دار أخو نوره

اخواني واخواتي اعضاء وزوار منتدى النداوي اقدم لكم هذه المشاركة عسى ان تنال اعجابكم


يادار يا اللي لك مع المجد سيره
:::::::::::::::::::للــعز ياقــبلة وجــــيه الــــملايين
دار الكرم دار العقول المنيره
:::::::::::::::::::دار الرخاء للعز ساس وعناوين
دار الشجاعه والسيوف الشطيره
:::::::::::::::::::اللـي تــذب اعـناق روس المعادين
حبك كبيروانتي ايضا كبيره
:::::::::::::::::::::بقلوبنا حبـك على العسر والليــن
ارواحنا دونك حصون(ن)عسيره
:::::::::::::::::وذرعانـــنا تعمـي عيون الحــسودين
يادارنا يادار صقر الجزيرة
::::::::::::::::::دار اخـو نـــوره مـنبع العز والديـن
حر(ن) شهر من شرقها في مطيره
::::::::::::::::::ومن كفخته عاعت فروخ الشياهين
صك الحزام الممتلي بالذخيره
:::::::::::::::::::::وهاجم اعداه وداسهم بالميادين
وبالسيف الأرخم والخيول المغيره
::::::::::::::::::::طهر ثراها من جموع الخبيثين
عبد العزيز اللي فعوله شهيره
::::::::::::::::::وراع القسا من صطوته يلبسه لين
وحد دياره ديرة(ن) بعد ديره
::::::::::::::::::::حتى صفت واستقبلت للمصلين
وعلى طريق الخير واصل مسيره
:::::::::::::::::::ويسير من بعده رجال(ن) ميامين
انا اشهد انه مايوصف بغيره
::::::::::::::::::::::لاعدوا ملوك العرب والسلاطين
عساه في جنات عدن السفيره
::::::::::::::::::::::الــــلــهم آمــيـن وآميــن وآمــين

الاخ صالح الرشيدي


صح لسانك



واخوان نوره في غنا عن المدح وهم اهل المدح



اذا صح التعبير


والله يعز هم ويعز حكام العرب


ولايفرق كلمتهم

ولاهنت

صالح الرشيدي صح السانك يالفالي


قصيده جزله من شاعر جزل



ولاهنت

الاخ صالح الرشيدي
قصيده جزله في من يستحقها
صح السانك وتقبل تحياتي

اخي صالح


صح السانك ولاهنت


واخوان نوره غنين عن المدح وهم المدح بحد ذاته


لك تحياتي

اخوي الشاعر بدر السهلي لاعدمتك ومرورك مكسب لي

اخوي مرزوق لاعدمتك ياطيب الفال

اخوي مجعد بن متعب لاعدمتك ولااخلا ولااعدم

[شفق]

الاخ الشاعر صالح الرشيدي


قصيده رائعه في حبكها و سبكها. احتوت على جماليات الكلمه.


و لا استغرب ان اتى الجمال من يديك فانت شاعر و قصيدك دائماً يجملك.


تحياتي لك


اخوك


شفق

الاخ العزيز/ صالح الرشيدي



ابدعت فيما قلت وهذا ليس بغريب عليك فأنت شاعر ليس بشهادتي وانما في قصائدك

التى جعلتنا نتلهف بكل شوق لما يكتبه صااالح..


المدح في هولا ء مهما كتب الشاعر او الكاتب فلم يصل الى مايريد من مابداااخله فالقصيده


تتشرف بأن تكتب في هولاء....


تقبل تحياتي

الاخ صالح الرشيدي

قصيده معبره صادقة الشعور وتشكر عليها


دمت لي...................... شنار

الأخ الغالي / صالح الرشيدي


صح السانك .... وبيض الله وجهك



وخوان نوره يستاهلون الطيب



تقبل تحياتي اخوك














سنجار ( محمد بن عبدالله )

اخوي حسن الوطري لاعدمتك وانا اللي اتشرف بمرورك هنا ايها الطيب

اخوي شفق لاعدمتك وان كان بالقصيده ابداع فهذا من ذوقك ايها الطيب لك تحياتي

[poet font="Simplified Arabic,14,darkblue,bold ,normal" bkcolor="" bkimage="http://nadawi.net/vb/images2/49.gif" border="double,9,darkblue" type=0 line=200% align=center use=ex char="" num="0,black"]
يادار يا اللي لك مع المجد سيره =للــعز ياقــبلة وجــــيه الــــملايين
دار الكرم دار العقول المنيره =دار الرخاء للعز ساس وعناوين
دار الشجاعه والسيوف الشطيره =اللـي تــذب اعـناق روس المعادين
حبك كبيروانتي ايضا كبيره =بقلوبنا حبـك على العسر والليــن
ارواحنا دونك حصون(ن)عسيره =وذرعانـــنا تعمـي عيون الحــسودين
يادارنا يادار صقر الجزيرة =دار اخـو نـــوره مـنبع العز والديـن
حر(ن) شهر من شرقها في مطيره =ومن كفخته عاعت فروخ الشياهين
صك الحزام الممتلي بالذخيره =وهاجم اعداه وداسهم بالميادين
وبالسيف الأرخم والخيول المغيره =طهر ثراها من جموع الخبيثين
عبد العزيز اللي فعوله شهيره =وراع القسا من صطوته يلبسه لين
وحد دياره ديرة(ن) بعد ديره =حتى صفت واستقبلت للمصلين
وعلى طريق الخير واصل مسيره =ويسير من بعده رجال(ن) ميامين
انا اشهد انه مايوصف بغيره =لاعدوا ملوك العرب والسلاطين
عساه في جنات عدن السفيره =الــــلــهم آمــيـن وآميــن وآمــين

((((الشاعر/ صالــــــــــح الرشيــــــــــــدي))))
[/poet]

الشاعر العذب صالح الرشيدي


صح لسانك وبيض الله وجهك

شامخه من شموخ شاعرها لاعدمناك

لك تحياتي وتقديري