ياهل النداوي

[الشاعر الصغير]

المواضيع الكثيره مستثيرة ... والكلام الزين يامحلا مثاره
ان قيل غزل صاحبي مالي بغيره ... فايده لي ماحصل منه خساره
صاحب لي فالهوا قلبي اسيره ... مثل حرا حايم من فوق قاره
وان بغيتوا المراجل كل سيره ... ياكثر شجعانها واهل النعاره
راعي الشرفا له خيل مغيره ... والفليل معود يكرب غباره
وان بغيتوا النصح نفوس بصيره ... المراجل في الفتا تعز داره
الليالي طوال دنيا مستديره.. والرخوم رخوم غير اهل الصقاره

[زايد القلادي]

حياك الله

حياك الله يالشاعر معنى والدار دارك ويهلا بك انت كبير بمعانيك وبشعرك وبحنا لك الله يسلمك

بسم الله الرحمن الرحيم

الله .. حلوه يالشاعر ..

هلا ما هلل المحرم وكبر *** وطاف وشاهد الركن اليماني

مرحبا مليون..

ياهلا بالشاعر الصغير...وتراك أنت وشعرك من كبار السن عندنا هنا ...وأنا أشكر لك هذا التواضع وأن دل فيدل على تواضعك..

ياهلا مرة أخرى والمحل محلك..

تحياتي لك
(...)
ولدعبس

مرحبا والله ومسهلا بك يالشاعر الكبير ،، وصحّ لسانك ولا هنت على القصيدة الرائعة .

أخوك / معـ،،،،،،زب الضيفـ،،،،،،ـان .

[الشاعر الصغير]

كلكم وافين

الف شكر من ضميري يالقلادي
والف شكر من ضميري صوب هيفا
والف شكر ياولد عبس الجوادي
والف لك يامعزبٍٍٍ من عند ضيفا
هرجكم ذا حلو انعش لي فوادي
كلكم وافين مافيكم ضعيفا

[كحيلان]

الشاعر الصغير بالكنيه والكبير بشعره
مرحبابك ويشرفنا تواجدك معنا والمحل محلك
اخوك كحيلان

[الشاعر الصغير]

كحيــــــــــــــــلان

ياكحيلان اشكرك شكر جزيل
شكر وافي من صغير من كبار
هرجتك عدله وترجح بالمكيل
ياكحيلان الـغلا يابيت نار