Tweet
ليت لي ذود يدّك البيد واحدله لحاله
كان ماوالله علي خلاف في نجد العذيه..
جفت اقلام الغرام و طّول المحبوب باله
و الله اني ما هقيت ان الغضي يقسى عليه..
وش خطاي الا المحبه وش رجاي الا وصاله؟
وش يبي غير الموده و الغلا و المقدريه؟
دللوه اللي ربوه صغير و اسرف بي دلاله
ليت لي قلب يطيق الصبر و عيونٍ خليه!
و الغضي لو لاعه التحنان و بقلبه عداله
ما غدت من دونه القيعان جردٍ جرهديه
و ان تشره قايد الغزلان مالي به جماله
لعنبو من خان خلانه و جنّب عن خويه
عن جنوبه و الوله و الشرق يغنيني شماله
صد يا قلب الجفا لا صد و ضاح الثنيه
ما انت يالخفاق عبدٍ له و لا انت اصغر عياله!
انت خفاق الضلوع العوج و الخيره خفيه!!
نايف صقر
تعليق