[poet font="Simplified Arabic,14,darkred,normal,normal" bkcolor="" bkimage="http://nadawi.net/vb/images2/38.gif" border="none,2,gray" type=2 line=200% align=center use=sp char="" num="0,black"]
يقولون حظّك شاب قم ولّـم المشعاب = وانا اقول حظٍّ بالمشاعيب لا جاني
خبولٍ تناسا ان فيه ربٍّ وفيه اسباب = مقاريد كلٍّ نيّته يسبق الثاني
وكم من حريصٍ باد حيله وراسه شاب = ورى قسمةٍ راحت لغيره وهو عاني
تحدّه صدوفٍ كنّها لطمة المخلاب = تصك الوجيه القاصيه واخطت الداني
رواحيل دنياً متعبه والسنين ركاب = ولحدٍ يقول لدربها وين وداني
منازيلهم منها بيوتٍ بدون اطناب = تبنّا لهم حتى يقلّط بها الباني
واميّل قصيدي لو تناها عن اللي جاب = على اللي حداني للقصايد وعنّاني
رجالٍ تبدّو في طريقي عراض ارقاب = محاديب علجات الظهر عضب الايماني
يغنـّون قافٍ من عجوزٍ بدون ثياب = تهزمل لهم بالصوت وتجر الالحاني
تبي زاد ورعٍ قد تباكا وهو كذّاب = مواريه خبثٍ بالخفا نجس الاركاني
وانا خابر اللي في ردى حيلة الغيّاب = سواد النوايا من ورى بيض الابداني
دروسٍ من الدنيا تجينا بدون كتاب = تبيّن مقاطيع الردي ولد الهداني
تسابق علينا اهل المشوره بدون حساب = ولا فيه زولٍ جاك بالشور متواني
ولا فيه غبنٍ جاه شور الشوير وطاب = ولا فيه شورٍ جاب حقٍ من الجاني
ولا الرجل مع ذبّاح جدّه يجون اصحاب = ولا يستوي لك ودّ من واحدٍ شاني
ولا ضحكةٍ تبري جروحٍ من المنصاب = ولا فيه عيبٍ تدمحه غبر الازماني
علاج الجروح الحزم ومقابل المحراب = وعزمٍ وجزمٍ مع صناديد الاعواني
ترى الحر دايم ماكره عالي المرقاب = ويومك حذاري تلتوي به وهو فاني
عليك الله اكبر يا صقر كان صرت غراب = وعقبك نشوف الذيب يرعى مع الضاني
تناهيت عن طاريك و الجرح له مشهاب = يداوي جروحي لو من الضيم بكّاني
[/poet]
يقولون حظّك شاب قم ولّـم المشعاب = وانا اقول حظٍّ بالمشاعيب لا جاني
خبولٍ تناسا ان فيه ربٍّ وفيه اسباب = مقاريد كلٍّ نيّته يسبق الثاني
وكم من حريصٍ باد حيله وراسه شاب = ورى قسمةٍ راحت لغيره وهو عاني
تحدّه صدوفٍ كنّها لطمة المخلاب = تصك الوجيه القاصيه واخطت الداني
رواحيل دنياً متعبه والسنين ركاب = ولحدٍ يقول لدربها وين وداني
منازيلهم منها بيوتٍ بدون اطناب = تبنّا لهم حتى يقلّط بها الباني
واميّل قصيدي لو تناها عن اللي جاب = على اللي حداني للقصايد وعنّاني
رجالٍ تبدّو في طريقي عراض ارقاب = محاديب علجات الظهر عضب الايماني
يغنـّون قافٍ من عجوزٍ بدون ثياب = تهزمل لهم بالصوت وتجر الالحاني
تبي زاد ورعٍ قد تباكا وهو كذّاب = مواريه خبثٍ بالخفا نجس الاركاني
وانا خابر اللي في ردى حيلة الغيّاب = سواد النوايا من ورى بيض الابداني
دروسٍ من الدنيا تجينا بدون كتاب = تبيّن مقاطيع الردي ولد الهداني
تسابق علينا اهل المشوره بدون حساب = ولا فيه زولٍ جاك بالشور متواني
ولا فيه غبنٍ جاه شور الشوير وطاب = ولا فيه شورٍ جاب حقٍ من الجاني
ولا الرجل مع ذبّاح جدّه يجون اصحاب = ولا يستوي لك ودّ من واحدٍ شاني
ولا ضحكةٍ تبري جروحٍ من المنصاب = ولا فيه عيبٍ تدمحه غبر الازماني
علاج الجروح الحزم ومقابل المحراب = وعزمٍ وجزمٍ مع صناديد الاعواني
ترى الحر دايم ماكره عالي المرقاب = ويومك حذاري تلتوي به وهو فاني
عليك الله اكبر يا صقر كان صرت غراب = وعقبك نشوف الذيب يرعى مع الضاني
تناهيت عن طاريك و الجرح له مشهاب = يداوي جروحي لو من الضيم بكّاني
[/poet]
تعليق