منيف بن محمد آل سليمان العجمي) تغمده الله بواسع رحمته0 وعزائي فيه انها سنة العزيز الحكيم في خلقه , جعلنا الله واياكم ممن يقابلون الله وهو راضي عنهم 0

هذه القصيده مواساه لنفسي ولو انها دون الحدث 0

مرحوم ياراس الوفا منقع الطيب 000 الله ولايوم فجعنا فراقه

يوم عليه احضر الوعي واغيب 000 ياسرع غارات الزمن يارفاقه

جيت المكان اللي وطته المواجيب 000 ياما عليه من الصخا واللباقه

ماله عقب فرقا المعزب تعاجيب 000 بينه وبين العلم الأمحق علاقه

البارحه يكسر عليه التراحيب 000 من جود يمنا ضريت باالطلاقه

واليوم وادعناه والشمس بتغيب 000 موادع سم الحيايا مذاقه

صفقت باليمنى يساري ولاريب 000 من يجزع من الموت راعي حماقه

ومهما بكيتي يا القلوب المصاويب 000 مافيه لاحول ولا فيه طاقه

والناس لاتدري ولا تعلم الغيب 000 كل على القبر المهايل مساقه

يامال الجنه يابو حمد0

(مشهور)

[تم تعديل الموضوع من قبل مشهور الخيّال بتاريخ 01-02-2001 الساعة 06:28 AM]

صح لسانك يامشهور وعظم الله اجرك في رفيقك الطيب

الله يعظم اجرك يامشهور ويعظم اجر اهله في رفيقك الطيب
وعسا الله يتغمد عظامه في الجنة...ويرحمه ويرحم جميع موتى المسلمين....وصح لسانك على القصيده وبيض الله وجهك.

اخوك الصغير/عبدالله بن فلاح الهاجري

رحم الله فقيدكم

وصح الله لسانك يا بو خيال دائم مبدع حى فالمرثيات ما شا الله عليك ياخوي.