راشد أبن عويضه وأبن هتيل..

أخوان النداوي......


السلام عليكم ورحمة الله وبركاته..

هذه القصيده قالها سعد بن هتيل المسعري الدوسري في صديقه وعانيه /رلشد بن عويضه بن رسام السحيمي

القحطاني بعد أن طال الفراق بينهما وهي موجوده في ديوان أبن هتيل الصادر سنة 1419هـ وقد تم جمعه من قبل

هتيل بن سعد بن هتيل أحد أبناء الشاعر والديوان موجود حالياً في المكتبات ويحوي قصائد ومساجلات رائعه

للشاعر. وبدوري أنصح بقراءة هذا الديوان ...


اليكم القصيده والرجاء الوحيد هو تمعن مافيها من معاني الوفاء والصدق :


بالله يامندوب ياهمام ...ياهمام

......................هيا على اللي مستعد وهميمي

خلك عليه ونحره لبن رسام

.................... أنشد وتعطى العلم وين السحيمي

هيف السمين اللي شحمها له أكمام

.................... راشد عشير الغانمين ونديمي

تلقاه يذعر شبة الصبح مانام

................... والا بعد تلقا لنجره زجيمي

على دلالٍ دقة الشام وقيام

................... بمخومسٍ يصرف عليه الكريمي

مرفوع بالعمدان مبناه سلهام

................. رفض الذوايل مدهلٍ للحشمي

عطه الكتاب اللي من السين واللام

..................... مملي مختوماً على الفين ميمي

سلامٍ أحلى من لبن كل مرزام

..................... عثوا السنام اليا أصخرت بالرزيمي

مني لبو خالد شمامٍ ومادام

..................... العمر من صدف الليالي سليمي

هنيّ من شافه من العام للعام

.................... وشاهد حجاجٍ مايروم الرخيمي

مشعل مناعيرٍولولاب حكام

................... حرٍ على مجناه نزرٍ عديمي

صنديد مصطورٍ للافكار ملهام

..................... زحزيح فتال البلا للخصيمي

حلحيل فرزٍ للحلاحيل جزام

...................... بالراي مايغويه قول اللئيمي

وحياة معبودٍ له الناس صيام

.......................مانساه دام الروح فيها نسيمي

مانسا النديم الي على طول الايام

..................... هرجه علاجٍ للفؤاد السقيمي

أسجّ لاجيته عن الخاص والعام

................... أبوك حظً من جواره حريمي

حنّا أخوان بالضماير.. والاجسام

.................. شتى ولاكن ودنا مستقيمي

الروح واحد والتفرق بالاقدام

................... خوّة مناعيرٍ بعرفٍ جسيمي

رفقة فخر ماهيب رفقة تصنام

.................. جودٍ بجدٍ صاملٍ من صميمي

مندوب لاجيته بحسن التكلام

...................... خلك دليلٍ بالجواب وعليمي

وقل له وش الحيلات من هاك الاعوام

.................... عساه مسرورٍ بحال النعيمي

وارب عينه ماتحلم بالاوهام

..................... ولا يهوجس بالزمان القديمي

ماشاف ماشفنا بتصريف الاحكام

..................... لله سبحـــــــانه الهٍ عظيمي

واليوم ضاعت مرجلة كل مقدام

................... تقايس الشواف هو والبهيمي

وراحت سواليف العرب كنها أحلام

.................... تذكر ولاتنشاف لوهي رديمي

وبقيت بين أوهام وأحلام وأعلام

.................... فردٍ ولاعندي نديمٍ فهيمي

مابه نديمٍ لي على الكيف مفهام

....................... ماغير أصرف غايتي من جليمي

أقنب قنيب الذيب والناس نيام

....................... عندي عرب لاشك بيدٍ هشيمي

ياراشد أرشدني بعلم وتفهام

..................... تعال والانادني ياحكيمي

أن جيت والا من قراطيس وأقلام

.................... وحبرٍ وعالجني تراني سقيمي

والهجر ياراشد يجيب التسمام

...................... وأنا حزين وغيب حزني وخيمي

هذا وصلى الله على سيد الانام

..................... أعداد ماهل السحاب المغيمي



اللهم صلي على سيدنا محمد وعلى اله وصحبه ..........

رحم الله الشاعر / سعد بن ناصر بن هتيل المسعري الدوسري ورحم الله راشد بن عويضه بن رسام السحيمي

القحطاني وجعل مثواهم جنان النعيم ...............



مع العذر الشديد في أي تقصيرقد بدر مني ...

أخوكم /////// خالد الروقي

اخوي خااااالد الروقي

الله يسعد مساك يالغالي حقيقه انك ماقصرت

وبيض الله وجهك بياض يسيع مع كل ريع .. ورحم الله موتانا واموات المسلمين اجمعين ..

تسلم يا خالد .

تحياتي

حمد السحيمي

بيض الله وجهك ياالروقي على هذا الاختيار


سلمت يمينك بما كتبت

وصح السان شاعرها


مع العلم اننا نفتقر مثل هذا النوع من القصائد في منتدياتنا



لك مني جزل الشكر

حمد السحيمي



الله لايهينك ولاسوينا الا الواجب علينا تجاه هولاء الرجال .......



خالد

حنّا أخوان بالضماير.. والاجسام
شتى ولاكن ودنا مستقيمي

الروح واحد والتفرق بالاقدام
خوّة مناعيرٍ بعرفٍ جسيمي


عشت يا خالد
عشت

ورحم الله موتى المسلمين

اخوك
داهم العصيمي

أخى / خالد




الله يرحم الشعراء




ويسكنهم فسيح جناته



وشكرا للاختيار العذب




لقمم شعريه



تحياتى

الاخ حسن الوطري


سلام الله عليك

[mover]ومشكككككككككور[/mover]


ونتمنى من الله أن يوفقنا لمافيه الخير


أخوك

خالد الروقي

رحم الله


سعد بن هتيل الدوسري
و
راشد بن عويضه القحطاني







وجعل يمناك تسلم يا خالد الروقي




تحياتي واعجابي

أخي خالد الروقي,


أولا: ترى لك وحشه وحنا دايم شفقين على مشاركاتك وطرحك الجميل...

ثانيا: أجدت الإختيار ما قصرت على هالموضوع الرائع...


لاهنت ياغالي





أخوك,

أبوماجد



سلام الله عليك


مشكور على المداخله



ياذيب



أبورجاء

الأخ الغالي / خالد الروقي




صح السانك يالقرم





ابيات رائعه جداً





بيض الله وجهك على هذه الشامخه













سنجار( محمد بن عبدالله )

اخوي الغالي ..... خالد الروقي


الله لا يهينك ...... وفيت وكفيت ...



تقبل تحياتي ..

اخوك:

عايض راشد