أحبابك سروا .. جديد البدر ..

ما به احد غيري
يابنت
أحبابك سروا
لاتسأليني تغيروا
يمكن نسوا
أو مادروا
ياحلوتي ضاع الوعد
وباكر بعد
مرّي على دروب الجراح
وتلقين احد غيري

* * *
بالله بالله لاتبكين عندي
ولا رحتي سوي اللي تبين
مالك عزى
فـ قلب الحزين
محتار أنا أسكت
ومدري ايش أقول
لأني سبب جرحك
ولا عندي حلول
لكن ابوصيك بصبر
لابد للغياب عذر
وياحلوتي ضاع الوعد
وباكر بعد
مرّي على دروب الجراح
وتلقين أحد غيري

* * *
غطي سنا خدك
بشال الليل
وغيبي يالشمس
اللي ضيها لغيري
آه لو تعرفي
وش كثر أنا أحبك
لو كنت تدري بي
ياعيونها السود
مابه أحد موجود
غيري أنا الموعود
جرحي وتعذيبي
ياحلوتي ضاع الوعد
وباكر بعد
مرّي على دروب الجراح
وتلقين أحد غيري

بـدر بن عبدالمحسـن

[راعي العوجا]

الله عليك.,.,تسلمين والله .,.يكفي ماقدر أتكلم عن البدر.,.قصائده هي التي تحدثنا عن شخصه .,وهو البدر المضيئ في الليل الاسود.
اما أختي ملاك// كذا الصراحه رااااح أزعل منك فيه طيب باقي شعراء
ماذكرتيهم بكلامك كأنهم يعني ولا شي.نسيتي غير ماذكرتي
خلف بن هذال و بندر بن سرور و نايف صقر.وغيرهم من الشعراء الذين
جعلوا للشعر مكانته.وتقبلوا خالص تحياتي ومعزتي اخووووووكم:

[السعوديه]

اختي هيوف العزيزه يابعد عمري انتي على هالاختيارات البدريه الرائعه

ممكن توضيح ياعيوني لو تكرمتي لي

القصيده هذي قصيده قدييييمه للبدر وهو قال كذا في مجلة اليمامه العدد اللي فالاسواق الحين وقال انها من اقدم قصائدي ولكنها لاول مره تنشر لانه لم يراها في المستوى
جرى التنويه حفاظا على خطوات البدر التقدميه

وشكرا بعد عمري

بسم الله الرحمن الرحيم

عزيزي ..
راعي العوجا ..

اشكر لك اطراءك للبدر اللي جاء بوقته الصراحه

شاكره ومقدره

بسم الله الرحمن الرحيم

حلوتي .. وحبوبتي ..
السعوديه ...


اشكرك على هالتنبيه ..

انا لخبطت بين قصيدتين ولكن ماعرفت كيف اعدل العنوان

لانه التعديل يبدو في النص فقط .. لكن جيد انك كتبت

عشان لا يلخبطون القراء بسببي .. شكرا لك يالغاليه

اعذروني جميعا على هالخطا ..

البدر فقط.

الله الله الله.ياهيفــــــاء

جميل جدا.

ومن الهــدب لين الهـــدب
بحــر ومراكب من لهــــب
امـواج تبحر بي رضـــى
وامواج تبحر بي غضـــب
لـــــــــــــــعيونها
بــــــــــــــــــس
لـــــــــــــــعيونها

مهما ننطق يعجز اللسان عن وصف هذا المبدع
حقا البدر دوما بدر.

مع اصدق تحياتي واشواقي لمحبي البدر..

اخوك:وافــــــي العتيبـــــي

بسم الله الرحمن الرحيم ...

اهلا وسهلا .. بالوافي ..


شكرا شكرا .. على اطراء البدر ..

بس ترى يستاهل والله ..


شاكره ومقدره

الله الله الله

أهنيك على هذا الاختيار الأكثر من رائع لهذا الشامخ المتفرد

بالقصيده .

مهندس القصضيده .. لم يأتي هذا اللقب من فراغ .

شكراً اختي الكريمه على هذا الاختيار الموفق جداً .

تقبلي تحياتي واحترامي

اخوك الريان

ووووووووووووواو اختي هيوفة الغالية

اختيار جدا رائع ... اهنيئك على ذوقك الراقي


سلمتي يالغالية

في انتظار جديدك

هيفاء

قراتها اكثر من مره ....البدر دائما رائع ....اشكرك على الاختيار الروعه ....وتسلمين على هذى المشاركه الجميله جدا...وتحياتى

بسم الله الرحمن الرحيم

اخي العزيز ..
الريان ..

حياك الله .. ياعضوناالجديد ..

وشكرا كثير على اطراءك للبدر

تسلمين اخت هيفااء ,,,,,

دائما اختياارك لقصاائد البدر يكوون جميلا ,,,

والبدر دائم الاشعااع الله لا يحرمنا منه ولا من معجبته اللي تهدينا دايما مثل هالقصاائد ,,,

تقبلي تحيااتي ,,,

اخوج ابو الاصاله

بسم الله الرحمن الرحيم

حلوتي ..
الواثقه ..

اشكر لك وجودك يالغاليه ..

كمااشكر اكثر اعجابك بالقصيده ..

اذا كان الشعر بدر

والذوق بدر

فصفحات الهيفاء كلها ذوق

كل عام وانتي بخير

تحياتي

بسم الله الرحمن الرحيم

عزيزي ..
القوس ..

شكرا لقراتك هذا اقل مايستحق شعر البدر ..

تكرار القراءه لنكتشف سر جديد في كل مره

صح والا لا ؟! ..