عزتي للمسجد الاقصى الا يا عزتاله

السلام عليكم ورحمت الله وبركاته .....






لامـــــــــــــــــــــــتى وانا نشوف الظلم عينن للعـداله***لامتــــى والحق يهل الحق مايلقى موالي

لامــــــــــــــــــــــــتى والزين ياذالمسلمين ايشين فاله***لامتـــــى وانانذوق المر ونعيف الزلالي

يالــــــــــــــــــعرب يهل العروبه يا عريبين السلاله***مـــايرد اللي يروح الوجد لاياوجد حالي

العـــــــــــــــــمر مره ومره حالت اهل الشرق حاله***من عماها في عماها عايشين ولا نزالي

تســـــــــــــلب حقوق العروبه تحت عنوان الجهاله*** والحـــــضاره والتطور والتمدن والهبالي

اخــــــــــــــــــــــــــلفونا واخلفو فينا المروه والشكاله***وجـردونا من قيمنا وازرعو فينا الجفالي

الـــــــــــــــــــرجل فينا الرجل ماعاد يمن في عياله***والجـنوبي من يلومه كان ممن فالشمالي

اشـــــــــــــــــــــــعلو ما بينا الفتنه وصار الكل داله***يـــــنكر المسلم حقوق المسلمين ولا يبالي

وضـــــــاعت النخوه وضاعت مننا روح الزماله***وضـــاعت اسلوم العروبه مننا ياهملالي

انـــــــــــــــحرفنا عن دروب العز لدروب الفشاله***وانجــرفنا مع مجاريف الهداني والخمالي

ان بــــــــــــــــغانا عند وجهه وان بغيناه استحاله***والله انــــــــــه مايلبي كودفي خشم الريالي

الصــــــــــــ،ـحيح ايقال واللي غير ذا مالي وماله***والزعل مرفوض والارزاق بيده واتكالي

وان صفت كان بها وان ما صفت محدن صفاله***والليــــــالي غابره والحظ تصلاه الصوالي

عـــــــــــــــــــــزتي للمسجد الاقصى الا ياعزتاله***والله ان يبطي وهو مرهون مافك الحبالي

والله ان يـــــــــــــبطي وهو مرهون بيدين الحثاله***دام حنـــــــا مثل منا يالعرب مابه مجالي

يبـــــــــــــــــــــكي جداره ودمعه دم ويردد سؤاله***وينــكم يهل الشيم يهل القيم يهل النضالي

يـــــــــــالعرب من جاد ساد ومن سعى للعز ناله***قـــــــــومو الله ياخذ اللي ما يهمه احتلالي

قــــــــــــــــــومو الله ياخذ اللي يحسبن فيها جماله***واجـــــــــبه والواجبه ياناس مافيها جدالي

عـــــــــــــــــدت الخمسين عامن امتقيد في حباله***والـــــرجال تموت والنسوان والله والعيالي

ومـــــــــوتت المسلم سهاله عندهم واكبر سهاله***علم دارج في حقوق الانس وحقوق الليالي

والــعرب تشطب وتكتب عن مواضيع الرساله***واتســــــــــــاهل واتماهن واتجاهل واتعالي

يـــــــــــــــالله انـا طالبينك رحمتك يا ذو الجلاله***يـــــــــــالولي اللي تعلت وليتك في كل والي

يــــــــــا سميع ويامجيب ويا قريب المن دعاله***يـــــــــا شديدن بالوعيد ويا وحيدن بالكمالي

قـــــــــــــدرتك يا مهلك الطاغي ويامهلك فياله***قـــــدرتك يامنجين ذنون ونوح امن الزوالي

انـــــــــــــــت ماغيرك اٍلاهن يا اٍلاهي يلتجاله***لاولا غيـــــــــرك يروف بحالنا وبكل حالي



*********

الأخ الغالي / علي بن شايع


صح السانك .... وبيض الله وجهك



ابيات معبره ورائعه يالقرم



تقبل تحياتي اخوك














سنجار ( محمد بن عبدالله )

وان صفت كان بها وان ما صفت محدن صفاله***الليــــــالي غابره والحظ تصلاه الصوالي

الاخ العزيز سنجار



صح بدنك ولا هنت يالغالي



شرفتنا في مرورك الطيب

الاخ علي بن شايع
قصيدة معبره
من شاعر صادق
صح لسانك
ونور الله وجهك

[poet font="Arabic Transparent,14,black,bold ,normal" bkcolor="white" bkimage="http://www.nadawi.net/vb/images2/47.gif" border="solid,9,white" type=0 line=200% align=center use=sp char="ع" num="0,white"]
الشاعر / علي أبن شايع

قصيده تستحق الأشاده و شعور طيّب أتمنى أن يكون عند جميع العرب

قصيده معبره من شاعر بارز و نحن في أنتظار الجديد

قواك الله يابو شايع و أتمنى لك التوفيق

تقبل أجمل تحياتي


أخوك / فراج ابو لسان


[/poet]

علي بن شايع صح السانك


قصيدة جزله وبيض الله وجهك



ولاهنت يالغالي

عـــــــــــــــــــــزتي للمسجد الاقصى الا ياعزتاله***والله ان يبطي وهو مرهون مافك الحبالي

والله ان يـــــــــــــبطي وهو مرهون بيدين الحثاله***دام حنـــــــا مثل منا يالعرب مابه مجالي

يبـــــــــــــــــــــكي جداره ودمعه دم ويردد سؤاله***وينــكم يهل الشيم يهل القيم يهل النضالي




اي والله صدقت يا علي ....


بيض الله وجهك والله إنها أبيات مؤثره وأصبت فيها عين الحقيقه لكن رحمة الله واسعه ولازال باقي في الأمه خير وجذوة نار لن تخبو أبداً وإن النصر لات لامحاله والله لا يخلف وعده



تقبل مني كل تحية وإحترام أيها الشهم.....




أخوك,

الشاعر/ علي بن شايع



تصفي انشالله وربك كريم


صح لسانك ياعلي وتسلم يمينك


قصيده معبره عن وضعنا وواقعنا


جزله من راس جزل

لك تحياتي وتقديري

علي بن شايع


مرحبا والله ياعلي بيض الله وجهك وجعل عمرك طويل


صح لسانك على هذه القصيده المعبره عن مشاعرنا جميعآ


لله درك ياعلي على هذا الجمال وهذا الابداع



تقبل تحياتي

شبيب

العطوي


صح بدنك ولاهنت


شاكرلك علي المرور الطيب

الاخ العزيز فراج ابو السان


مرحبا والله ومسهلا

شرفتنا بمرورك وكلامك العذب


صح بدنك ولاهنت علي المرور الطيب

الاخ مرزوق الصواغ


صح بدنك ولاهنت

شاكرلك علي المرور الطيب

الاخ العزيز سعيد الحمالي


الاوله شاكرلك يوم رديتها


وصح بدنك ولاهنت


شرفتنا بمرورك العذب يالقرم

الاخ العزيز عكاشه


الله يسمع منك


صح بدنك يالغالي


ولاهنت علي مرورك الطيب

وكلامك العذب

شرفتنا