Tweet
يالضلوع اللي على قلبي تواما
........................ ريحيني ماحصل مني خطيّه
الخطا والله في حق النشاما
........................ الرجال اهل الشدايد والحميه
الخوي منهم يضيق ولايناما
........................ لين يدري وش بلا ضيقة خويه
تقعد الدنيا وتقوم ولايضاما
........................ واحدٍ منهم وشمس الكون حيّه
مثلهم يشرى عزيزين المقاما
........................ مثلهم يفدى لو العمر الفديه
والا ذاك ان شاع ذكره وان تساما
....................... والله اني خابره راعي رديه
ذاك ياما شلت زلاته وياما..
....................... قلت : عادي حتى لو يخطي عليه
صاحب وحقه على مثلي الاما ..
....................... ضاقت ايدينه فزعتله بيديه
كانت جروحي من طعونه تداما
....................... وكنت احمّل نفسي حمولٍ قويه
لين شفت العمر قدامه ترامى
...................... وصد عني مانشدني ويش فيه ؟
يحسبني باتجاهل وآتعاما
..................... مادرى اني حافظٍ ذيك الوصيه ..
يوم ابوي يقول والعالم نياما
..................... ساعةٍ فيها المواجع سرمديه :
ياعيالي حتى لو صرتوا يتاما
..................... المعزّه تورث النفس الغنيه
يالله اجعل منزله برد وسلاما
..................... واجعله في عدن يارب البريه
يوم راح وهرجته فيّه تناما
..................... يوم مات وذمته كانت بريّه
.............. استودعكم من لاتضيع ودائعه وكل عام وانتم بخير
................... القاريء .. فهد المساعد
[تم تعديل الموضوع من قبل فهد المساعد بتاريخ 12-25-2000 الساعة 10:11 PM]
تعليق