يوم المصايب ترادفت

حمد بن سريع اشتدت عليه هموم الدنيا ومصائبها فصعد فوق رجم عال وانشد يقول :


نط المشقي في رفيع المباني

................في راس رجم ون ساعة رقى فيه

القول عندي واجدٍ مردفاني

...............آخذ من الزينات والشين أخليه

هذا زمانٍ بالمصايب كواني

..................واكن عبرات على الله مشاكيه

ما شفت حيٍّ ما فجعه الزماني

.................أحد حلا له واحدٍ فجع غاليه

نبي نعد فجوعنا ذا الزماني

.................نبي نعد لك أوله ثم تاليه

أول فجيعه دوك ذرب اليماني

...................راعي دلال ماتوني مقهويه ــــــــ(يقصد أبوه)

راعي صحون وسطها الزاد باني

..................وجنوب خرفان بأريل يشريه

واليوم دونك طايح في المكاني

.................ياالله يالمطلوب انك تعافيه

ثاني فجيعة وين درعي كساني

............ضافي البنايق زبن اللي لجى فيه ــــــ(يقصد أخوه)

هذاك أبو داموك حبه كواني

.................يا وى قلبي للموده مصافيه

يا دمع ياللي فوق خدي ملاني

...............يا روع قلبي كل ما حن طاريه

اطلب عساه بوسط خضر الجناني

.................الله يخلف أول شبابه بتاليه

ثالث فجيعة وامحمد كواني

...............ما دامت الدنيا فلاني بناسيه ـــــــــــــ(صديقه)

إن شفت ذباحه وكيد وجاني

...............عيب علي إما خذيت القضى فيه

إن لضربه بمصقل الهندواني

..............ومجوهر يبرد عن القلب ما فيه

هم اجدعه للذيب هو والحصاني

..............حرام يا حتى القبر ما يجي فيه

رابع فجيعه وين هطل الذاني

...............متن المثاني سعد منهو حلب فيه ــــــــــ(غنمه)

ستر لهلها شوحن المعاني

................لا من راعي الزاد غلق مشاريه

أفضل بهن واحمد ولي عطاني

..............حليبهن دايم عن الجار مااخفيه

واذبح بهن وان كان جونا العواني

..............ما روح للقصاب للحم أبا اشريه

مانيبِ في دبرة ولى بشاني

.....................هذي تدابير إلهي مسويه

بسم الله الرحمن الرحيم

شكرا على هالأختيار ..

وايضا على التوضيح ..