لــولا ثويبـــــــــــــه

[راعي العوجا]

السلام عليكم .,الصراحه مابي اطول عليكم اخترت هذه القصيده اللتي اعجبتني وهي قديمه وللشاعر قديم .,وهي تمتاز بسهولة ألفاظها
وعذوبة أحاسيسها.ولكممممممممم القصيده
______________
يامل قلب بيح الولف سدّه
=========بيّنتني لعداي واشمتّ فيا


ياقلب ياللي شيّب الراس حده
=========باللك تكون لمن جفاك رقبيّا


ياقلب من قاضى جميلك بصدّه
=========لاتقبله لو كان حسن التزيّا


عن ذاك باب الوصل ياقلب سدّه
=========شم للعلا وشموخ نجم الثريّا


الصاحب اللي هجّ باب الموده
=========لك ماصفا لحذاك ياقلب عيّا


سلطان حور الدور انا ان قلت خدّه
=========بدرٍ تجلّى مازرى احدٍ عليّا


ضافي الجعد,غضّ النهد,يوم اشدّه
=========يغر لغصنه ينهصر في يديّا


مالي فداله لو لي اموال جدّه
=========حيثه لي لجا..من حدا والديّا


وان غبت يومٍ قال ذا اليوم ودّه
=========والاعي الورقا ونومي شويّا


وافي حشاه انسان شدّ الاشدّه
=========وسلاني عن رفقة أخو كل حيّا



للحد وربّ البيت ماريت قدّه
=========والزين من عذب الثمان شرفيّا


وان نقض مجدوله وكدّه و وردّه
=========واقبل يغطرف لى بيّها وعيّا


خمّيت عنقه وانهصر زاد ودّه
=========وارويت من سكّر نباته ظميّا


وادعيت خدّه ماينول المخدّه
=========ومن السكر بي ماعن الله كميّا


لولا ثويبه شدّ نهده وقدّه
=========ومنجمٍ بالوسط زاويه زيّا


وذويبٍ ولعيستينٍ بخدّه
=========واذبيلتينٍ كان انااقول: ذيّا


عفرٍ غريب الدّل مجمول بدّه
=========كنّه على زمّة شبابه طبيّا


ألجى على اللي ترتجي الناس مدّه
=========محيي النما بالما..رجا كل حيّا


يجعل صفاة قلوبنا مجرهدّه
=========ومودةٍ تلجي بلطفٍ خفيّا
وسلامتكـــــــــــــــــــــــــــــــــــــم,,,,,
وتقبلوا خالص تحياتي أخووووووووووووكم:

عشت ياراعي العوجا

ياليت تكفا تعلمني من هي له يهمني والله وتسلم يا بو بدر

[راعي العوجا]

أخووي سهم النمايا تسلم والله ,,,لكن القصيده هذي انا أحفظها عن ظهر قلب لانها معجبتني لكن أبشرررر بس عطني وقت اليومين هذي واعلمك لمين لاني الصراحه مااعرف لمين .لكن هي قديمه وشاعرها من نجد.
وتقبل خالص تحياتي وأشكرك,,,,,,,,أخوووووووك:

[راعي العوجا]

هلا أختي ملاك.اشكرك هذا من ذوقك .,لكن السرعه فيني حتى في السياره
هههههههههههههه ماخلص المخالفات المروريه بسرعه إلا انا حتى خارج السعوديه ,هاهاهاها.,.,لكن ان شاء الله يوفقني الله إلى الوصول الى مااريده .واشكرك مره اخرى
وتقبلي خالص تحياتي أخوووووووووووك: