Tweet
[poet font="Simplified Arabic,14,black,normal,normal" bkcolor="" bkimage="http://nadawi.net/vb/images2/8.gif" border="groove,1,gray" type=2 line=200% align=center use=sp char="" num="0,black"]
على سفح القصيد اجلس ملقي للقوافي بال = ماهي من سجة الخاطر ولاراحه وتعليله
أنادي للجزل وألا الهمل ماينعش الموال = ومن يثني على همل القصايد قلت عزي له
تزاحم في مخيلتي بيوتٍ نصفها يحتال = على نصفٍ تسابق لأبيض من الطرس تشكي له
ألا يابيت لاتحزن يجيك الدور ثم تختال = تراها ملحمه كلٍ يجيه الدور يدعي له
تصبر لاتعجل والصبر من قمة الأمثال = على شان التسلسل يجذب القاريء وياتيله
وأنا أوعدك في حسن التصرف مثل مالخيّال = يخلّي كل مهره جامحه باللين تصغي له
جموحك لو تعدى قوته من ضربة الزلزال = أشد من الرسن لين الرسن بالطيب ياوي له
وخلك بالمسار اللي ينومس شاعرك لاقال = ضميري بالشعر حاضر وأنا والحق ماضي له
مفاهيمي ماهي قصة غزل أو دردشة جوال = ولاخلٍ على كثر الدلع مطلوبه أثني له
ميولي للغضي أكبر من اني آخذه بهبال = أو استضعف بقايا قوته وأسهره وأنوي له
أو أستهلك قصص عاشق سقاه من التعب همال = سبايب شامتينٍ فوق خد البنت تطري له
وميولي ماهي اني أشبهك ياعابد الأموال = يحسب ان الدراهم يوم حشر الناس تدعي له
في معركة الربا ياهو شجاع ويرهب الأبطال = على أنقاض الطهاره من الجشع أمجاد باني له
يغض الطّرف عن فرض الزكاة ولايحس اشكال = يدلدل فوق ظهر المرتشي رجله ويرهي له
على قوت الضعافا جنت جنونه وحاله حال = يدور من ورى ظلم اليتيم أرباح تدني له
ولو انه على الدنيا فرض نفسه وصال وجال = يجيله يوم من ربي وماله مايصافي له
طموحي ماتشابه مستبد ولا لطيف أقوال = وترى زيف النجوميه جبين الحق يندي له
ميولي فكرةٍ ترمز لها الدله مع الفجال = وناسٍ همّها سهيل الجنوبي من يباري له
مفاهيمٍ قديمه كيف يصبح بيتهم مدهال = وكيف الجار لاجار الزمن بالحال توفي له
وكيف العبد في حق الولي ومنزل الأنفال = يشوف أصلح دروبٍ للهدايه ثم يمشي له
مفاهيمي بداوه وبين قوسين اسمها أفعال = رجالٍ لابغت عزٍ ينومسها تعدي له
وهمومي جيلنا هذا(تعولم) عن مساره مال = تعب يلهث ورى ناسٍ تخدعه يوم تومي له
دخيلك ابتعد عنا تراجع ياسراب اللال = يكفّي جيلنا طربان .. دخيلك لاتغني له
تحلحل عن جذوره وإنشلع واستلطف المقيال = وحتى ظل مقياله سئم حاله ويرثي له
يشوف العذرى تنادي تصيح وثم تذب الشال = تنادي والإذن طرشا .. ترد لله تبكي له
وأنا ما أرثي لحالي وأقول ان الزمن لو طال = أبد والله ياهذي حشا لاماتعدّي له
أبد لامانمشيها حسابه ياخذه أشكال = وإذا نقصت توابيت العدو نجمع ونشري له
همومي إن جيت ألخصها ( تخلينا عن الأعمال) = وجيلٍ ماتهزّه صورة الحرمه تنادي له
وميولي جمعةٍ حول المناره وأشقر الفنجال = وعزيزٍ أسرد همومي معه ساعات وأحكي له
وطموحي كلمتينٍ لو تجي فعلا يطيب الفال = يسموني ضمير الشعر يوم الحق ساعي له
عرفتوا ليه حتى لو ألقي للقوافي بال = ماهي من سجة الخاطر ولاراحه وتعليله ؟
(((( تمت بحمد الله ))))
[/poet]
على سفح القصيد اجلس ملقي للقوافي بال = ماهي من سجة الخاطر ولاراحه وتعليله
أنادي للجزل وألا الهمل ماينعش الموال = ومن يثني على همل القصايد قلت عزي له
تزاحم في مخيلتي بيوتٍ نصفها يحتال = على نصفٍ تسابق لأبيض من الطرس تشكي له
ألا يابيت لاتحزن يجيك الدور ثم تختال = تراها ملحمه كلٍ يجيه الدور يدعي له
تصبر لاتعجل والصبر من قمة الأمثال = على شان التسلسل يجذب القاريء وياتيله
وأنا أوعدك في حسن التصرف مثل مالخيّال = يخلّي كل مهره جامحه باللين تصغي له
جموحك لو تعدى قوته من ضربة الزلزال = أشد من الرسن لين الرسن بالطيب ياوي له
وخلك بالمسار اللي ينومس شاعرك لاقال = ضميري بالشعر حاضر وأنا والحق ماضي له
مفاهيمي ماهي قصة غزل أو دردشة جوال = ولاخلٍ على كثر الدلع مطلوبه أثني له
ميولي للغضي أكبر من اني آخذه بهبال = أو استضعف بقايا قوته وأسهره وأنوي له
أو أستهلك قصص عاشق سقاه من التعب همال = سبايب شامتينٍ فوق خد البنت تطري له
وميولي ماهي اني أشبهك ياعابد الأموال = يحسب ان الدراهم يوم حشر الناس تدعي له
في معركة الربا ياهو شجاع ويرهب الأبطال = على أنقاض الطهاره من الجشع أمجاد باني له
يغض الطّرف عن فرض الزكاة ولايحس اشكال = يدلدل فوق ظهر المرتشي رجله ويرهي له
على قوت الضعافا جنت جنونه وحاله حال = يدور من ورى ظلم اليتيم أرباح تدني له
ولو انه على الدنيا فرض نفسه وصال وجال = يجيله يوم من ربي وماله مايصافي له
طموحي ماتشابه مستبد ولا لطيف أقوال = وترى زيف النجوميه جبين الحق يندي له
ميولي فكرةٍ ترمز لها الدله مع الفجال = وناسٍ همّها سهيل الجنوبي من يباري له
مفاهيمٍ قديمه كيف يصبح بيتهم مدهال = وكيف الجار لاجار الزمن بالحال توفي له
وكيف العبد في حق الولي ومنزل الأنفال = يشوف أصلح دروبٍ للهدايه ثم يمشي له
مفاهيمي بداوه وبين قوسين اسمها أفعال = رجالٍ لابغت عزٍ ينومسها تعدي له
وهمومي جيلنا هذا(تعولم) عن مساره مال = تعب يلهث ورى ناسٍ تخدعه يوم تومي له
دخيلك ابتعد عنا تراجع ياسراب اللال = يكفّي جيلنا طربان .. دخيلك لاتغني له
تحلحل عن جذوره وإنشلع واستلطف المقيال = وحتى ظل مقياله سئم حاله ويرثي له
يشوف العذرى تنادي تصيح وثم تذب الشال = تنادي والإذن طرشا .. ترد لله تبكي له
وأنا ما أرثي لحالي وأقول ان الزمن لو طال = أبد والله ياهذي حشا لاماتعدّي له
أبد لامانمشيها حسابه ياخذه أشكال = وإذا نقصت توابيت العدو نجمع ونشري له
همومي إن جيت ألخصها ( تخلينا عن الأعمال) = وجيلٍ ماتهزّه صورة الحرمه تنادي له
وميولي جمعةٍ حول المناره وأشقر الفنجال = وعزيزٍ أسرد همومي معه ساعات وأحكي له
وطموحي كلمتينٍ لو تجي فعلا يطيب الفال = يسموني ضمير الشعر يوم الحق ساعي له
عرفتوا ليه حتى لو ألقي للقوافي بال = ماهي من سجة الخاطر ولاراحه وتعليله ؟
(((( تمت بحمد الله ))))
[/poet]
تعليق