قالت انى ما فيني خير ,,,
وانى قلت كل شي يختص في حبنا لناس معينين ,,
يعني فضحتها !!!!
الله يسامحهاا ,,
والله انها ظلمتني في هالموضوع ,,,
لكن بالاخير تاكدت هي انى ما سويت اي شي ممكن يضرها او يسبب لها اي احراج وانى ما فضحتها مثل ما تقوول ,, ولا جنس بشري درى في موضوع علاقتنا المنزهه والحمدلله من اي شبهه ,,
وعقب فتره قالت انها بتساافر لظرف خااص وبتقعد مده تناهز الخمس شهور ,,,
وانا حبيت اجيب الاوّلـي والتاالي واذكّرها بكل شي وابين لها هالغيبه اللي هي ناويه عليها شنو تمثل بالنسبه لي ,,,
وقلت ............
تـدري بْـ غيبـة خمسـة شهـور وشلـون ؟
%%%% تـدري ؟؟ انـا بأعلّـّمـك كيـف هيّـه
تـدري بْـ غيبـة طلّتـك نـور هـالكـون
%%%% يطفـي ... وينْـور عقْـب ردّتْـك ليّـه
صحيـح أنـا أملـك هـدب عيـن وعيـــون
%%%% بـس النظــر بيغيـب لا غـاب ضيّـه
دام انـت نبـض القلـب يـا زيـن بلعـون
%%%% بَـ امـوت لا مـن طـال بعـدك عليّـه
غصـبٍ عـن العـذّال ,, واللـي يغـارون
%%%% واللـي بغـوا بينـي وبينـك أذيّـه
يعنـي ازعلـوا ؟ واللـه ولـو كـان يرضـون
%%%% ما عـاد تفـرق حيـل ,, نفـس القضيّـه
دام القفـا منهـم بِـ سكيـن مطعــون
%%%% وبِـ مْـواجهـي ترحيـب خيٍّ بِـ خيّـه
ملعـون ابـو عرفٍ كمـا ( هيـك ) ملعـون
%%%% بعـض الأخـوّه تسقطـك فـي بليّـه
ما كـان لـي ذنْـبٍ بهـم ,, كنـت مغبـون
%%%% كنـت الصديـق الصـادق بْـ حسن نيّـه
انـا جعلتـك ســرّ ملمــوم بٍـ جفــون
%%%% واغمضتـها مـن خـوف قلبـي بِـ اديّـه
ليتـك تعَـرْف انّـك ابـد منتـب تهـون
%%%% ومـانيـب من يكشـف غطـاه لْـ خويّـه
خلاصـة الموضـوع مانـي بْـ مجنـون
%%%% خلاصـة الموضـوع كنـت الضحيّـه
يـا مـن اعيـش بْـ دنيتـي فيـه مفتـون
%%%% يـا مـن يضلّـلْـني من القيـظ فيّـه
سنـه ونصـف العـام والقلـب مرهـون
%%%% ما بيـن هـم وغـم واحـراق كيّـه
نفسـي بغـت وصلـك وحبّـتك بـالهون
%%%% حسّـيت نفسـي تنجـذب جاذبيّـه
كـم حاولـوا تفريقنـا بـس يبطـون
%%%% عزّمـت ما يفـرق بنـا الا المنيّه
حلفـت لـك بـ اغلـظ يميـنٍ فـلا اخـون
%%%% عزّمـت مَـ اخطـي فـي غيابـك خطيّـه
يا عونـي بْـ دنيـاي لا تذخـر العـون
%%%% لا تذخـر ويمنـاك دوم اجوديّـه
مابيـك للنسيـان مدفـوع ,, واكـون
%%%% من ضمـن اهـداف الظـروف العصيّـه
مانيـب ناسـي باعتبـارك معـي ( هـون )
%%%% فـ البـال ,, دام النفـس للآن حيّـه
شـرع الوفـاة بـ كـل الاديـان مسنـون
%%%% ومحـدن يمـوت ومـ الحقت فيـه سيّـه
يكفـي عيونـك والحواجـب يشنّـون
%%%% حـربٍ ضـروس لْـ من نـوى بالرّويّـه
القصـد تكحيـل النواظـر ويـروون
%%%% من بيـر عينّك نظـرةٍ عاطفيّـه
يكفـي حـوَر عينـك هدبهـايضلّـون
%%%% يحمونـها من الهجمـه البربريّـه
ويكفـي لك سنـونٍ ولا كنّـها سنـون
%%%% لولـو وهبهـا اللـه لاجلـك هديّـه
يـا بـو شفايـف رِهْـف يـا درّ مكنـون
%%%% يـا بـو خـدودٍ مزهـرات ونديّـه
والشعـر لا مثلـه شبيـهٍ ولا لـون
%%%% سبحـان مـن يعطـي جزيـل العطيّـه
والعـود ريّأنٍ كمـا غصـن زيتـون
%%%% والطلّـه اليـا جيـت حسنـه بهيّـه
لـو حـاول الشعّـار عجْـزوا يجيبـون
%%%% وصفـك ,, تضيـع المفـردات القويّـه
كلمـه تتـوه ,, وكلمتيـنٍ ( يفلّـون )
%%%% بالرغـم مـن انّ الحـروف ابجديّه
ان جبتـها هاللّـون ,, وان رحـت هاللـون
%%%% كـن الحـروف اغـراب دم اجنبيّـه
ادري دريـت وطبـع الاحبـاب يـدرون
%%%% باحسـاس منهـو حـب ما فيـه زيّـه
عرفـت غيبـة خمسـة شهـور وشلـون ؟؟؟
%%%% عجـزت ما وصّفت لك كيـف هيّــه !!!!
,,,,,,,,,,,,,,,,,,,,,,,,,,,,,,,,,,,,,,,
تقبلوا تحيااتي ,,,
اخوكم ابو الاصاله
تعليق