دنيا تغر الناس

دنيا تغر الناس دايم ابغفلات

.............................الله يعين اللي على الدرب سارو

تقبل وتقفي بين عوج وعدلات

.................................ما داومت للي ابخيرٍ تهنو

لا شك يا عافل بدنياك سجات

..............................انشد عن اللي قبلنا وين ولّو

لا قيل وين فلان قالوا لنا مات

...............................وحنّا على منهاجهم حيث حلّوْ

يمّا مع الابرار برياض جنات

.............................ولاّ مع اللي باسفل النار حلّوْ

على النبي سيّد جميع البريات

.............................ماهل وبل وما سقا النبت صلّوْ






عبدالله سعود الصقري

[هب الريح]

هلا اخوي عبد الرحمن


يعطيك الف عافيه


ابو داحم من سدير؟؟؟؟؟ والاّ لا


تحياتي

لاهنت ياعبدالرحمن على الاختيار

الاخ الفاضل/عبدالرحمن الفهد

احييك على النزعة الدينية في القصائد التي تختارها..والتي حببتني فيك لله.

سلامي عليك سلالالالالالالالام المؤمنين

اخوك الصغير/عبدالله الهاجري

أشكرك يا هب الريح وهذا من طيبك.
وبالنسبة لسؤالك عن ابو داحم ترى والله مااعرفه ولا ني من اهل سدير (هالحين عرفت ليه بعض الاعضاء يسموني باابو داحم) .

إلى الواثق أحبَّك الله الذي احببتنا فيه.
على فكرة وش صار لك ذيك الليلة في منتدى الدردشة تراني انتظرت اقرأ ردك عقب ما استأذنت منك , وما جاتني السموحة منك فاضطريت أن أذهب فاعذرني يالغالي.