ليت البحر حبر!!!!

الاخوان والاخوات النداويه

الله يسعد اوقاتكم بكل خير


اذكرو الله وصلو على النبي







ليت البحر حبر وان البيد كراسه **** واكتب عليها قصيدة وصف لعيونه

فيا كيف لو باصفه من كعبه لراسه **** خمسة عشر بحر ما ظني يكفونه

من يوم شفته وقلبي دقت أجراسه **** والعين صارت بشوفه بس مفتونه

ياليتني من هله والا عرب ناسه **** حيث ان محدن منعهم لا يشوفونه

ياقلب ياقلب ياللي زاد وسواسه **** جنب طريق الهوى ياقلب وشطونه

ترى الهوى يكتم الرجال وانفاسه **** لاطاح في حب ناس ما يدارونه

وانشهد انه كتمني لعنبو ساسه **** الجادل اللي ماغير يمشط قرونه

ابو عيون وســــاع سود نعاسه **** لاشفتها تنكتب لبيات موزونــه

تكفون تكفون قلبي الهوى داسه **** وضعي خطير ترى ودي تحلونه

وش حيلة الخاطر اللي زاد هوجاسه **** من كبر ما جاه بيّح كل مكنونه

ناصر عطاكم من اللي دار باحساسه **** وما عاد يطربني التطريق ولحونه

والحبر خلص وعندي الف كراسه **** وبالله بالله ناصر لا تلــــــومونه



ناصر الأحمري

ياقلب ياقلب ياللي زاد وسواسه **** جنب طريق الهوى ياقلب وشطونه

ترى الهوى يكتم الرجال وانفاسه **** لاطاح في حب ناس ما يدارونه

ناصر الاحمري



صح السانك 0قصيده جزله من شاعر جزل 00لاهنت0

ناصر االاحمري
"



صح لسانك مليوووووون
"
ولاهنت يابعدي
"


سجل اعجابي لاعدمتك
"


تحياتي لك

اخوووووووك/

نااااااااااايف بن عيفااااااان

أخوي / ناصـر الاحـمـري

صــــــــــــــح لــــــــســـــــــانـــــــــــــــــــــك

تــــــــــــــــســــــــــــــــــلم

والله يـعــطــيــك الـعــافـــــــــــيــــــه

[c]مساك الله بالخير اخوي ناااااصر ....


مشاعر راائعه وكلماااات جدا متناغمه


صح السااانك اخوي ناصر


لا هنت عليها


تقبل تحياتي لك


أختك


أمســــــــــــــــيه [/c]

ناصر الاحمري,



شاعر جميل واسلوبك متميز



صح لسانك ولا هنت على هذه الجميله




أخوك,

الاخ سعيد الحمالي

الاخ نايف بن عيفان


الاخ هادي الرزقي


الاخ مهدي بن مسفر


الاخت امسيه


لاهنتو وبيض الله وجيهكم


ولاتحرمونا من متابعتكم اللي هي الدافع القوي والتشجيع لتقديم الافضل اللي يليق بالنداوي وهله



اخوكم الاحمري